Mika 7:15 - Mandinka Bible

¹⁵ Kaawakuwolu yitandi ǹ na, ko i ye a ke nuŋ tiloolu la ñaameŋ, biriŋ i ye i la moolu ñaatonkayaa ka bo Misira.

Mika 7:15 Mawu Ofanana

Jabuuroolu 68:22

Maariyo ko, “M be n jawoolu murundi la le ka bo Basani. M be ì murundi la le ka bo fankaasoo duumoolu to.

2 Musa 3:20

Bari m be n semboo yitandi la le, ka Misirankoolu mantoora ka kaawakuwolu ke jee. Niŋ wo keta, a be ali bula la le ali ye taa.

2 Musa 34:10

Yaawe ko Musa ye ko: “Saayiŋ, n niŋ Banisirayilankoolu be naa kambeŋo siti la le. M be naa kuu baalu le ke la ì faŋolu ñaa koto, mennu nene maŋ ke banku to ñiŋ duniyaa kono. Ali niŋ moolu mennu be ñoo kaŋ, be a je la le, nte Yaawe si kuu baalu mennu ke noo, kaatu m be kaawakuwolu le ke la ali ye.

Yesaya 11:16

Sila baa le be tara la a la moo toomaalu ye jee, mennu bota Asiriya, ko a be nuŋ Banisirayila ye ñaameŋ, kabiriŋ ì bota naŋ Misira.

Yesaya 51:10

Ite le ye fankaasoo jandi, baa diinoŋo bee jaata, i ye taamadulaa ke baa kono duuma, fo moolu mennu kumakaata si tambi noo.

Yesaya 51:9

Wuli, wuli Yaawe, i ye i semboo taa! Wuli, ko i ye a ke nuŋ ñaameŋ folooto. Fo ite le maŋ wo daafeŋ saŋarariŋ baa Rahabu faa baŋ? Ite le ye a soo fo i ye a faa, i ye a kuntuŋ-kuntuŋ.