Mika 6:15 - Mandinka Bible

¹⁵ Ali si fiiroo ke, bari ali te a munafaŋo soto la. Ali si olifu yiridiŋolu biti, bari ali te a tuloo nafaa soto la. Ali si wayini* yiridiŋolu biti, bari ali te a jiyo miŋ na.

Mika 6:15 Mawu Ofanana

Yuuba 31:8

wo to Allamaa moo koteŋ ye n na fiifeŋolu domo, m faŋo ye mennu fii, n na fiifeŋolu ye kasaara.

Yeremiya 12:13

Ì ye siimaŋo le fii, bari ì ye ŋaniŋo le kati. Ì ye ì faŋ faa dookuwo la le, bari a maŋ ì nafaa feŋ na. Ì maluta ì la katiroo to le, nte Yaawe la kamfaa baa kamma la.”

3 Musa 26:16

m be ñiŋ kuwolu le ke la ali la: M be kasaaroo le jindi la ali kaŋ loodulaa kiliŋ, ka taa jankaroo, aniŋ kajewo meŋ ka ñaa dibindi, meŋ be ali suusuu la fo ali la baluwo ye baŋ. Ali si ali la fiifeŋolu fii kensenke, nafaa te tara la ali ye jee, kaatu ali jawoolu le be naa a domo la.

3 Musa 26:20

Ali be ali semboo bo la kensenke le, kaatu ali la bankoo te fiifeŋ bondi la, aduŋ a yiroolu te diŋ na.

Amosi 5:11

Ali ye fuwaaroolu toorandi, aniŋ ali ye siimaŋ kese naamoo laa ì kaŋ. Wo kamma la, ali ye buŋolu mennu loo bere leseriŋo la, ali te sabati la ì kono. Ali ye wayini* yiri diimaalu mennu tutu, ali te ì jiyo miŋ na.

Habakuki 3:17

Hani niŋ sooto yiroolu maŋ firi faŋ, aduŋ diŋ te wayini* yiroolu bala, olifu* yiroolu maŋ diŋ, kunkoolu maŋ siimaŋ bondi, saajiyolu bee yeemanta saajii buŋo kono, ninsi fanaa te ninsi buŋolu kono,

Sefaniya 1:13

Ì la fankoo bee si ñapinkaŋ ì bulu, ì la buŋolu bee ye kasaara. Ì ye buŋolu mennu loo, ì te sabati la ì kono, ì ye wayini* yiroolu mennu tutu, ì te ì jiyo miŋ na.”

Hakayi 1:6

Ali ye fiifeŋ jamaa le fii, bari ali ye meŋ kati a daŋo dooyaata baake le. Ali ka domoroo ke le, bari ali konoo buka faa. Ali ka i miŋ, bari mindoo buka bo ali la. Ali ka feetoofatoolu duŋ ne, bari ì buka nenoo bo ali la. Ali ka joo soto le, bari a ka munta le ko, ali ka a ke kufu sooriŋo le kono.”

Yohana 4:37

Ñiŋ kumoo mu tooñaa le ti ko, ‘Moo doo ka fiiroo ke le, doo ye katiroo ke.’

Kiitindirilaalu 6:4

Ì ye ì la daakaalu loo jee, ka ì la bankoo fiifeŋolu kasaara, ka taa bula fo Kaasa la. Ì buka hani domori feŋ ne tu Banisirayila kono, saajii to baŋ, ninsi waraŋ fali.