Mika 5:6 - Mandinka Bible

⁶ Ì si Asiriya bankoo mara hawusaroo* la, meŋ mu Nimurodi koomalankoolu la bankoo ti, ì be a mara la hawusari kesoo le la. Ì si m̀ bo Asiriyankoolu bulu, niŋ ì naata boyi ǹ na bankoo kaŋ, niŋ ì ye ì siŋo loo ǹ na bankoo naanewo to.

Mika 5:6 Mawu Ofanana

2 Mansoolu 15:29

Banisirayila mansa Peka la mansayaa waatoo kono le Asiriya mansa Tikilati-Pilesa naata ka dulaalu muta mennu keta Iyoni ti, Abeli-Beti-Maaka, Yanowa, Kedesi, aniŋ Hasori. A ye Kileyadi niŋ Kalilee taa, ka taa Nafutali bankoo muumewo bee, aduŋ a ye moolu muta ka ì samba Asiriya.

1 Taarika 1:10

Kusi le mu Nimurodi faamaa ti. Ate Nimurodi le keta nuŋ kelejawara baa ti duniyaa kono.

2 Taarika 33:11

Bituŋ Yaawe ye Asiriya mansa la kelediŋ kuntiyolu bula naŋ ì kaŋ. Ì ye Manase muta, ì ye dooliŋo bula a nuŋo la, ì ye a siti jaawali joloo la ka a samba Babiloni.

Yuuba 29:22

Ì buka kuma laa m fokumoo kaŋ, m fokumoo ka ì kontaani le ko neemajiyo.

Jabuuroolu 110:3

Luŋo meŋ na keloo wulita, i la moolu be wakiili la le. Komeŋ soomandaa juuna komboo, i la fondinkewolu be naa i kaŋ ne faramansoo niŋ seneyaa kono.

Jabuuroolu 72:6

Allamaa mansa ke la komeŋ samaajiyo, meŋ ka ke fiifeŋolu kaŋ, komeŋ sanjiyo ka buruntu bankoo kaŋ ñaameŋ.

Yesaya 14:2

Banku koteŋolu le be Banisirayilankoolu maakoyi la, ka ì murundi ì la bankoo kaŋ. Banku koteŋolu be ke la ì taa le ti, ì ye ke ì ye jonkewolu niŋ jommusoolu ti bankoo kaŋ, Yaawe ye meŋ dii ì la. Moolu mennu ye Banisirayilankoolu ke ì la mutamoolu ti, saayiŋ itolu le be ke la Banisirayilankoolu la mutamoolu ti, moolu mennu ye ì mantoora, ye tara marariŋ ì bulu.

Yesaya 14:25

M be Asiriya kelediŋ kafoo kasaara la n na bankoo kaŋ ne, ŋa ì doriŋ-doriŋ n na konkoolu kaŋ. Ì la yookoo* be bo la n na moolu toŋo to le, ì ye dunoo meŋ laa ì sañoolu kaŋ, fanaa ye bo.

Yesaya 33:1

Kooroo be boyi la ite kasaaralilaa kaŋ ne, moo maŋ ite meŋ kasaara. Kooroo be boyi la ite jamfaalaa kaŋ ne, moo maŋ ite meŋ jamfaa. Niŋ i ye i foño kasaaraloo la, hani wo, i be kasaara la le. Niŋ i ye i foño jamfaamooyaa la, wo to le jamfaa kuwo be naa ke la i la.

Yesaya 37:36

Wo to le Yaawe la malaayikoo taata, a ye kee wuli keme, wuli taŋ seyi, aniŋ wuli luulu faa Asiriyankoolu la daakaa kono. Kabiriŋ fanoo keta, ì furewolu tarata laariŋ jee le.

Yesaya 37:37

Bituŋ Asiriya mansa Sennakeribu ye daakaa janjaŋ, a seyita ka taa sii Ninewe saatewo to.

Yesaya 6:13

Aduŋ hani a ye a tara, moo taŋ-wo-moo taŋ, moo kiliŋ ne tuta baluuriŋ bankoo kaŋ, wo fanaa be kasaara la le. Bari a be ke la le ko, niŋ ì ye yiri baa kuntu, yirijuu kuntoo ka tu jee ñaameŋ, turu senuŋo be ke la bankoo kaŋ wo le ñaama.”

Yeremiya 14:22

Banku koteŋ moolu la jalaŋ kenseŋ jumaa le si samaajiyo ke noo? Waraŋ fo saŋ fatoolu si jiyo ke noo ì faŋ ye baŋ? Fo a maŋ ke ite Yaawe, ǹ na Alla le ti? Ŋà ǹ jikoo loo ite le kaŋ, kaatu ite le ka ñiŋ kuwolu bee ke.”

Nahumu 2:11

Ì la saatewo keta ñaadii le, meŋ ka muluŋ nuŋ ko jata koloo, jatadiŋolu daañini dulaa, jatoolu sabatidulaa, jatamusoolu niŋ jatadiŋolu, daameŋ moo buka haañi ka ì waliŋ jee?

Sefaniya 2:13

Yaawe bulu be laa la maraa la maafankoolu kaŋ ne, a ye Asiriya kasaara, a ye Ninewe kenseŋyandi, a ye jee jandi ko keñewuloo*.

Sefaniya 3:12

M be moolu mennu tu la ali kono Yerusalaamu, wolu mu fammajiilaalu le ti, aniŋ moo bataariŋolu. Ì be kali tankoo ñini la niŋ nte Yaawe too le la.

Luka 1:71

A be ǹ tankandi la ǹ jawoolu ma le, moolu buloo ma, mennu ye ǹ koŋ.

Luka 1:74

A ye i kali ka m̀ firiŋ ǹ jawoolu bulu, fo ǹ si a batu silabaliyaa kono,

Luka 24:27

Wo koolaa Yeesu ye Alla la kumoo kotoo fo ì ye, meŋ fota a faŋo la kuwo to. A ye a dati Annabilayi Musa la kitaaboo le la, aniŋ annabiyomoolu ye mennu bee safee.

5 Musa 32:2

Allamaa n na karandiroo ye jii ali kaŋ ko sanjiyo, m fokumoolu ye ke ko komboo, ko samaa jiyo ñaamoolu kaŋ, ko sanji yofuyofoo fiifeŋ mereŋolu kaŋ.