Mika 5:4 - Mandinka Bible

⁴ A be ke la a la moolu ye le ko saajii kantalaa, Yaawe la mansabaayaa semboo kaŋ, Yaawe, a la Alla too la waroo kaŋ. Ì la baluwo be tara la tankoo le kono, aduŋ a too la waroo be taa le fo duniyaa daŋo to.

Mika 5:4 Mawu Ofanana

Jabuuroolu 145:12

ka hadamadiŋolu londi i la kaawakuu baalu la, aniŋ i la mansayaa horomoo la waroo.

Jabuuroolu 22:27

Duniyaa fannaa bee la, moolu hakiloo be bula la Yaawe la le, aduŋ ì be muru la a kaŋ ne. Bankoolu la siyolu bee le be sujudi la a ñaatiliŋo la.

Jabuuroolu 72:19

Ali a jayi a too ñiimaa la fo abadaa. Allamaa a la kallankeeyaa* ye faa duniyaa bee kono. Amiin! Amiin!

Jabuuroolu 72:8

Allamaa a la maraloo ye bo fankaasi ka taa fankaasi, aniŋ ka bo Yufurati Boloŋo to ka taa fo duniyaa daŋo to.

Jabuuroolu 93:1

Yaawe* le mu Mansa ti, a ye semboo niŋ waroo duŋ ne ko mansa dendikoo. A ye duniyaa londi le a bambanta kat, a te wutu la a noo to muk.

Jabuuroolu 98:3

A ye a la laahidoo muta Banisirayila moolu ye le, a la kanu bambaloo niŋ foroyaa tilindiŋo kaŋ. Duniyaa moolu bee ye ntolu la Alla la tankandirilaŋ semboo je le.

2 Musa 23:21

Ali ali hakiloo tu a to, aduŋ ali si i lamoyi a la kumoo la. Ali kana balaŋ a bulu, a te yamfa la moo-wo-moo ye, niŋ ì balanta a ma, kaatu nte le, ŋa kaŋo dii a la.

Yesaya 45:22

“Alitolu mennu be duniyaa tonkoŋ naanoo to, ali naa muruŋ n kaŋ fo ali si tanka. Kaatu nte le mu Alla ti, aduŋ doo te jee.

Yesaya 49:5

Yaawe ye n daa m baamaa wuluuñaŋo kono le, ka n ke a la dookuulaa ti, ka Yaakuba koomalankoolu ñaatonkayaa, fo ì si muru a kaŋ, aniŋ ka Banisirayilankoolu ñaa tilindi a la. Yaawe be m buuñaa la le, aduŋ n na semboo be bo la naŋ Alla le bulu.

Yesaya 52:10

Yaawe be a semboo yitandi la bankoolu bee la le, aduŋ duniyaa moolu bee be ǹ na Alla la kiisoo je la le.

Yesaya 52:13

Yaawe ko: “A juubee, n na dookuulaa la kuwo be yiriwaa la le, a be sikandi la le, a ye tara santo-santo.

Yesaya 8:7

Wo to saayiŋ, nte Yaawe be naa paree la le, ka Yufurati Boloŋo jiyo waamemaa samba ì kaŋ. Wo le mu Asiriya mansa niŋ a la kelediŋolu ti. A be woyi la a kankuŋolu bee kaŋ ne, a ye bori a jiisiloolu dandulaa bee la.

Mika 7:14

Hee Yaawe, i la moolu kanta niŋ i la taamaraŋ dokoo la, ko kantarilaa ka a la saajiyolu daañini ñaameŋ. Itolu mu i taa le ti. Ì daala be faariŋ banku kendoo la, bari ì be siiriŋ ì faŋ ye wuloo kono. I bula ì ye i daañini Basani aniŋ Kileyadi, ko ì ka a ke ñaameŋ waati jaŋ koomanto.

Jakariya 13:7

Yaawe Alihawaa Maariyo ye ñiŋ ne fo ko: “Hawusari*, kuniŋ i ye wuli n na kantarilaa kamma, wuli a kamma, n na moo sutuŋo le mu. A seyi, saajiyolu ye janjaŋ. Hani domandimmaalu faŋo, m bulu be laa la ì kaŋ ne.”

Jakariya 9:10

M be keleraŋ sareetoolu* buruka la Efurayimu* le, ŋa Yerusalaamu la keleraŋ suwoolu fanaa buruka, ŋa daŋ ke kalabeñoo la. Ali la mansa be kayiroo naati la bankoolu kaŋ ne, biriŋ fankaasi ka taa fankaasi, ka bo Yufurati Boloŋo to ka taa fo duniyaa daŋo to.

Malaki 1:5

Alitolu Banisirayilankoolu, ali ñaa be boyi la ñiŋ kaŋ ne, aduŋ ali si a fo ko, Yaawe le warata hani ka tambi Banisirayila naanewolu la.”

Matiyu 16:18

Aduŋ m be a fo la i ye, ite mu Pita le ti. M be n na kafoo loo la ñiŋ beroo le kaŋ, hani saayaa semboo te wo kafoo tiñaa noo la.

Matiyu 2:6

‘Aduŋ ite Betilehemu, Yahuuda bankoo kaŋ, kana a miira ko, ite le dooyaata Yahuuda mansa maralilaalu kono. Kaatu maralilaa be bo la ite kono le, meŋ be n na moolu kanta la, Banisirayilankoolu.’ ”

Matiyu 25:31

“Niŋ Moo Dinkewo* naata a la semboo niŋ waroo kono, a niŋ a la malaayikoolu bee, a be sii la a la mansasiiraŋ kallankeeyaariŋo* le kaŋ.

Luka 1:32

A be ke la moo baa le ti, aduŋ a be kumandi la Alla Mansa Tallaa Dinkewo le la. M̀ Maarii Alla be a bonsuŋ Dawuda la mansasiiraŋo dii la a la le.

Yohana 10:38

Bari niŋ n ka wolu le ke, hani niŋ ali maŋ laa nte la, wo to ali laa kebaaroolu la, fo ali si a loŋ aniŋ ali ye a fahaamu ko, m Faamaa be nte kono le, aduŋ nte be m Faamaa kono le.”

Yohana 20:17

Bituŋ Yeesu ko a ye ko, “Kana m maa, kaatu m maŋ muru foloo ka taa m Faamaa yaa. Bari taa m baadinkewolu yaa, i ye a fo ì ye ko, m be muru la le ka taa m Faamaa niŋ ali Faamaa yaa, n na Alla aniŋ ali la Alla.”

Efesusinkoolu 1:3

Tenturoo niŋ jayiroo be Alla ye, m̀ Maarii Yeesu Kiristu Faamaa. A neemata m̀ ma, Nooroo la neemoolu bee le la, mennu be Arijana dinkiraalu kono, neemoolu mennu bee sotota ka bo niŋ Kiristu la.

1 Pita 1:5

Ali be a soto la le, baawo Alla la semboo ka ali tankandi lannoo kono wo kiisoo le ye, meŋ be lankenema la luŋ labaŋolu kono.

Yuuda 1:1

Nte Yuuda, meŋ mu Yeesu Kiristu* la dookuulaa ti, Yankuba dookewo, m be ali kontoŋ na, alitolu mennu bee kumandita ka sabati Alla, m̀ Faamaa la kanoo kono, meŋ ye ali kanda Yeesu Kiristu ye.

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”