Mika 5:3 - Mandinka Bible

³ Yaawe be a la moolu fili la ì jawoolu bulu le, fo janniŋ ñiŋ maralilaa be wuluu la. Wo le to a baadiŋ toomaalu be naa bo la mutoo kono, ì ye muru ka kafu Banisirayilanka koteŋolu ma.

Mika 5:3 Mawu Ofanana

1 Mansoolu 14:16

Aduŋ a be a koo dii la Banisirayila la le junuboolu kamma la, Yerobowamu ye mennu ke, aniŋ a ye a tinna Banisirayila ye ì ke.”

2 Taarika 30:7

Ali kana ke ko ali mumuñolu waraŋ ali baadiŋ doolu, mennu maŋ laa Yaawe la, ì mumuñolu la Alla, fo a ye ì ke jutunna feŋo ti, ko ali ye a loŋ ñaameŋ.

Jabuuroolu 67:3

Maarii Alla, duniyaa moolu bee si i tentu, moolu bee si i jayi.

Yesaya 11:11

Wo luŋo la, Maariyo be a bulu sembemaa taa la le kotenke, ka moo toomaalu kaniŋ mennu tuta a la moolu kono, ka bo Asiriya, ka taa fo Misira bankoo bulubaa niŋ maraa la, ka bo Kusi*, Elamu, Babiloni, Hamati, aniŋ ka taa fo Baa Baa* borindoo la.

Yesaya 49:6

Saayiŋ, Yaawe ko n ye le ko, “I mu n na dookuulaa le ti, i be kuu le ke la, meŋ tambita ka Yaakuba lasiloolu seyindi ì ñaama, ka Banisirayila moo toomaalu murundi naŋ. M be i ke la bantala bankoolu* fanaa ye maloo le ti, i ye n na kiisoo samba duniyaa tonkoŋ naanoo bee to.”

Yeremiya 23:5

Yaawe le ye ñiŋ fo ko: “A juubee, luŋolu be naa le, m be yiribulu tilindiŋo sorondi la Mansa Dawuda koomalankoolu ye. A be ke la mansakewo le ti meŋ be maraloo ke la niŋ fahaamuroo la, aduŋ a be tooñaa kiitiiteyoo niŋ tiliŋo le taamandi la bankoo kaŋ.

Yeremiya 31:1

Yaawe* le ye ñiŋ fo ko: “Wo waatoo la m be ke la Banisirayila lasiloolu bee le la Alla ti, aduŋ ì be ke la n na moolu le ti.”

Esekiyeli 34:16

“M be wo saajii filiriŋolu ñini la le, aduŋ mennu janjanta, m be ì murundi la naŋ ne. M be ì la baramoolu siti la le aniŋ ka ì lamfuriŋolu maakoyi. Bari wo nunkumaalu niŋ bambandiŋolu, m be wolu kasaara la le, kaatu m be ì daañini la tiliŋo le kono, bayiri ì jarita meŋ na, i be wo le soto la.”

Hoseya 11:8

“Bari Efurayimu, n si i bula noo ñaadii le? Banisirayila, n si m bo noo i to ñaadii le? N si ali kasaara noo ñaadii le ko Aduma saatewo, waraŋ Seboyimu saatewo? Ali la kuwo ye n niyo kuyaa le, balafaa ye m futufaa.

Hoseya 2:14

“Bari m be a saba la naŋ ne, ŋa a samba keñewuloo kono, ŋa kuma diimaa fo a ye.

Hoseya 2:9

“Wo to m be n na siimaŋ kesoo taa la a waatoo la le, aniŋ n na wayinoo a sanjaanoo la. M be n na sitifeŋolu buusi la a bulu le, meŋ ye a sutura.

Amosi 5:15

Ali kuu kuruŋo koŋ, ali ye kuu kendoo kanu. Ali ye tooñaa sabatindi kiitiidulaalu to. A si ke noo Yaawe Alihawaa Maariyo ye naa hiinoo soto Yusufa koomalanka toomaalu ye.

Mika 4:4

Moo-wo-moo, a be sii la a fansuŋ wayini* yiroo le koto, aniŋ a fansuŋ sooto suŋo. Moo te ì silandi noo la kotenke, kaatu Yaawe Alihawaa Maariyo* faŋo la kumakaŋo le mu.

Mika 4:7

Ñiŋ lanjuurutoolu le be ke la moo baluuriŋ toomaalu ti. Ì ye mennu bayi ì fansuŋ bankoo kaŋ, ì ye ke banku sembemaa baa ti. Nte Yaawe faŋo le be ke la ì la Mansa ti Siyoni Konkoo kaŋ, ka bo saayiŋ fo abadaa.

Mika 5:7

Yaakuba koomalankoolu mennu tuta, be tara la janjandiŋ bankoolu le kaŋ. Ì la kuwo be muluŋ na le komeŋ komboo, Yaawe ye meŋ jindi naŋ, waraŋ samaajiyo, ñaamoolu kaŋ. Ì te ì jiki sembe la moo la, sako ì si taamaayaa hadamadiŋ na.

Mika 5:8

Moo toomaalu mennu tuta Yaakuba koomalankoolu kono, be tara la banku koteŋolu le kaŋ, ko jatoo ka tara wulakono daafeŋolu kono ñaameŋ, ko niŋ jatoo dunta saajii koorewo kono, ka ñapi ì kaŋ, ka ì suboo kuntuŋ-kuntuŋ. Tankandirilaa te soto la.

Mika 6:14

Ali si domoroo ke fo, bari ali te faa la, ali be tara la konkoriŋ ne doroŋ. Ali be tu la feŋ yoronnoo le la, bari ì te ali nafaa la, aduŋ ali ye feŋ-wo-feŋ maabo, keloo mantooroo le be a bee taa la ali bulu.

Mika 7:13

Bari duniyaa banku koteŋolu si tumbuŋ jee siilaalu la baara kuwo kamma la, ì la baaroo joo be ke la wo le ti.

Jakariya 10:6

“M be Yahuuda moolu bambandi la le, ŋa Yusufa koomalankoolu kiisa. M be ì murundi la naŋ ne, kaatu m baloo faata ì ye le. Ì si ke ko, n nene maŋ m baŋ nuŋ mennu to. Nte le mu Yaawe ti, ì la Alla, m be ì la duwaa jaabi la le.

Matiyu 1:21

A be dinkewo le wuluu la, aduŋ i si a toolaa Yeesu la, kaatu ate le be a la moolu kiisandi la ka bo ì la junuboolu kono.”

Matiyu 12:50

Moo-wo-moo meŋ ka m Faamaa la lafoo ke, meŋ be Arijana, wo le mu m baadinkewo ti, m baarimmusoo aniŋ m baamaa.”

Matiyu 25:40

Bituŋ mansakewo si naa ì jaabi ko, ‘Tooñaa, m be a fo la ali ye, ali ye kuu-wo-kuu meŋ ke n ñiŋ baadiŋ kiliŋ ye, hani meŋ na kuwo dooyaata ì bee kono, ali ye a ke nte le ye.’

Roomankoolu 8:29

Kaatu a ye mennu la kuwo loŋ nuŋ, a ye wolu le tomboŋ fanaa fo ì muluŋo si ke ko a Dinkewo. Wo to le a Dinkewo si naa ke dinkee foloo ti baadiŋ jamaa kono.