Mika 4:9 - Mandinka Bible

⁹ “Wo to saayiŋ, muŋ kumboo kuu le laata i kaŋ? Fo i maŋ mansakewo le soto baŋ? Fo i la yaamarilaalu le banta baŋ, wo kuwo seleta i la, ko niŋ tiŋo be musoo la?

Mika 4:9 Mawu Ofanana

Yesaya 13:8

Silaŋ baa be duŋ na ì la le, dimiŋo niŋ niitooroo ye i miniŋ ì la. Ì be ŋuntaŋ na le ko, niŋ musoo be tiŋo to. Ì kija kuntutoo be ñoo juubee la le, ì ñaadaa ye yelema silaŋo kamma.

Yesaya 21:3

Ñiŋ jeroo le ye a tinna dimiŋo dunta m balajaatoo la, dimiŋo ye m muta ko niŋ musoo be tiŋo to. Ŋa meŋ moyi, a ye m bondi n noo to le, ŋa meŋ je, a ye n jaakalindi.

Yesaya 26:17

Hee Yaawe, ko musukonomaa meŋ pareeta wuluu la, ka ŋaara ñaameŋ, ka dimoo kumboo, ntolu be wo le ñaama i ñaatiliŋo la.

Yeremiya 22:23

Ite ye i la ñaŋo dadaa Libanooni sedari* yiroolu le la. Bari i be ŋuntaŋ na ñaameŋ, niŋ dimiŋo laata i kaŋ luŋo meŋ na, dimiŋo, ko niŋ tiŋo ye musoo maa!

Yeremiya 30:10

“Wo to ali kana sila, alitolu Yaakuba koomalankoolu, n na dookuulaalu, sako ka jikilateyi, alitolu Banisirayilankoolu.” Yaawe le ye a fo. “Kaatu ko, m be ali kiisa la naŋ dulaa jamfariŋo to le, ka ali koomalankoolu bondi naŋ ì mutadulaa bankoo kaŋ. Yaakuba koomoo be muru la naŋ ne ka tenkuŋo niŋ tankoo soto, aduŋ moo te a silandi noo la.

Yeremiya 4:21

Fo m be tu la kele bandeeroo le je la baŋ, ka tu binoo feekaŋo moyi la?

Yeremiya 4:31

Ŋa musu le kumboo kaŋo moyi tiŋo to, a ŋuntaŋ kaŋo ka munta meŋ be a diŋ foloo wuluu kaŋ. Wo mu Dimmusuriŋ* Siyoni le ŋuntaŋ kaŋo ti, ka i niijii. A ye a buloolu wulindi le, a ka a fo ko, “Ayiwaalii nte! M be ketu kaŋ ne. N siyo dunta moofaalaalu le bulu.”

Yeremiya 48:41

Ì be saatewolu taa la le, ì ye tatoolu muta. Wo luŋo la, kijafaroo be Mowabi kelediŋ fatiŋolu muta la le, ko tiŋ ye musu maa.

Yeremiya 50:43

Yaawe ko: “Babiloni mansakewo ye ì kibaaroo moyi le, a buloolu tuta yondiŋ. Kijafaroo le ye a muta, aniŋ dimiŋo ko tiŋ ye musu maa.

Yeremiya 8:19

I lamoyi n na moolu kumboo kaŋo la, ka bo bankoo karoo bee la: “Fo Yaawe maŋ tara Siyoni* kotenke? Fo Siyoni la Mansa maŋ tara a fee kotenke?” Yaawe ko: “Muŋ ne ye a tinna ì ye n kamfandi ka jalaŋolu batu, ì ye mennu dadaa, aniŋ ka bantala banku* moolu la jalaŋ fuuriŋolu batu?”

Niikuyaa Suukuwolu 4:20

Teŋ neŋ, ì ye ǹ na baluwo topatoolaa muta, Yaawe la tomboŋ mansakewo, ì la dinkoolu kono, ǹ ka a fo meŋ ye nuŋ ko, banku koteŋolu si a je, a ye ke ǹ ye dubeŋo ti, aniŋ ǹ tankadulaa.

Hoseya 10:3

Bituŋ ì si naa ñiŋ fo ko, “M̀ maŋ sila Yaawe la, wo le ye a tinna m̀ maŋ mansa soto. Bari mansa faŋo si muŋ ne ke noo ntolu ye?”

Hoseya 13:13

Efurayimu ye siloo soto le ka baluu, bari ì maŋ kewuyaa. Ì be le ko deenaanoo, meŋ wuluu waatoo siita, a maŋ soŋ ka finti naŋ wuluuñaŋo kono.

Hoseya 3:4

Banisirayilankoolu la kuwo be wo le ñaama: Ì te mansa soto la fo waati jaŋ, ì te maralilaa soto la, waraŋ bere samasiŋ, efodi* waraŋ bunkono jalaŋ, aduŋ ì te beeyaŋ sadaa bo la.

Mika 5:3

Yaawe be a la moolu fili la ì jawoolu bulu le, fo janniŋ ñiŋ maralilaa be wuluu la. Wo le to a baadiŋ toomaalu be naa bo la mutoo kono, ì ye muru ka kafu Banisirayilanka koteŋolu ma.

Yohana 16:21

Niŋ musoo be tiŋo to, a ka bataa le, kaatu a la wuluu waatoo le siita. Bari niŋ deenaanoo wuluuta, a ka ñina a la bataa la le, kaatu a ka seewoo le ko, deenaanoo wuluuta duniyaa kono le.

Lankenemoo 12:2

A mu musukonomaa le ti, bituŋ a ŋuntanta tiŋo la dimoo kamma la, kaatu a be fitiiriŋ a la wuluwo la le.