Mika 4:8 - Mandinka Bible

⁸ “Ite Siyoni Konkoo, ite meŋ keta n na moolu ye tankadulaa ti, i be semboo soto la le kotenke, i ye mansayaa soto, ko a tarata i bulu ñaameŋ, ite Dimmusuriŋ* Yerusalaamu.

Mika 4:8 Mawu Ofanana

1 Musa 35:21

Bituŋ Isirayila meŋ mu Yaakuba ti, tententa taamoo la. A ye a la tiriliisoo* loo Ederi Tatoo maafaŋo la.

2 Samuweli 5:7

Bari hani wo ñaa-wo-ñaa Dawuda ye ì la Siyoni* Tatoo taa. Bituŋ jee naata ke Dawuda la Saatewo* ti.

Nehemiya 3:25

Usayi dinkewo Palali le ye seyinkaŋ dadaaroo ke ŋoojiŋo ñaatiliŋo la, mansa buŋ santonkoo tata jaŋ baa bala. Wo to be mansa kantalaalu la luwo daala le. Ate bala, Parosi dinkewo Pedaya le ye seyinkaŋ dadaaroo ke.

Jabuuroolu 24:7

Dundaŋ daalu ye yele, ali nunto dundaŋ daalu yele hawu, fo Mansa Kallankewo* si duŋ naŋ.

Jabuuroolu 48:3

Alla be Siyoni Tatoo kono le. A ye a faŋ yitandi le ko, ate le mu ì ye tankoo ti.

Jabuuroolu 61:3

Bayiri ite le mu n tankandilaa ti, i mu n ye tata bambandiŋo le ti n jawoolu ñaato.

Suukuwo 4:4

I kaŋo be jaŋayaariŋ ko Dawuda la tatoo, i kaŋ nomboolu be jonkiriŋ ñoo kaŋ. Kantotaalu be ñatariŋ a bala, ì bee be ñiiñaariŋ ko kelejawaroolu la koteeroo*.

Yesaya 1:26

M be kiitindirilaalu dii la i la le ko i la folooto taalu. M be yaamarilaalu dii la i la le, ì ye ke ko mennu be jee nuŋ. Wo koolaa le, ì be i kumandi la saatee tilindiŋo la, aniŋ saatee foroyaariŋo.”

Yesaya 10:32

Wo luŋo la, ì be loo la Nobu le, ì ye Yerusalaamunkoolu silandi, Siyoni Konkoo moolu.

Yesaya 5:2

A ye a fita, a ye beroolu bondi, a ye a kobi, a ye yiri betoolu tutu, a ye kantari dulaa loo a teema, a ye yiridiŋ bitidulaa siŋ a kono. A be i yillaariŋ ne ko, a be yiridiŋ betoo diŋ na le, bari a ye kuniyaariŋo le diŋ.

Daniyeli 2:44

Wo mansoolu la waatoo la, Arijana Maarii be mansamarali bankoo le londi la, meŋ nene te baŋ na, aduŋ moo koteŋolu te ì semboo laa noo la a kaŋ. A be wo mansamarali banku koteŋolu bee le teyi la, ka ì janjaŋ, ì ye baŋ, aduŋ a be tu la looriŋ ne fo abadaa.

Daniyeli 7:18

Bari Alla Mansa Tallaa la moolu be labaŋ na mansayaa semboo taa la le, a ye tara ì bulu fo abadaa.”

Obadiya 1:21

Tankandirilaalu be sele la Siyoni Konkoo kaŋ ne, aduŋ ì be Edomu konkotundoo mara la le. A mansayaa be tara la nte Yaawe faŋo le bulu.”

Mika 2:12

Yaawe ye ñiŋ ne fo ko, “Alitolu Yaakuba koomalankoolu, a be koyiriŋ ne ko, m be ali bee kafu la ñoo ma le. M be Banisirayila moo toomaalu bee kafu la ñoo ma le. M be ali ñaatonkayaa la, ko niŋ ì be saajiyolu kenkeŋ kaŋ ì la buŋo kono, ko niŋ ì be beeyaŋ koorewo kenkeŋ kaŋ daañini dulaa to. Hadamadiŋolu maakaŋo doroŋ ne be moyi la ñiŋ dulaa to ì la siyaa kamma.”

Jakariya 9:10

M be keleraŋ sareetoolu* buruka la Efurayimu* le, ŋa Yerusalaamu la keleraŋ suwoolu fanaa buruka, ŋa daŋ ke kalabeñoo la. Ali la mansa be kayiroo naati la bankoolu kaŋ ne, biriŋ fankaasi ka taa fankaasi, ka bo Yufurati Boloŋo to ka taa fo duniyaa daŋo to.

Jakariya 9:12

Alitolu mutamoolu, ali niŋ jikoo, ali muru naŋ ali la saatee tatariŋo kono. Bii m be ñiŋ laahidi la ko, ali la niitoora-wo-niitoora, m be a jooseyi la neemoo la le ko siiñaa fula.

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

4 Musa 24:19

Maralilaa le be bo la naŋ Yaakuba bala, a ye moolu bee faa mennu tuta baluwo to ì la saatewolu to.”

Matiyu 21:33

“Ali i lamoyi mansaali doo fanaa la. Koridaatii doo le ye wayini yiri kankaŋo bo, a ye sansaŋo miniŋ a la, aniŋ a ye wayini yiridiŋ bitidulaa dadaa jee. Bituŋ a ye kantari dulaa tatoo fanaa loo jee. Wo to le a ye a luwaasi moo doolu ma, a taata manee.

Maaka 12:1

Bituŋ Yeesu ye a dati ka diyaamu ì ye niŋ mansaaloolu la. A ko, “Kewo doo le ye wayini* yiri kankaŋo bo, a ye sansaŋo miniŋ a la, aniŋ a ye dinkoo siŋ jee ka a ke wayini yiridinjii bitidulaa ti. Bituŋ a ye kantaridulaa tatoo fanaa loo jee. Wo to le a ye a luwaasi moo doolu ma, a taata manee.

Efesusinkoolu 1:21

Alla le ye a la kuwo warandi maralilaalu bee ti, kantiyolu, semboolu aniŋ maraloo bee, aduŋ a too le warata toolu bee ti, mennu be ñiŋ duniyaa kono, aniŋ laakira siniŋ.

Lankenemoo 22:5

Suutoo te soto la jee kotenke. Ì te suula la lampu maloo la, waraŋ tiloo la maloo, kaatu Maarii Alla le be ke la ì la maloo ti. Aduŋ ì be maraloo ke la le fo abadaa.