Mika 4:6 - Mandinka Bible

⁶ Yaawe ye ñiŋ ne fo ko: “Luŋo be naa le, luŋo meŋ m be n na moolu kafu la ñoo ma. Ì la kuwo be le ko saajii lanjuurutoo, saajiyo meŋ filita. M be moolu bee kafu la ñoo ma le, ŋa niitooroo laa mennu kaŋ.

Mika 4:6 Mawu Ofanana

Jabuuroolu 147:2

Yaawe ye Yerusalaamu seyinkaŋ loo le, a ye Banisirayila moo mutariŋolu murundi naŋ ne.

Jabuuroolu 38:17

Kaatu m be boyoo le daa to, aduŋ dimiŋo le ka tu n na doroŋ.

Yesaya 56:8

Maarii Yaawe ye Banisirayilankoolu mennu be janjandiŋ kafu ñoo kaŋ ne, a ye ñiŋ ne bankee ko: “Hani saayiŋ, m be doolu kafu la ì kaŋ ne, wolu niŋ ŋa mennu kafu ñoo kaŋ, te kiliŋ na.”

Yeremiya 3:18

Wo waatoo la, alitolu Yahuuda moolu be kafu la Banisirayila moolu ma le. Ali be naa ñoo la le ka bo bankoo to, meŋ be maraa kara maafaŋo la, ka naa bankoo kaŋ ŋa meŋ dii ali mumuñolu la keetaafeŋo ti.

Yeremiya 31:8

A juubee, m be ì bondi la naŋ bankoo meŋ be maraa kara maafaŋo la, ŋa ì kafu naŋ ñoo ma ka bo duniyaa dulaa jamfariŋolu to. Finkintewolu niŋ lanjuurutoolu be tara la ì kono le, konomaatoolu niŋ tintoolu bee, ì kafu jamaa baa le be seyi la naŋ.

Esekiyeli 36:24

A ko: “M be ali samba la naŋ ka bo wo bantala bankoolu bee kaŋ ne, ka naa ali fansuŋ bankoo kaŋ.

Mika 2:12

Yaawe ye ñiŋ ne fo ko, “Alitolu Yaakuba koomalankoolu, a be koyiriŋ ne ko, m be ali bee kafu la ñoo ma le. M be Banisirayila moo toomaalu bee kafu la ñoo ma le. M be ali ñaatonkayaa la, ko niŋ ì be saajiyolu kenkeŋ kaŋ ì la buŋo kono, ko niŋ ì be beeyaŋ koorewo kenkeŋ kaŋ daañini dulaa to. Hadamadiŋolu maakaŋo doroŋ ne be moyi la ñiŋ dulaa to ì la siyaa kamma.”

Sefaniya 3:19

Ñiŋ waatoo la, n niŋ moolu le be maa la ñoo la, mennu ye ali toorandi. M be lanjuurutoolu tanka la le, ŋa moolu kafu ñoo ma mennu be janjandiŋ. M be horomoo niŋ buuñaa dii la ì la le, bankoolu kaŋ ì ye ì malundi mennu bee to.

Luka 19:10

Moo Dinkewo* naata le ka moo filiriŋolu ñini, aniŋ ka ì kiisa.”

Yohana 10:16

“Ŋa saajii doolu soto le, mennu maŋ bo ñiŋ koorewo to. N ñanta wolu fanaa naati la le, aduŋ ì be n kaŋo suutee la le. Wo to a be ke la kooree kiliŋ ne ti, aniŋ kantarilaa kiliŋ.