Mika 4:5 - Mandinka Bible

⁵ Bankoolu bee ka taama niŋ ì fansuŋ batufeŋolu la siloolu le la, bari ntolu be taama la Yaawe la siloolu le la, ǹ na Alla, fo abadaa.

Mika 4:5 Mawu Ofanana

1 Musa 17:1

Kabiriŋ Iburama siyo be sanji taŋ kononto niŋ kononto, Yaawe* fintita a kaŋ, a ko a ye ko, “Nte le mu Alla ti, Alla Tallaa. N na siloo nooma, jalayiri te tara la i kaŋ.

2 Mansoolu 17:29

Bari wo ñaa-wo-ñaa ñiŋ banku koteŋolu la moolu meŋ-wo-meŋ ye ì fansuŋ jalaŋolu le dadaa Samariya saatewolu kono taariŋ, ì be siiriŋ daamennu to. Ì ye ì ke batudulaalu kono, Samariyankoolu* ye mennu loo konkoriŋolu kaŋ.

2 Mansoolu 17:34

Ì tuta ì la wo baara kuu kotoolu le ke kaŋ ka naa bula fo bii la. Ì buka sila Yaawe la sako ì si a la karandiroolu niŋ a la kumoolu muta. Ì maŋ a la luwaalu niŋ yaamaroolu muta, a ye mennu dii Yaakuba koomalankoolu la, a ye meŋ too ke Isirayila ti.

Jabuuroolu 20:6

Silaŋ ŋa a loŋ ne ko, Yaawe be a la tomboŋ mansa maakoyi la le. A be a jaabi la le ka bo a la Arijana senuŋo kono, ka a jawoolu noo a ye baake, ka bo niŋ a sembe baa la.

Jabuuroolu 48:14

“Ñiŋ Alla mu ǹ na Alla le ti fo fawu, ate le be ǹ kanda la fo abadaa.”

Jabuuroolu 71:16

Kooni Maarii Yaawe, m be i jayi la i la keroolu la waroo kaŋ ne. M be ite doroŋ ne la tiliŋo kankulaa la.

Yesaya 2:5

Yaakuba koomalankoolu, ali naa ŋà taama Yaawe la maloo kono!

Yesaya 26:13

Hee Yaawe, ǹ na Alla, mansa koteŋolu le ye m̀ mara nuŋ bari ntolu be soŋ na ite too dammaa le ma.

Yesaya 26:8

Hee Maariyo, i la kuwo ye ǹ loo le, ka bula i la yaamaroo nooma. Ŋà ite le too horoma, ǹ sondomoo be hameriŋ ne ka i too jayi.

Yeremiya 32:40

M be badaa-badaa kambeŋo le siti la n niŋ ì teema ko: N nene te m foño la kuu kendoo ke la ì ye, aduŋ m be n ñaasilaŋo dundi la ì sondomoolu kono le, ñiŋ kamma ì kana jenke n na karoo la kotenke.

Jakariya 10:12

M be ì bambandi la nte Yaawe la kuwo to le, ì ye taama n too la.” Yaawe le ye a fo.

Kiilaalu 14:16

Jamaanoolu mennu tambita, Alla ye nasiyoŋolu bee le bula ka taa ì fansuŋ siloolu la.

5 Musa 27:10

Wo to, ali ñanta soŋ na Yaawe ali la Alla la kumakaŋo ma le, ali ye a la luwaalu niŋ yaamaroolu muta, m be mennu dii kaŋ ali la bii luŋo la.

Kolosankoolu 2:6

Baawo ali sonta Kiristu Yeesu ma le ka ke ali Maariyo ti, wo to ali baluu ko moolu mennu mu a taalu ti.

Kolosankoolu 3:17

Aduŋ niŋ ali be kuu-wo-kuu ke la, fo diyaamoo kono waraŋ kebaaroo to, ali si a bee ke Maarii Yeesu too la, aduŋ ali si tenturoo dii Alla la, m̀ Faamaa, ka bo niŋ ate la.

Yosuwa 24:15

Bari niŋ ali maŋ lafi ka Yaawe batu, wo to ali a fo bii, ali be meŋ tomboŋ na ka a batu. Ali tombondiroo ke alloolu la ali la alifaa foloolu tarata mennu batu kaŋ nuŋ Yufurati Boloŋo kankuŋ doo la, waraŋ Amorinkoolu la alloolu, ali be sabatiriŋ mennu la bankoo kaŋ saayiŋ. Bari nte wo de, n niŋ n na dimbaayaa be Yaawe doroŋ ne batu la.”