Mika 4:4 - Mandinka Bible

⁴ Moo-wo-moo, a be sii la a fansuŋ wayini* yiroo le koto, aniŋ a fansuŋ sooto suŋo. Moo te ì silandi noo la kotenke, kaatu Yaawe Alihawaa Maariyo* faŋo la kumakaŋo le mu.

Mika 4:4 Mawu Ofanana

1 Mansoolu 4:25

Sulemani la baluwo waatoo kono Yahuuda moolu niŋ Banisirayila moolu tarata siiriŋ nuŋ kayiroo le kono, ka bo Dani ka taa fo Beeriseba. Ì bee tarata ì la wayini* yiroolu niŋ sooto yiroolu le koto.

1 Mansoolu 5:5

Wo to n lafita le ka buŋo loo Yaawe n na Alla tooyaa la, komeŋ Yaawe ye a fo m faamaa Dawuda ye ñaameŋ ko, ‘I dinkewo m be meŋ sindi la mansasiiraŋo kaŋ i noo to, wo le be buŋo loo la n tooyaa la.’

Yuuba 11:19

Moo te i silandi noo la, niŋ i be laariŋ. Moolu le be kali naa la i ñaañini la, ka deemaaroo ñini i bulu.

Jabuuroolu 72:3

Allamaa bankoo moolu ye kayiroo niŋ tiliŋo soto, a la marali tilindiŋo kono.

Kuma Kotoomaalu 3:25

Kana sila barambarantoo maasiiboo la, waraŋ mantooroo, meŋ laata moo kuruŋo kaŋ.

Yesaya 1:20

Bari niŋ ali maŋ soŋ, ali tuta balandiŋ, hawusaroo* le be ali faa la. Nte Yaawe faŋo le ye a fo.”

Yesaya 17:2

Aroweri dandanna saatewolu be kenseŋyaa la le, ka ke beeyaŋolu la koorewo ti. Ì si i laa jee, moo te ì silandi la.

Yesaya 22:25

“Wo kamma la, ñiŋ dendulaa meŋ pempenta dulaa bambandiŋo to, a be yokuyoku la le, a ye wutu. Dunoo meŋ be a kaŋ, a ye boyi, a ye kasaara.” Yaawe Alihawaa Maariyo le ye a fo.

Yesaya 26:16

Hee Yaawe, biriŋ i la moolu be niitooroo kono, ì ye ì ñaa tiliŋ i la le, fo i si ì maakoyi. Biriŋ i ye ì jarabi, ì naata duwaa kendeke.

Yesaya 32:17

Tiliŋo be naa ke la kayiroo le ti, aduŋ tiliŋo fanaa be naa tenkuŋo le naati la aniŋ lannoo fo abadaa.

Yesaya 36:16

Ali kana i lamoyi Hesekiya la. Asiriya mansa ko ali ye soŋ kayiroo la ali niŋ ate teema, aduŋ ali si finti naŋ saatewo kono ka ali faŋ seyi a ma. Niŋ wo keta, moo-wo-moo be a fansuŋ wayini* yiridiŋolu niŋ sooto yiridiŋolu domo la le, aduŋ a be i miŋ na a fansuŋ koloŋo le to.

Yesaya 40:5

Yaawe la kallankeeyaa* be lankenema la le, hadamadiŋolu bee ye a je ñoo la. Yaawe faŋo le ye a fo.”

Yesaya 54:14

I be tara la bambandiŋ tiliŋo le kaŋ. Mantooroo be jamfa la i la le, i kijoo te fara la, silaŋ kuu baa fanaa te kata la i la.

Yesaya 58:14

Wo to le ali be seewoo soto la nte Yaawe la karoo la, m be ali la kuwo wulindi la le ka ali yiriwandi duniyaa kono, m be ali daañini la bankoo munafaŋ feŋolu la le, keetaafeŋo, ŋa meŋ dii ali bonsuŋo Yaakuba la.” Yaawe faŋo le ye a fo.

Yeremiya 23:4

M be kantarilaalu bula la ì kunna le, mennu be kali ì topatoo la. Ì te sila la kotenke, ì kija te ì fara la, sako kiliŋ si fili ì kono.” Yaawe le ye a fo.

Yeremiya 30:10

“Wo to ali kana sila, alitolu Yaakuba koomalankoolu, n na dookuulaalu, sako ka jikilateyi, alitolu Banisirayilankoolu.” Yaawe le ye a fo. “Kaatu ko, m be ali kiisa la naŋ dulaa jamfariŋo to le, ka ali koomalankoolu bondi naŋ ì mutadulaa bankoo kaŋ. Yaakuba koomoo be muru la naŋ ne ka tenkuŋo niŋ tankoo soto, aduŋ moo te a silandi noo la.

Esekiyeli 34:25

“N niŋ n na moolu be kayira kambeŋo le siti la. M be wulakono daafeŋ jawoolu bee bondi la ì ye bankoo kaŋ ne, i si a je n na moolu si tara kayiroo kono, ka i laa noo ka siinoo kayira kono wo keñewuloo* niŋ wula kaamaa kono.

Esekiyeli 34:28

Ì te ke la ñapinkaŋ feŋolu ti bantala bankoolu ye kotenke. Wulakono daafeŋ jawoolu te ñapi la ì kaŋ kotenke, ka ì domo. Ì be tara la kayiroo le kono jee, aduŋ moo te ì silandi noo la kotenke.

Esekiyeli 38:11

ka a fo ko, ‘M be taa le ka ñapi wo bankoo saateeriŋolu kaŋ, ì maŋ mennu tata, aniŋ ka boyi moolu kaŋ mennu be tenkundiŋ kayiroo kono. Ì bee mu saatewolu le ti, mennu maŋ tata sansaŋo soto, sako daa tawundaŋo, waraŋ nee bantambiloo.

Esekiyeli 39:26

Niŋ ì dunta ì la bankoo kaŋ kayiroo kono, ì tankata banku doolu ma mennu ka ì silandi, wo to le ì be ñina la ì la malu kuwolu bee la, aniŋ foroyaabaliyaalu, ì ye mennu tiliŋ nte Yaawe la.

3 Musa 26:6

M be kayiroo dii la ali la ali la bankoo kaŋ ne, aduŋ ali be kali i laa la le, ali ye siinoo, moo te ali silandi la. M be daafeŋ saŋaroolu bondi la bankoo kaŋ ne, aduŋ m be ali jawoolu niŋ ì la hawusaroolu* kaarindi la ali la bankoo la le.

Mika 5:3

Yaawe be a la moolu fili la ì jawoolu bulu le, fo janniŋ ñiŋ maralilaa be wuluu la. Wo le to a baadiŋ toomaalu be naa bo la mutoo kono, ì ye muru ka kafu Banisirayilanka koteŋolu ma.

Sefaniya 3:13

Moolu mennu be tu la Banisirayila kono, wolu te kuu jawu ke la, ì te faniyaa fo la, aduŋ tapaleeyaa neŋ te tara la ì daa. Ì si domoroo ke ì ye i laa, aduŋ moo te ì silandi noo la.”

Jakariya 3:10

Wo luŋo la, ali be ali mooñoolu buuñaatoo kumandi la le ka sii kayiroo kono ali la wayini* yiroolu koto aniŋ ali la sooto suŋolu. Nte Yaawe Alihawaa Maariyo le ye a fo.’ ”