Mika 4:13 - Mandinka Bible

¹³ Yaawe naata a fo ko: “Dimmusuriŋ Siyoni, wuli i ye ì toñonka. M be neebinoo le faliŋ na i ye, ŋa jaawali worosoolu faliŋ i ye. I be banku jamaa le toñonka la, ka ke ko munku budewo. I be ì la ñapinkaŋ feŋolu samba la naŋ nte Yaawe le kaŋ, duniyaa Maariyo, aniŋ ì la sotofeŋolu.”

Mika 4:13 Mawu Ofanana

Jabuuroolu 24:1

Bankoo mu Yaawe* taa le ti, aniŋ feŋ-wo-feŋ be a kaŋ. Duniyaa bee mu a taa le ti, aniŋ moolu mennu bee be a kono.

Jabuuroolu 68:29

ka bo i Batudulaa to Yerusalaamu, mansoolu ye soorifeŋolu dii i la daameŋ.

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

Yesaya 18:7

Waati le be naa, buuñaa feŋolu be naa Yaawe Alihawaa Maariyo* ye le, ka bo moo jaŋolu yaa, mennu baloo be malamalariŋ. Moolu be daa-wo-daa, ì silata ì la le. Banku baa, sembemaa, boloŋolu ye bankoo meŋ talaŋ-talaŋ. Buuñaa feŋolu be taa Siyoni* Konkoo le to, Yaawe Alihawaa Maariyo too be daameŋ.

Yesaya 21:10

Hee, n na moolu, Banisirayilankoolu, ì ye ali juru le ko munkoo. Ŋa a kankulaa ali ye le, ŋa meŋ moyi Yaawe Alihawaa Maariyo* la, Banisirayila la Alla.

Yesaya 23:18

Bari a tinewo niŋ a nafaa be landi la Yaawe le ye kara la. Ì te tara la maaboriŋ waraŋ ka nukuŋ. A la tinewo be tara la moolu le ye mennu ka baturoo ke Yaawe ñaatiliŋo la, ka domori jamaa niŋ sitifeŋ ñiimaa soto.

Yesaya 5:28

Ì la beñoolu be melundiŋ ne, ì la kaloolu be pareeriŋ keloo ye. Ì la suwoolu worosoolu be bambandiŋ ko beroo, ì la sareetoolu siŋolu ka bori ko saafoñotoo.

Yeremiya 51:20

Yaawe ko: “Babiloni, i mu n na maritoo le ti, n na keleraŋo, ka bankoolu juru i la, ka mansamarali bankoolu juru i la,

Yeremiya 51:33

Yaawe Alihawaa Maariyo, Banisirayila la Alla ye ñiŋ ne fo ko: “Dimmusuriŋ* Babiloni ka munta le siimaŋ toñonkadulaa, ì be a doriŋ-doriŋ kaŋ ne ka a denkundi foloo, a te hani mee la katiri waatoo be sii la.”

Daniyeli 2:44

Wo mansoolu la waatoo la, Arijana Maarii be mansamarali bankoo le londi la, meŋ nene te baŋ na, aduŋ moo koteŋolu te ì semboo laa noo la a kaŋ. A be wo mansamarali banku koteŋolu bee le teyi la, ka ì janjaŋ, ì ye baŋ, aduŋ a be tu la looriŋ ne fo abadaa.

Hoseya 10:11

“Efurayimu be le ko seneninsiriŋo, a dalita siimaŋ toñonkoo le la, dookuu feemaa. Bari saayiŋ, m be yookoo* le laa la a toŋ ñiimaa kaŋ, ŋa a dookundi kendeke. Yahuuda si senoo ke, Yaakuba ye jaasiroo ke.

Mika 5:7

Yaakuba koomalankoolu mennu tuta, be tara la janjandiŋ bankoolu le kaŋ. Ì la kuwo be muluŋ na le komeŋ komboo, Yaawe ye meŋ jindi naŋ, waraŋ samaajiyo, ñaamoolu kaŋ. Ì te ì jiki sembe la moo la, sako ì si taamaayaa hadamadiŋ na.

Habakuki 3:12

Kamfaa kono, i ŋalabaasita duniyaa bee kaŋ. Jusuboo kono, i ye bankoolu toñonka.

Jakariya 12:3

Duniyaa bankoolu bee be beŋ na ñoo kaŋ Yerusalaamu kamma le. Wo luŋo la, m be Yerusalaamu ke la ì bee ye bere sinkitaŋ baa le ti, meŋ-wo-meŋ ye a wulindi, si a faŋ barama jawuke.”

Jakariya 12:6

“Wo luŋo la, m be Yahuuda maralilaalu ke la le ko keraŋ dimbaamaa loo jurumoo teema ko dimbaa pacamoo siimaŋ kunsitoolu teema, ka ì dandanna bankoolu bee kasaara, mennu be ì bulubaa niŋ ì maraa karoo la. Bari Yerusalaamu be tu la a noo to le, moolu ye tara sabatiriŋ jee.

Jakariya 4:14

Bituŋ a ko n ye ko, “Ñinnu le mu moo fuloo ti, duniyaa bee Maariyo ye tuloo boŋ mennu kuŋolu kaŋ ka ì tomboŋ a la dookuulaalu ti.”

Jakariya 6:5

Malaayikoo ñiŋ ye n jaabi ko, “Ñinnu mu noora naanoo le ti. Ì bota looriŋ duniyaa bee Maariyo ñaatiliŋo le la, saayiŋ ì be taa kaŋ.

1 Korintinkoolu 16:2

Alitolu meŋ-wo-meŋ ñanta kodoo landi la kara la le, lookuŋ-wo-lookuŋ tili foloo, ko ali la sotoo be ñaameŋ. Ñiŋ kodoo ñanta maabo la le, fo niŋ n naata, bulufayiñookaŋ te ke la.

5 Musa 33:25

Ali la saatee dundaŋ daalu, ì sorondaŋolu si ke newo niŋ jaawaloo ti. Ali baluu tiloo be siyaa la ñaameŋ, ali semboo be lafaa la wo le ñaama.”

Yosuwa 6:19

Kodiforoolu bee, sanoolu, jaawali jooraŋolu aniŋ newolu, wolu bee kerekereta Yaawe le ye ka ke a taa ti, aduŋ ì ñanta tara la Yaawe la naafulu maabodulaa le kono.”