Mika 4:12 - Mandinka Bible

¹² Bari ì maŋ a loŋ, miiroolu mennu be Yaawe bulu, ì maŋ a la feere landiriŋo loŋ ko, a ye ì kafu ñoo kaŋ ne ka ì jarabi, ko siimaŋ kunsitoolu ka tembendi toñonkari dulaa ñaameŋ.

Mika 4:12 Mawu Ofanana

Jabuuroolu 147:19

A ye a la kumoolu dii Yaakuba koomoo la le, meŋ mu Banisirayila ti, a ye a la yaamaroolu niŋ luwaalu dii ì la le.

Jabuuroolu 147:20

A maŋ wo ke banku koteŋ ye, wolu maŋ a la luwaalu loŋ. Ali Yaawe jayi.

Yesaya 10:7

Bari ñiŋ maŋ ke kuu ti, ate mansa ye meŋ ŋaniya, aduŋ ñiŋ maŋ tara a hakiloo kono. A hamoo mu ñiŋ ne ti, ka banku jamaa kasaara, ka ì la kuwo daŋ.

Yesaya 21:10

Hee, n na moolu, Banisirayilankoolu, ì ye ali juru le ko munkoo. Ŋa a kankulaa ali ye le, ŋa meŋ moyi Yaawe Alihawaa Maariyo* la, Banisirayila la Alla.

Yesaya 29:7

Bituŋ bankoolu bee la kafoolu mennu ka Ariyeli kele ka a niŋ a la tatoo boyinkaŋ, ka a detendi. Ì bee be ke la le ko siiboo, ka yeemaŋ ko suuto jeroo.

Yesaya 55:8

Yaawe ko: “N na miiroolu niŋ ali taa maŋ ke kiliŋ ti, sako n taañaa niŋ ali taañaa si muluŋ.

Yeremiya 29:11

Kaatu ŋa a loŋ ne, ŋa feeroolu mennu soto ali ye, feeroolu mennu mu ali ye kayiroo ti, ì te ke la ali ye kooroo ti. Wo feeroolu le be ali la jikoo timmandi la ñaato siniŋ. Nte Yaawe le ye a fo.

Yeremiya 51:20

Yaawe ko: “Babiloni, i mu n na maritoo le ti, n na keleraŋo, ka bankoolu juru i la, ka mansamarali bankoolu juru i la,

Yeremiya 51:33

Yaawe Alihawaa Maariyo, Banisirayila la Alla ye ñiŋ ne fo ko: “Dimmusuriŋ* Babiloni ka munta le siimaŋ toñonkadulaa, ì be a doriŋ-doriŋ kaŋ ne ka a denkundi foloo, a te hani mee la katiri waatoo be sii la.”

Yoweli 3:2

M be bankoolu bee le kafu la ñoo ma, ŋa ì samba naŋ Yehosafati Wulumbaŋo to. N niŋ ì ye duŋ kiitiyo kono jee, kaatu ì ye m faŋo la moolu, Banisirayilankoolu janjandi bankoolu kaŋ ne taariŋ, ì ye n na bankoo talaa ñoo teema.

Luka 3:17

A la feerilaŋo be a buloo kono le ka kesoolu niŋ fuufulewolu bo ñoo to. Wo to le a be kesoolu ke la a la buntuŋo kono, bari a be fuufulewolu jani la dimbaa le la, meŋ buka faa noo.”