Mika 4:11 - Mandinka Bible

¹¹ Banku jamaa le be kambendiŋ i kamma saayiŋ, aduŋ ì ka ñiŋ ne fo ko, “Siyoni ye tiñaa, ǹ ñaa ye loo a la malu kuwo kaŋ.”

Mika 4:11 Mawu Ofanana

Jabuuroolu 129:5

Allamaa moolu mennu bee ye Siyoni* koŋ, ye bula maloo kono, ì ye kori.

Jabuuroolu 83:5

Ì ye jamfaa siti kaŋ kiliŋ ne la, ì kambenta i kamma.

Yesaya 10:7

Bari ñiŋ maŋ ke kuu ti, ate mansa ye meŋ ŋaniya, aduŋ ñiŋ maŋ tara a hakiloo kono. A hamoo mu ñiŋ ne ti, ka banku jamaa kasaara, ka ì la kuwo daŋ.

Yesaya 17:12

Hee, maakaŋ waroo banku jamaa kaŋ, ì kumakaŋo be le ko baa maakaŋo! Hee, bumbuŋ kaŋo banku jamaa kaŋ, ì bumbuŋ kaŋo be le ko fankaasoo bumbuŋ kaŋo!

Yesaya 29:7

Bituŋ bankoolu bee la kafoolu mennu ka Ariyeli kele ka a niŋ a la tatoo boyinkaŋ, ka a detendi. Ì bee be ke la le ko siiboo, ka yeemaŋ ko suuto jeroo.

Yeremiya 52:4

Bituŋ Sedekiya la mansayaa sanji konontonjaŋo kono, wo saŋo kari tanjaŋo tili tanjaŋo la, Babiloni mansa Nebukanesa faŋo niŋ a la kelediŋolu bee wulita naŋ Yerusalaamu kamma. A niŋ a la kelediŋolu ye ì la daakaa loo ka jee murubeŋ. Ì ye seleraŋolu loo saatee tatoo bala.

Esekiyeli 26:3

Wo kamma la Maarii Yaawe ye ñiŋ ne fo ko: “Ite Tire, m buloo be laa la i kaŋ ne, aduŋ m be banku jamaalu le wulindi la i kamma ko baa baliŋo ka wuli naŋ baa kono ñaameŋ.

Esekiyeli 38:17

Maarii Yaawe ye ñiŋ ne fo ko: “Ite Kooki, ŋa ite la kuwo fo waati jaŋ koomanto ka bo niŋ n na dookuulaalu la, Banisirayila annabiyomoolu. Ì ye kiilaariyaa kumoo fo sanji jamaa la ko, m be ite le samba la naŋ ka ñapi ì kaŋ.”

Obadiya 1:12

“Ali si kontaani noo ñaadii, ali baadiŋ Yahuuda moolu la kooroo kuwo la? Ali si seewoo noo ì la kasaaroo luŋo la ñaadii? Ali si jele noo ì la niikuyaa luŋo la ñaadii?

Mika 7:10

Jawoolu ñaa be boyi la ñiŋ kaŋ ne, aduŋ ì si malu, itolu mennu ka ǹ ñaawali ko, “Ali la Alla Yaawe, a lee?” Ǹ ñaa be boyi la ì la kooroo kaŋ ne, aduŋ a si ke ǹ ñaa la jaŋ, ko mbeedikaŋ buutoo, dori-dori laaloo.

Jakariya 12:3

Duniyaa bankoolu bee be beŋ na ñoo kaŋ Yerusalaamu kamma le. Wo luŋo la, m be Yerusalaamu ke la ì bee ye bere sinkitaŋ baa le ti, meŋ-wo-meŋ ye a wulindi, si a faŋ barama jawuke.”