Mika 2:8 - Mandinka Bible

⁸ Yaawe ko: “Alitolu le keta moolu ti, mennu loota n na moolu ye jawuyaa daa to. Ali ye tambilaalu la dendika baalu wura ì la, mennu maŋ i yillaa kuu jawu-wo-kuu jawu ma, aniŋ ko keloo be ke la.

Mika 2:8 Mawu Ofanana

2 Samuweli 20:19

Ntolu le keta kayiramoolu niŋ moo tilindiŋolu ti Banisirayila. I pareeta ka saatewo le kasaara, meŋ keta Banisirayilankoolu baamaa ti. Muŋ ne ye a tinna, i lafita Yaawe* la keetaafeŋo kasaara la?”

Jabuuroolu 55:20

N na wo kafuñoo ye a teeroolu boyinkaŋ ne. A ye a la laahidoo tiñaa le.

Yesaya 9:21

Manase ye Efurayimu kele, Efurayimu fanaa ye Manase kele, bituŋ ì naata wuli Yahuuda kamma ñoo la. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.

Yeremiya 12:8

M faŋo la tomboŋ moolu keta n ye le komeŋ jatoo sutoo kono, ì ye ì kaŋo bula ka bumbuŋ n kaŋ. Wo kamma la ŋa ì koŋ ne.

Mika 3:2

Alitolu mennu ka kuu kendoo koŋ, ali ye kuu kuruŋo kanu. Ali ye n na moolu baloo bee namaŋ-namaŋ, ko niŋ i be beeyaŋo busu la, ka ì kuloolu niŋ ì bala suboo talaa.

Mika 3:3

Ali la ì busuriŋ koolaa, ali ye ì kuloolu teyiŋ-teyiŋ, ka ì bala suboolu kuntuŋ-kuntuŋ kudewolu ti, ka ì ke kaleeroo kono, ka ì ke nee walaa kaŋ, ali ye ì ñimi.

Mika 7:2

Alla ñaasilaŋ moolu bee banta bankoo kaŋ, hani moo tilindiŋ kiliŋ maŋ tu. Moo bee be hameriŋ ka yeloo boŋ, ka jawuyaa wereŋo laa hani ì faŋo baadiŋolu kamma.

Mika 7:3

Ì ka kuu kuruŋo baara ì bulu jinsoolu la le, aduŋ ì kalanta wo la le. Maralilaalu ka feŋolu kaniŋ moolu bulu, kiitiikuntulaalu ka dukoo muta moolu bulu, sembetiyolu ka kaŋo dii ka kuwo laa, ko itolu lafita a la ñaameŋ. Ì ka deŋ teŋ ne ka tooñaa nakari.