Mika 2:10 - Mandinka Bible

¹⁰ Ali wuli, ali ye taa! Dahaa dulaa te ali ye jaŋ. Ali faŋolu le ye a nondi ali la junube kuu kewolu la. A be kasaara la le, kasaara baa faŋo la.

Mika 2:10 Mawu Ofanana

1 Mansoolu 9:7

wo to m be Banisirayilankoolu buruka la bankoo kaŋ ne ŋa meŋ dii ì la, aduŋ m be n koo dii la ñiŋ buŋo la le, ŋa meŋ seneyandi n too ye. Bituŋ Banisirayilankoolu si ke jelefeŋo niŋ jutunna moolu ti moolu bee kono.

2 Mansoolu 15:29

Banisirayila mansa Peka la mansayaa waatoo kono le Asiriya mansa Tikilati-Pilesa naata ka dulaalu muta mennu keta Iyoni ti, Abeli-Beti-Maaka, Yanowa, Kedesi, aniŋ Hasori. A ye Kileyadi niŋ Kalilee taa, ka taa Nafutali bankoo muumewo bee, aduŋ a ye moolu muta ka ì samba Asiriya.

2 Mansoolu 17:6

A ye Samariya saatewo muta Hoseya la mansayaa sanji konontonjaŋo le kono. A ye Banisirayilankoolu muta, a ye ì samba Asiriya bankoo kaŋ. A ye ì sindi Hala saatewo to, Kosani tundoo kaŋ, Habori Boloŋo daala, aniŋ Mediyankoolu la saatewolu to.

2 Taarika 7:20

wo to m be ali wutu la bankoo kaŋ ne, ŋa meŋ dii ali la, aduŋ m be n koo dii la ñiŋ buŋo la le, ŋa meŋ seneyandi n too ye. A si ke moolu bee ye jelefeŋo niŋ jutunna feŋo ti.

Jabuuroolu 106:38

Ì ka ì faŋolu dinkewolu niŋ ì dimmusoolu faa, mennu maŋ kuu ke, ka ì bondi sadaa ti Kanaani jalaŋolu ye, aduŋ wolu yeloo ye a tinna le bankoo kosota.

Jabuuroolu 95:11

Bituŋ n kamfaariŋo kalita ì ye ko, ì te futa la n na dahaa dulaa to.”

Yeremiya 10:18

kaatu Yaawe ye ñiŋ ne fo ko, a be bankoo moolu fayi la kampuraŋo la ñiŋ waatoo le la. A be dimiŋ baa le naati la ì kaŋ, fo a ye duŋ ì la kendeke.

Yeremiya 3:2

A ko: “I ñaa wuli i ye konkoolu kaŋ juubee baŋ! Fo wo dulaa le be jee, ì maŋ i laañooyaa daameŋ? I ka sii sila dandaŋolu le la, ka tara baturoo la, i niŋ meŋ be kanoo ke la, i ka munta ñapinkannaa meŋ ka biti moolu kamma keñewuloo* kono. I ye bankoo kosondi le, ka bo i la cakayaa niŋ kuruŋyaa la.

Yeremiya 9:19

Lembakaŋo moyi naŋ Siyoni* ko: ‘Hee, ǹ kasaarata le! Maloo feeneeta ǹ kaŋ ne! Fo ǹ si bo ñiŋ bankoo kaŋ doroŋ, kaatu ì ye ǹ na buŋolu boyi le.’ ”

Esekiyeli 36:17

“Hadamadiŋo, waati meŋ na Banisirayilankoolu be nuŋ ì fansuŋ bankoo kaŋ, ì ye jee kosondi niŋ ì maañaalu aniŋ ì la kebaaroolu le la. Wo ka muluŋ nte ñaa koto le ko seneyaabaliyaa, meŋ be ko niŋ musoo be a la kuuroo kono waati meŋ na.

Esekiyeli 36:19

Ŋa ì janjandi bantala bankoolu kaŋ ne taariŋ. Ŋa wo kiitiyo le laa ì kaŋ ko ì daajikoolu niŋ ì kebaaroolu be ñaameŋ.

5 Musa 12:9

baawo ali maŋ duŋ bankoo kaŋ foloo, Yaawe ali la Alla be daameŋ dii la ali la dahaa dulaa ti.

5 Musa 30:18

wo to tooñaa, bii luŋo la m be a fo la ali ye ko, ali be kasaara la le. Ali te siimaayaa la bankoo kaŋ, ali ka naa duŋ daameŋ Yoridani Boloŋo kara doo la ka ke ali taa ti.

5 Musa 4:26

Niŋ ali ye wo ke, saŋo niŋ bankoo le mu n seedoo ti bii ko, ali te mee noo la bankoo kaŋ ali ka taa sabati daameŋ, Yoridani Boloŋo la wo kara doo la. Ali muumewo le be kasaara la.