Mika 1:9 - Mandinka Bible

⁹ Baramoo meŋ ye Samariya maa, a te kendeyaa noo la. Wo kuu kiliŋo le be sumaŋ kaŋ Yahuuda bankoo fanaa la. A futata n na moolu la saatee dundaŋ daa ma le, Yerusalaamu faŋo to.

Mika 1:9 Mawu Ofanana

Yesaya 3:26

Saatee dundaŋ daa faŋo be woosii la le ka kumboo, saatewo faŋo be muluŋ na le ko musoo, meŋ kiideeriŋo be siiriŋ bankoo to.

Yesaya 36:1

Mansa Hesekiya la maraloo sanji taŋ niŋ naaninjaŋo kono, Asiriya mansa Sennakeribu ye Yahuuda saatee tatariŋolu bee boyinkaŋ keloo la, aduŋ a ye ì muta.

Yesaya 36:2

Asiriya mansa ye a la kelediŋ kuntii baa kii ka bo naŋ Lakisi ka taa Hesekiya kaŋ Yerusalaamu a niŋ kelediŋ kafu baa. A loota siloo to jiibori dinkoo maafaŋo la, meŋ ka woyi naŋ ka bo santo daloo to ka taa Kuuru Dulaa.

Yeremiya 15:18

Muŋ ne ye n na diminnaa ke kuu bambaloo ti, n na baramoo tuta jaarabali, a maŋ soŋ kendeyaa la? Fo ite be ke la nte fee le ko woyoo meŋ ka moolu neenee, komeŋ jiyo meŋ ka bo moolu koto?

Yeremiya 46:11

“Wo to taa Kileyadi ko! I ye moosibooroo ñini, ite Misira meŋ be ko dimmusuriŋ kataariŋo. I ye boori jamaa le maa kensenke, ì maŋ i jaara noo.

Mika 1:12

Maroti moolu niŋ kijateyoo le be siiriŋ, ì be maakoyiroo batu kaŋ, baawo Yaawe fele, a ye maasiiboo boyi Yerusalaamu kaŋ, a futata a dundaŋ daa faŋo le to.

Mika 6:13

“Ali la junube kuwolu kamma la, ŋa a dati le ka ali halaki busoo la, ŋa ali bula ali ye kasaara.

Nahumu 3:19

Dimoo meŋ ye i maa, jaarañaa te a la, i la baramoo te jaara noo la. Niŋ moo-wo-moo ye i la kasaaroo moyi, a be a buloo le kosi la, kaatu moo bee le toorata i la tilimbaliyaa bambaloo waatoo la.