Mika 1:8 - Mandinka Bible

⁸ Ñiŋ kuwo kamma la, n si kumboo, ŋa woosii, n kenseŋo ye loo, n siŋ kenseŋo ye taa. N si woosii ko kunkuwuloo, ŋa sikisiki ko kiikiyaŋo.

Mika 1:8 Mawu Ofanana

2 Mansoolu 18:13

Mansa Hesekiya la maraloo sanji taŋ niŋ naaninjaŋo kono, Asiriya mansa Sennakeribu ye Yahuuda saatee tatariŋolu bee boyinkaŋ keloo la, aduŋ a ye ì muta.

Esita 4:1

Kabiriŋ Moridekayi ye a loŋ meŋ bee keta, a ye a la dendikoo fara, a ye booto funtoo duŋ, a ye seebuutoo ke a kuŋo to, a taata saatewo kono, a niikuyaatoo kumboota ka wuuri santo.

Yuuba 30:29

N woosiita ko kunkuwuloo ka woosii ñaameŋ, aniŋ ko kiikiyaŋo.

Jabuuroolu 102:6

N ka munta le kiikiyaŋo meŋ be wula kaamaa kono, ko kiikiyaŋo meŋ be tumbuŋolu to.

Yesaya 13:21

Bari wulakono daafeŋolu le be i laa la jee, moolu la buŋolu ye faa kiikiyaŋolu la, suruntu kunoolu si baluu jee, minaŋolu ye tuluŋ jee.

Yesaya 13:22

Suluwolu si kuma ì la saatee tatoolu to, kunkuwuloolu, ì la mansabuŋ ñiimaalu kono. A waatoo sutiyaata naŋ ne, a luŋolu maŋ jamfa.”

Yesaya 16:9

Bituŋ n niŋ Yaserinkoolu kumboota ñoo la, n kumboota Sibuma wayini yirisuŋo le ye. Hee Hesiboni, hee Eleyale, ali la kuwo le ye n ñaajiyo siyandi. Kabiriŋ ali la yiridiŋo menta, aniŋ ali la katirifeŋolu siita, kele maakaŋo warata.

Yesaya 21:3

Ñiŋ jeroo le ye a tinna dimiŋo dunta m balajaatoo la, dimiŋo ye m muta ko niŋ musoo be tiŋo to. Ŋa meŋ moyi, a ye m bondi n noo to le, ŋa meŋ je, a ye n jaakalindi.

Yesaya 22:4

Wo to saayiŋ nte ko, “Ali bo m bala, ŋa kumboo kendeke n na moolu la kasaaroo kaŋ. Ali kana a fo ko, ali be n sabarindi la.”

Yesaya 32:11

Alitolu musu dahaariŋolu, ali jarajara, ali maamaŋ alitolu dimmusoolu mennu be siikuuriŋ. Ali ali la duŋ feŋolu wura, ali ye booto funtoo siti ali tewo la faanoo ti, ka ali la niikuyaa yitandi.

Yeremiya 4:19

Hee, nte la niitooroo! Nte la niitooroo! M be wiriji kaŋ dimiŋo le kono. Hee, dimiŋo meŋ be nte jusoo to! N jusoo ka sawuŋ n kono jawuke le! N te tu noo la deyiriŋ. Ŋa binoo feekaŋo moyi le, kele wuuroo.

Yeremiya 9:1

M be lafiriŋ ne n kuŋo ye ke woyoo ti, n ñaalu ye ke ñaajii daloo ti, fo n si kumboo suuto tili, ñiŋ kamma ì ye n na kanu moolu mennu faa.

Yeremiya 9:10

M be kumboo la le ka lemba konkoolu ye, ŋa beeyaŋ daañini dulaalu la kuwo saŋawoosii, kaatu ì jaata le ka kenseŋyaa, hani moo buka tambi niŋ jee la, ninsi kumakaŋ buka moyi jee. Kunoolu borita jee la le, aniŋ wulakono daafeŋolu.

Yeremiya 9:19

Lembakaŋo moyi naŋ Siyoni* ko: ‘Hee, ǹ kasaarata le! Maloo feeneeta ǹ kaŋ ne! Fo ǹ si bo ñiŋ bankoo kaŋ doroŋ, kaatu ì ye ǹ na buŋolu boyi le.’ ”

Esekiyeli 32:18

“Hadamadiŋo, kumboo i ye lemba Misira jamaa moolu kunna. Kaatu ì niŋ wo moolu mennu bota banku sembemaa baalu to be faa la ñoo la le ka taa laakira, kaburoo kono duuma.

Mika 2:4

Ñiŋ luŋo la, moolu si ali ke jelefeŋo ti. Ì si ñiŋ teelindiri denkiloo laa, ì ye ì faŋ ke woosiilaalu ti ko, ‘Ntolu kasaarata le fereŋ. Yaawe ye ǹ na moolu la keetaabankoo duŋ bulu koteŋolu bulu, a buusita ǹ na. A ye ǹ na kunkoolu talaa ǹ jawoolu teema.’ ”

1 Samuweli 19:24

A ye a la duŋ feŋolu bondi le, a boyita Samuweli ñaatiliŋo la. Wo luŋo suutoo niŋ tiloo a kenseŋo le tuta jee. Ñiŋ naata ke moolu daakumoo ti ka a fo ko, “Fo Sawulu fanaa be annabiyomoolu kono le baŋ?”