Mika 1:3 - Mandinka Bible

³ A fele, Yaawe be naa kaŋ ne ka bo a taradulaa to. A be naa kaŋ duniyaa kono le, a ye taama konko jaŋolu kaŋ.

Mika 1:3 Mawu Ofanana

Yuuba 40:12

Moo juubee meŋ ka a faŋ wara, i ye a la kuwo jindi. Moo jawoolu kasaara waati kiliŋ.

Jabuuroolu 115:3

Ǹ na Alla be Arijana kono le, meŋ diyaata a ye, a ka wo le ke.

Yesaya 25:10

Yaawe maakoyiri buloo be tara la ñiŋ konkoo kaŋ ne, bari a be Mowabinkoolu la kuwo jindi la le, ì ye ì toñonka ko siimaŋ kaloo meŋ be jambandi dinkoo kono.

Yesaya 26:21

A juubee, Yaawe be finti la naŋ a sabatidulaa kono le, ka moolu jarabi ì la junube kewo la. Bankoo be moo faariŋolu waañaari la le, ì ye mennu faa, a te ì maabo la kotenke.

Esekiyeli 3:12

Wo waatoo la le, Yaawe la Nooroo ye n samba. Bituŋ ŋa kumakaŋ baa moyi n kooma meŋ ko, “Tenturoo niŋ jayiroo be Yaawe ye, meŋ be mansasiiraŋo kaŋ.”

Amosi 4:13

Mansoo meŋ ye konkoolu daa aniŋ foñoo, ate Mansoo le ye a la miira kuwolu lankenemayandi hadamadiŋolu ye. Ate le ka falindiri ke suutoo niŋ tiloo la. Ate le marata konko jaŋ baalu bee ma duniyaa kono. Yaawe Alihawaa Maariyo*, wo le mu a too ti.

Amosi 9:5

Niŋ Yaawe Alihawaa Maariyo* ye duniyaa maa, a si jarajara. A si jiijaa ko Nayili Boloŋo meŋ be Misira. Duniyaa moolu bee si saŋawoosii.

Habakuki 3:19

M Maarii Yaawe le mu nte semboo ti. A ye n siŋolu feeyandi m bulu ko minaŋo, ka n taamañaa sooneeyandi konkoolu kaŋ. Meŋ be suukuulaa ñaatonkayaa la: A si ke niŋ kontiŋolu la.

Jakariya 14:4

Wo luŋo la, a siŋo be tara la looriŋ Olifu Konkoo kaŋ ne, meŋ be Yerusalaamu tilibo karoo la. Konkoo ñiŋ be fara la teema le ka bo tilibo ka taa tilijii. Talantewo be ñori la maraa karoo la, talantee doo ye ñori bulubaa karoo la. Wulumbaŋ fanuŋ baa ye tara ì teema.

5 Musa 32:13

A ye ali sabatindi konkoolu kaŋ, ali ka bankoo munafaŋolu domo, ali ka liyo suusuu konko faroolu to, ali la olifu* yiroolu ñiiñaata hani beroolu teema.

5 Musa 33:29

Hee Banisirayilankoolu, mantaa benta ali ye ñaameŋ! Ali maŋ ñoŋ soto, Yaawe ye alitolu mennu kiisa. Yaawe mu ali la koteeroo* le ti, ka ali maakoyi, a mu ali la hawusaroo* le ti ka nooroo ke. Ali jawoolu be ì faŋ seyi la ali ma le, bari ali be i tuu la ì koolu kaŋ ne.”