Mika 1:2 - Mandinka Bible

² Ali moyiroo ke bankoolu bee, ali bee kewu. Duniyaa niŋ a konokono feŋolu, ali i lamoyi. M Maarii Yaawe faŋo le be seedeyaa la ali la kuwo la, ka bo a taradulaa senuŋo to.

Mika 1:2 Mawu Ofanana

1 Mansoolu 22:28

Bari Mikaya ko, “Niŋ i muruta naŋ kayira kono, wo to Yaawe maŋ diyaamu ka bo niŋ nte la.” Aduŋ fanaa a ko, “Ali ali hakilitu n na ñiŋ kumoolu to, alitolu moolu bee!”

2 Taarika 18:27

Bari Mikaya ko, “Niŋ i muruta naŋ kayira kono, wo to Yaawe maŋ diyaamu ka bo niŋ nte la.” Aduŋ a ko fanaa, “Ali ali hakilitu n na ñiŋ kumoolu to, alitolu moolu bee!”

Jabuuroolu 11:4

Yaawe be a taradulaa senuŋo to le, a ka a la mansabaayaa taamandi le ka bo Arijana kono, a ñaa be kuwo bee le la, aduŋ a ka hadamadiŋolu bee le koroosi.

Jabuuroolu 24:1

Bankoo mu Yaawe* taa le ti, aniŋ feŋ-wo-feŋ be a kaŋ. Duniyaa bee mu a taa le ti, aniŋ moolu mennu bee be a kono.

Jabuuroolu 28:2

I lamoyi n kumboo kaŋo la, niŋ m be maakoyiri ñiniŋo la, niŋ ŋa m buloolu wulindi ka duwaa i la buŋ senuŋ baa ñaatiliŋo la.

Jabuuroolu 50:1

Sembetii Baa, Yaawe* Alla diyaamuta le, a ye duniyaa moolu bee kumandi ka bo tilibo ka taa tilijii.

Jabuuroolu 50:12

Niŋ konkoo le ye m muta, n te alitolu kaniŋ na, kaatu duniyaa niŋ a konofeŋo bee mu nte le taa ti.

Jabuuroolu 50:7

“N na moolu, ali i lamoyi, m be diyaamu la le. Banisirayilankoolu, m be ali tuumi la le. Nte le mu Mansoo ti, ali la Alla.

Kuma Kotoomaalu 8:4

“Duniyaa moolu, ŋa alitolu le kumandi, n woosiita hadamadiŋolu bee le ye.

Yesaya 1:2

Saŋ fatoo, i lamoyi! Bankoo, i tuloo loo! Kaatu Yaawe* le ka naa diyaamu. A ko, “Ŋa dindiŋolu kuluu le fo ì menta, bari ì ye balaŋo le tiliŋ n na.

Yesaya 18:3

Alitolu duniyaa moolu mennu be baluuriŋ ñiŋ saŋ kuloo koto, niŋ bandeeroo wulindita konkoo turoo kaŋ, ali a juubee, niŋ saakotoŋ binoo* feeta, ali dandalaaroo moyi.

Yesaya 50:7

Bayiri Maarii Yaawe le ka m maakoyi, n te bula la maloo kono. Wo kamma la, ŋa n ñaa bambandi le ko beroo, aduŋ ŋa a loŋ ne ko n te malu la.

Yeremiya 22:29

Ite bankuŋ, ite bankuŋ, ite bankuŋ, i lamoyi Yaawe la kumoo la!

Yeremiya 29:23

Ì ye kuu fuuriŋ baalu le ke Banisirayila kono. Ì niŋ ì siiñoolu la musoolu ye jeenoo ke le, ì ye faniyaa kumoo fo n tooyaa la, m maŋ ì yaamari meŋ na. Nte ŋa wo loŋ ne, ŋa a seedeyaa.” Yaawe le ye a fo.

Yeremiya 42:5

Bituŋ ì ko n ye ko, “Yaawe tilinta le, a faŋo ye ke ǹ seede koyoo ti, niŋ a ye a tara ǹ te baara la kumoolu bee la, a be i niŋ mennu kii la ǹ kaŋ.

Yeremiya 6:19

Duniyaa bee ye i lamoyi! A juubee, nte be kuu jawu le laa la ñiŋ moolu kaŋ, meŋ be ke la ì la kuruŋyaa feeroolu joo ti, kaatu ì maŋ i moyi n na kumoolu la, aduŋ ì balanta n na karandiroolu la le.

Yunusa 2:7

Kabiriŋ ŋa a loŋ ko, n na duniyaa ka naa baŋ ne, n hakiloo bulata i la ŋa i daani, aduŋ n na duwaa futata i ma le, i la buŋ senuŋo kono.

Yunusa 2:8

Moolu mennu ka jalaŋ nafantaŋolu batu, wolu ye ì koo dii hiinoo la le, meŋ ñanta ke la ì taa ti.

Habakuki 2:20

Bari Yaawe*, ate be a taradulaa senuŋo to le. Duniyaa moolu bee ye i deyi a ñaatiliŋo la.

Malaki 2:14

Ali naata ñininkaaroo ke ko, “Muŋ ne ye wo saabu?” Kaatu Yaawe keta kee-wo-kee niŋ a la musoo teema seedoo le ti, a ye meŋ futuu a la fondinkeeyaa waatoo la. Ali maŋ foroyaa ali la futuumusoolu ye, ì keta ali nomoñoolu ti ñaa-wo-ñaa, futuwo saratoo be ali niŋ mennu teema.

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

5 Musa 32:1

Saŋo niŋ bankoo, ali i lamoyi n na, ali ali tuloo loo m fokumoolu la!

Lankenemoo 2:11

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye. Meŋ keta noorilaa ti, saayaa fulanjaŋo te wo maa la muk!

Lankenemoo 2:17

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye. Meŋ keta noorilaa ti, m be manna* maaboriŋo doo dii la a la le, aduŋ m be bere koyoo fanaa dii la a la le. Too kutoo be tara la safeeriŋ wo beroo bala le, moo-wo-moo te meŋ loŋ na, fo meŋ ye a soto.

Lankenemoo 2:29

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye.”

Lankenemoo 2:7

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye. Meŋ keta noorilaa ti, m be siloo dii la wo la le ka domoroo ke ka bo yiroo to, meŋ ka baluwo dii. Wo yiroo be Alla la naakoo le kono.

Lankenemoo 3:13

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye.

Lankenemoo 3:22

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye.”

Lankenemoo 3:6

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye.

Kiitindirilaalu 11:10

Bituŋ Kileyadi alifaalu ko Yefuta ye ko, “Yaawe le be ke la ǹ teema seedoo ti. I ye a fo ñaameŋ, m̀ be a ke la wo le ñaama.”