Mika 1:12 - Mandinka Bible

¹² Maroti moolu niŋ kijateyoo le be siiriŋ, ì be maakoyiroo batu kaŋ, baawo Yaawe fele, a ye maasiiboo boyi Yerusalaamu kaŋ, a futata a dundaŋ daa faŋo le to.

Mika 1:12 Mawu Ofanana

Yuuba 30:26

Ŋa n yillaa kayiroo le la, bari kooroo le naata n kaŋ. M be maloo ñinoo kaŋ, diboo naata n kaŋ.

Yesaya 45:7

Nte le ye maloo naati, ŋa diboo daa, nte le ye kayiroo naati, ŋa maasiiboo saabu. Nte Yaawe le ka ñiŋ kuwolu bee ke.

Yeremiya 14:19

Yahuuda moolu ko, “Yaawe, fo i ye i koo dii Yahuuda la le fereŋ? Fo ite ñewunta Siyoni* la le baŋ? Muŋ ne ye a tinna i ye m̀ busa jawuke, fo a ye a tinna ǹ te kendeyaa noo la? Ǹ tarata n yillaariŋ kayiroo le la, bari a fele, maasiiboo doroŋ, ŋà n yillaa jaaraloo la, bari kuu kende maŋ naa ǹ ye.

Yeremiya 8:15

Ŋà n yillaa kayiroo le la, bari kuu kende maŋ naa ǹ ye, ŋà n yillaa jaaraloo la, bari a fele, maasiiboo doroŋ.

Amosi 3:6

Niŋ kelebinoo kumata saatewo kono, fo saatee moolu buka bara baŋ? Fo maasiiboo la naa saatewo kono, Yaawe le buka lañini a la baŋ?

Mika 1:9

Baramoo meŋ ye Samariya maa, a te kendeyaa noo la. Wo kuu kiliŋo le be sumaŋ kaŋ Yahuuda bankoo fanaa la. A futata n na moolu la saatee dundaŋ daa ma le, Yerusalaamu faŋo to.

Ruti 1:20

Nawomi naata a fo ì ye ko, “Ali kana nte kumandi Nawomi la. Ali n kumandi Mara la, kaatu Alla Tallaa ye nte niyo kuyandi le.

1 Samuweli 4:13

Kabiriŋ a futata, Eli be siiriŋ nuŋ a la siiraŋo le kaŋ siloo daala ka i lamoyi, kaatu Alla la Kambeŋ Kunewo la kuwo ye a dewuŋ baake le. Kabiriŋ keendiŋo dunta saatewo kono, a ye kuwo keñaa saata, saatewo bee datita ka kumboo.