Matiyu 9:38 - Mandinka Bible

³⁸ Wo kamma la, ali duwaa ka Katiritiyo daani, fo a si dookuulaalu kii naŋ a la katiroo la.”

Matiyu 9:38 Mawu Ofanana

Jabuuroolu 68:11

Maariyo la yaamaroo kaŋ, musu jamaalu ye kibaaroo samba ko:

Jabuuroolu 68:18

Ite Maariyo, i taata konko jaŋo santo le. I taatoo ye mutamoolu samba. I ye moolu la buuñaa soorifeŋolu muta le, hani mennu balanta i la sabatoo la jee.

Yeremiya 3:15

Bituŋ n si naa kantarilaalu ke ali kunna, mennu be ke la nte faŋo sondomoo la lafoo ti. Wolu be ali daañini la niŋ ñaameŋo niŋ fahaamuroo le la.

Mika 5:7

Yaakuba koomalankoolu mennu tuta, be tara la janjandiŋ bankoolu le kaŋ. Ì la kuwo be muluŋ na le komeŋ komboo, Yaawe ye meŋ jindi naŋ, waraŋ samaajiyo, ñaamoolu kaŋ. Ì te ì jiki sembe la moo la, sako ì si taamaayaa hadamadiŋ na.

Matiyu 9:37

Wo to le a ko a la saayiboolu ye ko, “Katiroo be siyaariŋ ne, bari dookuulaalu le maŋ siyaa.

Yohana 20:21

Wo to le Yeesu ko ì ye kotenke ko, “Kayiroo be ali fee! Ko m Faamaa ye n kii ñaameŋ, wo to nte fanaa be alitolu kii la le.”

Yohana 4:35

Fo ali buka a fo baŋ, ‘Kari naani le tuta jee, katiri waatoo ye sii’? A fele, m be a fo la ali ye, ali ali ñaa yele, ali ye kunkoolu juubee, kaatu ì moota katiroo ye le fokabaŋ.

Kiilaalu 13:2

Kabiriŋ ì be Maariyo batu kaŋ, aniŋ ì be sundiŋ, Noora Kuliŋo diyaamuta ì ye ko, “Ali Barinabas niŋ Sawulu bondi n ye ñiŋ dookuwo ye, ŋa ì kumandi meŋ na.”

Kiilaalu 8:4

Doolu mennu janjanta, ì ye kibaari betoo kawandi daa-wo-daa.

1 Korintinkoolu 12:28

Alla ye kiilaalu* le foloo tomboŋ Yeesu la kafoo kono, fulanjaŋo kiilaariyaa kumafolaalu, sabanjaŋo karandirilaalu, wo koolaa moolu mennu ka kaawakuwolu ke, moolu mennu ka kendeyandiroo ke, maakoyirilaalu, maralilaalu, ì niŋ mennu ka diyaamu kaŋ koteŋolu la.

Efesusinkoolu 4:11

Aduŋ ñinnu le mu a la soorifeŋolu ti, a ye moo doolu ke kiilaalu* ti, doolu kiilaariyaa kumafolaalu, doolu kibaari betoo kawandilaalu, doolu lannamoolu kantalaalu aniŋ doolu karandirilaalu.

2 Tesalonikankoolu 3:1

Baadiŋolu*, labaŋo la m̀ be ali daani la ka duwaa ǹ ye fo Maariyo la kumoo si janjaŋ katabake, aniŋ ka horoma baa soto ko a keta ali kono ñaameŋ.