Matiyu 9:16 - Mandinka Bible

¹⁶ Moo buka bayi kutoo lenkelaa waramba kotoo bala, kaatu lenkelaa ka bo waramboo bala le, aduŋ a be faroo warandi la baake le.

Matiyu 9:16 Mawu Ofanana

1 Musa 33:14

M maarii, ite ye taa n ñaato doroŋ. M be tara la i nooma le domandiŋ-domandiŋ ko beeyaŋolu la taamoo si kaañaŋ noo meŋ fee, aniŋ dindiŋolu, fo janniŋ m be i tara la Seyiri.”

Jabuuroolu 125:3

Moo kuruŋolu te tu la maraloo ke la moo tilindiŋolu la bankoo kaŋ. Niŋ wo nte, moo tilindiŋolu si duŋ noo kuu jawu baaroo to le.

Yesaya 40:11

A ka a la moolu topatoo le ko kantarilaa ka koorewo kanta ñaameŋ. A ka saajiiriŋolu katandi a faŋo la le, ì ye tara a kara la. A ka saajii dimbaalu kenkeŋ kuuke le.

Matiyu 9:15

Bituŋ Yeesu ko ì ye ko, “Fo maañoobitilaalu si woosii noo baŋ, niŋ maañootiyo be ì fee? Bari luŋolu be naa la le, luŋo meŋ maañootiyo be bo la ì bulu. Wo to le ì be suŋ na.

Matiyu 9:17

Wo ñaa kiliŋo la, wayini* kutoo buka ke sufura kotoolu kono. Niŋ wo keta, sufuroolu be feteŋ na le, wayinoo be boŋ na le, aduŋ sufuroolu be tiñaa la le. Wayini kutoo ka ke sufura kutoolu le kono, fo ì bee kana tiñaa.”

Maaka 2:21

“Moo buka bayi kutoo lenkelaa waramba kotoo bala. Niŋ a ye wo ke, lenkelaa be bo la waramboo bala le, kutamaa be bo la kotoomaa bala le, aduŋ a be faroo warandi la baake le.

Luka 5:36

Yeesu ye mansaaloo fanaa fo ì ye ko: “Moo buka bayikuntoo fara waramba kutoo bala ka a lenkelaa waramba kotoo bala. Niŋ a ye wo ke, a be waramba kutoo fara la le. Bayikuntoo meŋ bota kutamaa bala, a niŋ kotoomaa te ñoo taa la.

Yohana 16:12

“Ŋa kuu jamaa le soto ka a fo ali ye hani saayiŋ, bari ali te ì muña noo la foloo.

1 Korintinkoolu 13:13

Saayiŋ, ñiŋ feŋ saboo le tuta jee: Lannoo, jikoo aniŋ kanoo. Bari meŋ warata ñinnu bee ti, wo le mu kanoo ti.

2 Korintinkoolu 9:12

Kaatu ka ñiŋ soorifeŋo samba Alla la moo senuŋolu ye, a ka ì dahandi ì la suuloolu to le, bari a maŋ ke wo doroŋ ti, kaatu moo jamaa le be Alla tentu la a la fanaa.