Matiyu 7:24 - Mandinka Bible

²⁴ “Wo kamma la, moo-wo-moo meŋ ye n na ñiŋ kumoolu moyi, aduŋ a ye ì muta, wo ka munta le ko kee ñaamendiŋo, meŋ ye a la buŋo loo beroo kaŋ.

Matiyu 7:24 Mawu Ofanana

Yuuba 28:28

Bituŋ a naata a fo hadamadiŋolu ye ko, “Tooñaa-tooñaa, nte Maariyo ñaasilaŋo, wo le mu ñaameŋo ti, aniŋ ka fata kuu jawu kewo ma, wo le mu fahaamuroo ti.”

Jabuuroolu 111:10

Yaawe ñaasilaŋo le mu londoo kuŋo ti. Wo ka fahaamuroo dii moolu bee le la, mennu ka a la yaamaroolu muta. A be tu la jayi la le fo abadaa.

Jabuuroolu 119:130

I la kumoolu kotoo firiŋo ka maloo le dii, a ka moo kunimbaloo ñaamendi le.

Jabuuroolu 119:99

Ŋa fahaamuroo ke le ka tambi n karammoolu bee la, kaatu n ka n hakiloo loo i la karandiroolu le kaŋ.

Kuma Kotoomaalu 10:25

Niŋ foño baa feeta, a ka moo kuruŋolu samba le, bari moo tilindiŋolu ka tara bambandiŋ ne fo abadaa.

Kuma Kotoomaalu 10:8

Moo ñaamendiŋo ka yaamaroo tu a sondomoo kono le, bari toolee daa siyaariŋo ka labaŋ kasaara la le.

Kuma Kotoomaalu 12:7

Moo kuruŋolu be kasaara la le, ì te tara la keriŋ kotenke, bari moo tilindiŋolu niŋ ì la dimbaayaalu ka tara bambandiŋ ne.

Kuma Kotoomaalu 14:8

Hakilidiimaa la ñaameŋo, wo le ka a so miiroolu la a taañaa to, bari toolewo la kuntaŋyaa maañaa le ka a filindi.

Matiyu 12:50

Moo-wo-moo meŋ ka m Faamaa la lafoo ke, meŋ be Arijana, wo le mu m baadinkewo ti, m baarimmusoo aniŋ m baamaa.”

Matiyu 16:18

Aduŋ m be a fo la i ye, ite mu Pita le ti. M be n na kafoo loo la ñiŋ beroo le kaŋ, hani saayaa semboo te wo kafoo tiñaa noo la.

Matiyu 24:45

“Wo to jumaa le mu dookuulaa tilindiŋo ti, aniŋ dookuulaa ñaamendiŋo, meŋ maariyo ye a marandi a dookuuñoolu bee ma ka domoroo dii ì la a waatoo la?

Matiyu 25:2

Bari ñiŋ sunkutu taŋo kono, luulu mu toolewolu le ti, aniŋ luulu doo mu ñaamendiŋolu ti.

Matiyu 25:4

Bari ñaamendiŋolu niŋ ì la lampoolu, ì ye ì fankanta tuloo la keraŋolu kono.

Matiyu 25:9

Bari ñaamendiŋolu ye ì jaabi ko, ‘Hanii, a te ntolu bee sii la. Ali taa tulu waafilaalu yaa, ali ye doo saŋ ali faŋolu ye.’

Matiyu 7:25

Sanjiyo naata busa wo buŋo kaŋ, waamoo woyita a kaŋ, aniŋ turubaadoo ye a fee, bari hani wo a maŋ boyi, kaatu a be looriŋ beroo le kaŋ.

Matiyu 7:26

Bari moo-wo-moo meŋ ye n na ñiŋ kumoolu moyi, aduŋ a maŋ ì muta, wo ka munta le ko toolewo, meŋ ye a la buŋo loo keñoo kaŋ.

Luka 11:28

Bari Yeesu ko a ye ko, “Barakoo be moolu le ye, mennu ka Alla la kumoo moyi, aniŋ ì ka a muta.”

Yohana 13:17

Niŋ ali ye ñiŋ kuwolu loŋ, aduŋ ali ye ì ke fanaa, ali be barakoo soto la le.

Yohana 14:15

“Niŋ ali ye nte kanu, ali be n na yaamaroolu muta la le.

Yohana 15:10

Niŋ ali ye n na yaamaroolu muta, ali be tu la n na kanoo kono le, ko nte fanaa ye m Faamaa la yaamaroolu muta ñaameŋ, n tuta a la kanoo kono.

Yohana 15:14

Ŋa ali yaamari meŋ na, niŋ ali ye wo ke, ali mu n teeroolu le ti.

Roomankoolu 2:13

A maŋ ke ko, Luwaa moyoo le be moolu tilindi la Alla ñaatiliŋo la, bari Luwaa mutalaalu le be tiliŋo soto la.

1 Yohana 2:3

Niŋ ŋà a la yaamaroolu muta, wo to ǹ dankeneyaata le ko, ŋà ate loŋ ne.