Matiyu 6:11 - Mandinka Bible

¹¹ Domoroo dii ǹ na luŋ-wo-luŋ.

Matiyu 6:11 Mawu Ofanana

Yuuba 23:12

N nene maŋ a la yaamaroolu soosoo dooto. A fokumoolu, wolu le be m bulu.

Jabuuroolu 34:10

Hani jatoolu ka foo le, aduŋ ì ka konko, bari moolu mennu jikita Yaawe la, feŋ kende buka ì dasa.

Kuma Kotoomaalu 30:8

Tilimbaliyaa niŋ faniyaa jamfandi n na, kana m fuwaareyandi, aduŋ i kana n ke naafulutiyo ti, bari i si n na baluwo dammaa dii n na.

Yesaya 33:16

wo le be ke la moo ti, meŋ be tara la tankoo kono. Tatoo meŋ be konkoo kaŋ, be ke la a ye tankaraŋo le ti. A be domoroo soto la le, aduŋ jiyo te a dasa la.

Matiyu 4:4

Bari Yeesu ye a jaabi ko, “A be safeeriŋ ne ko: ‘Moo buka baluu noo mbuuroo dammaa la, a ka baluu kuma-wo-kuma le la, Alla ye meŋ fo!’ ”

Luka 11:3

Domoroo dii ǹ na luŋ-wo-luŋ.

2 Tesalonikankoolu 3:12

M̀ be wo moo siifaalu dandalaa la, aniŋ ka ì yaamari kendeke Maarii Yeesu Kiristu too la ka ì la dookuwo ke tenkuŋo kono ka feŋ soto, ì be ì daañini la meŋ na.

1 Timoti 6:8

Wo to, niŋ ŋà ǹ na domoroo niŋ feetoofatoo soto, ali ŋà wasa wolu la.

Ruti 1:6

Kabiriŋ a ye a moyi Mowabi bankoo kaŋ ko Yaawe* la deemaaroo naata a la moolu kaŋ ne domori kuwo la karoo la, bituŋ a niŋ a bitammusoolu pareeta ka muru suwo kono, ka bo Mowabi bankoo kaŋ.