Matiyu 5:7 - Mandinka Bible

⁷ “Barakoo be moolu ye, mennu ye balafaa soto, kaatu balafaa le be yitandi la ì la.

Matiyu 5:7 Mawu Ofanana

2 Samuweli 17:28

Ì ye laaraŋ feŋolu, booloolu, kaleeroolu samba naŋ, ì ye domoroo samba naŋ Dawuda niŋ a la kewolu ye, wiiti* niŋ baali* siimaŋo, fariñoo, dempeteŋo, sosoo, soso meseŋo, liyo, ciisi, feenewo, aniŋ saajiyolu. Ì ye a loŋ ne ko, Dawuda niŋ a la kewolu konkota le, mindoo ye ì muta, aduŋ ì bataata keñewuloo kono le.

2 Samuweli 22:26

Moo tilindiŋolu, i ka i la tiliŋo yitandi wolu le la. Moo meŋ kendeyaata baake, i ka kendeyaa wo le fee.

Jabuuroolu 112:4

Hani diboo kono maloo ka ke moo kendoo ye le, moo meŋ balafaa warata, a konotoo diyaata, aduŋ a tilinta.

Jabuuroolu 112:9

A ka niiroo ke baake le, ka a dii fentaŋolu la. A la tiliŋo te ke la ñina kuu ti fo abadaa. A semboo be wara la le, aduŋ moolu be a horoma la le.

Jabuuroolu 18:25

Moo tilindiŋolu, i ka i la tiliŋo yitandi wolu le la. Moo meŋ kendeyaata baake, i ka kendeyaa wo le fee.

Jabuuroolu 37:26

A ka sooroo ke kendeke le, aniŋ ka moolu donto, aduŋ a diŋolu ka ke neema moolu le ti.

Kuma Kotoomaalu 11:17

Moo ŋaniya kendoo ka a faŋo nafaa le, bari moo ŋaniya jawoo ka mantooroo le naati a faŋo ye.

Kuma Kotoomaalu 11:25

Sooroo feeyaata meŋ bulu, wo be fankamaayaa la le, aduŋ moo-wo-moo ye moo so jiyo la, ate fanaa be jiyo soto la le.

Kuma Kotoomaalu 14:21

Moo ka jutu a siiñoo la, wo mu junube kuwo le ti, bari barakoo be moo le ye, meŋ ka moolu maakoyi, mennu be suuloo kono.

Kuma Kotoomaalu 19:17

Moo-wo-moo beteyaata fuwaaroo fee, a ka Yaawe le julu duŋ, aduŋ a be a joo la a kebaaroo la le.

Yesaya 57:1

Moo tilindiŋolu ka kasaara le, bari moo buka a hakilitu ì to, ì ka lannamoolu samba le, moo buka a fahaamu. Bari niŋ ì faata, ì be tanka la maasiiboo ma le,

Daniyeli 4:27

Wo to Mansa, yaamaroo muta, m be meŋ dii la i la. Fata junube kewo ma, i kali taama tiliŋo la. “I la tilimbaliyaa bula, i ye balafaa moolu ye, mennu be mantooroo kono. A si ke noo i la firiŋo ye tenteŋ.”

Hoseya 1:6

Komeri ye konoo taa kotenke, a ye dimmusoo wuluu. Bituŋ Yaawe ko Hoseya ye ko, “A toolaa Lo-Ruhama la, kaatu n te balafaa soto la Banisirayila ye kotenke, waraŋ ka yamfa ì ye.

Hoseya 2:1

“Ali ali mooñoo Banisirayila kewolu kumandi ‘Ammi’ la, ali ye musoolu kili ‘Ruhama’ la.”

Hoseya 2:23

M be n na moolu fii la m faŋo ye bankoo kaŋ ne, m be balafaa soto la Lo-Ruhama ye le, ŋa a fo Lo-Ammi ye ko, ‘Ali mu n na moolu le ti,’ aduŋ ì si a fo n ye ko, ‘Ite le mu ǹ na Alla ti.’ ”

Mika 6:8

Ite hadamadiŋo, Yaawe ye a fo i ye le, meŋ mu kuu kendoo ti, aduŋ a ye meŋ kaniŋ i bulu, wo le mu, ka tooñaa taamandi, ka beteyaa kanu, aniŋ ka bula Alla nooma, i Maarii, fammajiyo kono.

Maaka 11:25

“Aduŋ niŋ ali loota ka duwaa, ali yamfa moo-wo-moo ye, kuu be ali niŋ meŋ teema. I si a je, ali Faamaa fanaa, meŋ be Arijana, si yamfa ali la junuboolu la.”

Luka 6:35

“Bari ali si ali jawoolu kanu, ali ye kuu betoo ke ì ye. Ali moolu fuu, ali kana i yillaa feŋ na ì bulu. Wo to le ali la joo be wara la, aniŋ ali be ke la Alla Mansa Tallaa la dindiŋolu ti, kaatu ate beteyaata wasabaloolu fee le fanaa, aniŋ kuruŋolu.

Roomankoolu 11:30

Alitolu mennu maŋ ke Yahuudoolu ti, maŋ Alla la yaamaroolu muta nuŋ. Bari saayiŋ, ali ye Alla la balafaa soto Yahuudoolu la yaamari mutabaliyaa kamma la.

1 Korintinkoolu 7:25

Futuubaloolu la kuwo to, nte maŋ yaamaroo soto Maariyo bulu, bari m be n na hakili ñiimaa yitandi la, ŋa meŋ soto ka bo niŋ Maariyo la hiinoo la, fo n na kumoolu si jari moolu ye.

2 Korintinkoolu 4:1

Bayiri ntolu ye ñiŋ dookuwo soto ka bo niŋ Alla la hiinoo le la, ǹ te jikilateyi la.

Efesusinkoolu 4:32

Bari ali ñanta mooyaa niŋ balafaa soto la ñoo ye le. Ali yamfa ñoo ye ko Alla yamfata ali ye ñaameŋ ka bo niŋ Kiristu la.

Kolosankoolu 3:12

Wo to, alitolu mennu mu Alla la tomboŋ moo senuŋolu niŋ kanuntewolu ti, ali ali la daajika kutoo duŋ, meŋ mu balafaa ti, mooyaa, fammajiyo, sooneeyaa aniŋ muñoo.

1 Timoti 1:13

A ye ñiŋ ke nte ye le, hani n keta tooñeeri kumafolaa ti nuŋ ñaa-wo-ñaa, toorandirilaa aniŋ fitinamoo. Bari balafaa diita n na le, kaatu ŋa wo ke lombaliyaa niŋ lannabaliyaa le kono.

1 Timoti 1:16

Bari balafaa diita n na ñiŋ daliiloo le kamma la, fo Yeesu Kiristu si a la muñoo bee yitandi nte kono, junubelaalu bee kuntonkoo, aduŋ n na kuwo si ke misaaloo ti moolu bee ye, mennu be naa laa la ate la ka badaa-badaa baluwo soto.

Hiburunkoolu 4:16

Wo to, ali ŋà fatiyaa ka sutiyaa Alla hiinantewo la mansasiiraŋo ma, fo ǹ si balafaa niŋ hiinoo soto ǹ na maakoyiroo to, ǹ suulata ì la waatoo meŋ na.

Hiburunkoolu 6:10

Kaatu Alla tilinta le, aduŋ a te ñina la ali la dookuwo la, aniŋ kanoo, ali ye meŋ yitandi a too kamma la, ka moo senuŋolu maakoyi, aduŋ ali be looriŋ wo kaŋ ne hani saayiŋ.

Yankuba 2:13

Kiitiyo le ka naa, meŋ buka balafaa soto moo ye, meŋ maŋ balafaa yitandi. Bari hani wo, balafaa le ye semboo soto kiitiyo ti.

Yankuba 3:17

Bari ñaameŋo meŋ bota Alla yaa, foloo-foloo a seneyaata le. Ate ñaameŋo mu kayiroo le ti, mooyaa aniŋ ŋaniya betoo. A be faariŋ balafaa le la, a ka kebaara betoolu diŋ, aduŋ faasaaroo niŋ bunaafayiyaa te jee.

1 Pita 2:10

Nunto, ali maŋ ke Alla la moolu ti, bari saayiŋ, ali mu a la moolu le ti. Ali maŋ balafaa soto nuŋ Alla bulu, bari saayiŋ, ali ye a soto a bulu le.