Matiyu 5:5 - Mandinka Bible

⁵ “Barakoo be moolu ye, mennu ye i fammajii, kaatu ì be duniyaa keetaa la le.

Matiyu 5:5 Mawu Ofanana

Jabuuroolu 147:6

Yaawe le ka moo sembentaŋolu sikandi, bari a ka moo kuruŋolu jindi duuma le.

Jabuuroolu 149:4

Yaawe ka kontaani a la moolu la kuwo la le. A ka horomoo dii fammajiilaalu la le ka bo niŋ nooroo la ì jawoolu kaŋ.

Jabuuroolu 22:26

Fentaŋolu be domoroo ke la le ì ye kaañaŋ. Moolu mennu ka Yaawe ñiniŋ, wolu le be a jayi la. Allamaa ali ye jusulaa fo abadaa.

Jabuuroolu 25:13

Wo maarii faŋo be tu la firiŋo le kono, aduŋ a koomalankoolu le taa be ke la bankoo ti.

Jabuuroolu 25:9

A ka fammajiilaalu kanda tiliŋo le kono, aduŋ a ka ì karandi a la siloo la le.

Jabuuroolu 37:11

Bari fammajiilaalu le be bankoo keetaa la, aduŋ ì be tara la seewooriŋ firiŋo le kono, aniŋ kayira baa.

Jabuuroolu 37:22

Yaawe neemata mennu ma, wolu le be a la laahidi bankoo keetaa la, bari a ye mennu danka, wolu be wafati la bankoo kaŋ ne.

Jabuuroolu 37:29

Moo tilindiŋolu le be bankoo keetaa la, ì koomoo be tu la jee le fo abadaa.

Jabuuroolu 37:34

I lamoyi Yaawe ma, i ye taama a la siloo la, aduŋ a be horomoo dii la i la le, ka bankoo keetaa, aduŋ i ñaa be moo jawoolu wafati luŋo je la le.

Jabuuroolu 37:9

Kaatu moo kuruŋolu be wafati la ñiŋ bankoo kaŋ ne, bari moolu mennu jikita Yaawe la, wolu le be ñiŋ bankoo keetaa la.

Jabuuroolu 69:32

Moo bataariŋolu, ali a juubee, ali ye jusulaa, moolu mennu ka Alla ñini si jiki ì sondomoo kono.

Yesaya 11:4

A be fentaŋolu la kiitiyo kuntu la tiliŋo le kono, a ye bankoo fuwaaroolu la kuwo kiitii niŋ tooñaa siloo la. A la kumoo be banku moolu kuluu la le, a la yaamaroo ye suŋ moo kuruŋolu la saayaa la.

Yesaya 29:19

Yaawe be moo toorariŋolu kontaanindi la le kotenke, aduŋ fentaŋolu be seewoo la Banisirayila la Senuŋ Baa la kuwo to le.

Yesaya 60:21

“Wo to i la moolu bee be ke la moo tilindiŋolu le ti, aduŋ bankoo be tara la itolu le bulu fo abadaa. Itolu le mu soroŋo ti ŋa meŋ tutu, m faŋo buloo le la dookuwo mu, ka n na kallankeeyaa yitandi.

Yesaya 61:1

M Maarii Yaawe* la Nooroo be n kaŋ ne, kaatu Yaawe le ye n tomboŋ, ka kibaari betoo kawandi fuwaaroolu ye. A ye n kii le ka moo jikilateyiriŋolu wakiilindi, ka a kankulaa mutamoolu ye ko ì firinta le, aniŋ ka bunjawutonkoolu bondi diboo kono.

Sefaniya 2:3

Alitolu fammajiilaalu mennu be bankoo kaŋ, ali ka Yaawe la yaamaroolu nooma, ali tenteŋ ka Yaawe la kuwo ñiniŋ. Ali tu hameriŋ ka bula tiliŋo nooma, a niŋ fammajiyo. Fo tumandoo niŋ Yaawe la ñiŋ kamfaa luŋo siita, ali si tu tankoo kono.

4 Musa 12:3

Musa mu fammajiilaa baa le ti. A ye a faŋ jii le ka tambi moo-wo-moo la ñiŋ duniyaa kono.

Matiyu 11:29

Ali n na yookoo* duni aniŋ ali kuwolu karaŋ m bulu, kaatu ŋa tenkuŋo niŋ fammajiyo soto n sondomoo kono le, aduŋ ali niyolu be dahaa la le.

Matiyu 21:5

“A fo Dimmusuriŋ* Siyoni* ye ko, a juubee, i la mansakewo be naa kaŋ i kaŋ ne! A fammajiiriŋo be seleriŋ faloo le kaŋ, aduŋ falindiŋo, falimusoo diŋo.”

Roomankoolu 4:13

Laahidoo Alla ye meŋ dii Iburayima niŋ a koomalankoolu la nuŋ ko, duniyaa bee be ke la itolu le taa ti, Alla maŋ ñiŋ laahidoo dii Iburayima la a la Luwaa mutoo kaŋ, bari a ye a dii a la lannoo le kaŋ.

Kalatiyankoolu 5:23

sooneeyaa aniŋ faŋ mutoo. Luwaa te keriŋ, meŋ balanta ñiŋ kuwolu la.

Efesusinkoolu 4:2

Ali si baluu fammajiyo kono, mooyaa aniŋ sooneeyaa, aduŋ ali si muña ñoo ye kanoo kono.

Kolosankoolu 3:12

Wo to, alitolu mennu mu Alla la tomboŋ moo senuŋolu niŋ kanuntewolu ti, ali ali la daajika kutoo duŋ, meŋ mu balafaa ti, mooyaa, fammajiyo, sooneeyaa aniŋ muñoo.

1 Timoti 6:11

Bari ite meŋ mu Alla la moo ti, bori ñiŋ kuwolu ma. I si hame tiliŋo la, Alla ñaasilaŋo, lannoo, kanoo, wakiiloo aniŋ mooyaa.

2 Timoti 2:25

Moolu mennu balanta a ma, a ñanta ì la boyidaa yitandi la ì la mooyaa le kono. Tumandoo Alla si siloo dii wolu la le ka tuubi fo ì si naa tooñaa loŋ,

Titus 3:2

Ì kana kuma jawoo fo moo-wo-moo ma, waraŋ ka sonka, bari ì si sooneeyaa, aniŋ ka hadamayaa yitandi moolu bee la.

Yankuba 1:21

Wo kamma la, ali fata kuu nooriŋolu bee la, aniŋ kuruŋyaa siifaa bee. Ali soŋ Alla la kumoo ma, sooneeyaa bee kono. Wo mu kumoo le ti, meŋ fiita ali sondomoolu kono, aniŋ meŋ si ali kiisandi noo.

Yankuba 3:13

Jumaa le ye ñaameŋo niŋ fahaamuroo soto alitolu kono? A maarii si a baluuñaa betoo yitandi niŋ a la kebaaroolu la, sooneeyaa kono, meŋ ka soto niŋ ñaameŋo la.

1 Pita 3:15

bari ali Kiristu* horoma ali sondomoolu kono ko Maariyo. Ali si tu pareeriŋ waati-wo-waati ka jaabiroo dii moo-wo-moo la, meŋ ye ali ñininkaa jikoo la kuwo la, ali ye meŋ soto ali sondomoo kono.

1 Pita 3:4

bari ali la ñiiñaa si bo niŋ ñarandi kuwolu la, mennu be maaboriŋ ali sondomoo kono, aduŋ ì te kasaara la. Tenkuŋo niŋ mooyaa le mu naafuloo ti, meŋ kummaayaata Alla ñaatiliŋo la.