Matiyu 4:7 - Mandinka Bible

⁷ Wo to le Yeesu ko a ye ko, “A be safeeriŋ ne fanaa ko: ‘Ali kana Maariyo ali la Alla kotobo.’ ”

Matiyu 4:7 Mawu Ofanana

Jabuuroolu 106:14

Ì tuta domori meeyaa bambaloo le yitandi la keñewuloo* kono, aduŋ ì ye Alla kotobo jee le.

Jabuuroolu 78:18

Ì ye Alla kotobo le ì la tawunteeyaa kaŋ, biriŋ ì ye domoroo kaniŋ meŋ ye ì meeyaa.

Jabuuroolu 78:41

Ì ye a kotobo le, ì ye a seyinkaŋ-seyinkaŋ, ka Banisirayila la Senuŋ Baa kamfandi.

Jabuuroolu 78:56

Hani wo, ì ye balaŋo tiliŋ Alla Mansa Tallaa la le ka a kotobo, aduŋ ì maŋ a la yaamaroolu muta,

Jabuuroolu 95:9

Ali mumuñolu ye n na kaŋo soosoo, ì ye n na muñoo daŋo kotobo, ì ye n na baara kuu baalu je ñaa-wo-ñaa.

2 Musa 17:2

Ì woosiita Musa ye ko, “Jiyo dii ǹ na, ŋà m miŋ.” Musa ye ì jaabi ko, “Muŋ ne ye a tinna, ali ka woosii? Muŋ ne ye a tinna, ali lafita ka Yaawe kotobo?”

2 Musa 17:7

A ye dulaa ñiŋ kumandi Masa niŋ Meriba le la, kaatu Banisirayilankoolu sonkata le, aduŋ ì ye Yaawe kotobo jee le to, ka a fo ko, “Fo Yaawe be ǹ kono le, waraŋ a te jaŋ?”

Yesaya 8:20

Ali Alla la luwaalu aniŋ a la yaamaroolu muta! Mennu maŋ ì muta, ì be tu la diboo le kono.

Malaki 3:15

Bari saayiŋ a fele, faŋ wara moolu ǹ ka wolu le kumandi neema moolu la. Ì ka baara kuu kuruŋo la ñaa-wo-ñaa, ì ka ñaatotaa soto le. Ì ka tara Alla sooki kaŋ ñaa-wo-ñaa, ì ka kana le.’ ”

4 Musa 14:22

Ñiŋ moolu kono, hani kiliŋ te duŋ na ñiŋ bankoo kaŋ. Ì ye n na kallankeeyaa je le, aniŋ n na kaawakuwolu ŋa mennu ke Misira aniŋ keñewuloo kono. Bari hani wo ì ka tu n kotobo la, ì buka soŋ ka i lamoyi.

Matiyu 21:16

Ì ko a ye ko, “Fo i ye a moyi le, ñinnu be meŋ fo kaŋ baŋ?” Yeesu ye ì jaabi ko, “Haa! Fo ali nene maŋ a karaŋ ko: ‘Ite ye jayiroo parendi i faŋo ye le ka bo dindiŋolu niŋ deenaanoolu daalu la’?”

Matiyu 21:42

Bituŋ Yeesu ko ì ye ko, “Fo ali nene maŋ a karaŋ Kitaabu Senuŋolu kono ko: ‘Beroo meŋ buŋ loolaalu jututa a la, wo le naata ke tonkonna bere kummaa ti. Maariyo le ye ñiŋ ke, aduŋ a kaawakuuyaata ǹ ñaa koto le.’

Matiyu 4:10

Bituŋ Yeesu ko a ye ko, “Taa jana, Seetaanoo*! A be safeeriŋ ne ko: ‘Ali si sujudi Maariyo ali la Alla ye, aniŋ ali si ate doroŋ batu.’ ”

Matiyu 4:4

Bari Yeesu ye a jaabi ko, “A be safeeriŋ ne ko: ‘Moo buka baluu noo mbuuroo dammaa la, a ka baluu kuma-wo-kuma le la, Alla ye meŋ fo!’ ”

Luka 4:12

Yeesu ye a jaabi ko, “A be safeeriŋ ne ko: ‘Ali kana Maariyo ali la Alla kotobo.’ ”

Kiilaalu 15:10

Saayiŋ duŋ, muŋ ne ye a tinna ali ka Alla kotobo teŋ, ka dunoo laa Yeesu noomalankoolu sañoo kaŋ, m̀ mumuñolu maŋ meŋ muña noo, sako ntolu?

Kiilaalu 5:9

Pita ko a ye ko, “Muŋ ne ye a tinna ali kambenta ka Maariyo la Nooroo kotobo? A fele, kewolu mennu ye i keemaa baadee, ì be bundaa to, aduŋ ì be i fanaa samba la le.”

1 Korintinkoolu 10:9

M̀ maŋ ñaŋ na Maariyo kotobo la ko itolu doolu ye a ke ñaameŋ, meŋ ye a tinna saalu ye ì kasaara.

5 Musa 6:16

Ali kana Yaawe ali la Alla kotobo, ko ali ye a ke nuŋ ñaameŋ Masa daakaa to.

Hiburunkoolu 3:9

Ali mumuñolu ye n na muñoo daŋo kotobo jee le to, hani ì ye n na baara kuu baalu je