Matiyu 4:6 - Mandinka Bible

⁶ Bituŋ Ibiliisa ko a ye ko, “Niŋ a ye a tara, ite le mu Alla Dinkewo ti, i faŋ fayi duuma, bayiri a be safeeriŋ ne ko: ‘A be a la malaayikoolu yaamari la ka i kanta, fo i siŋo kana taki bere la.’ ”

Matiyu 4:6 Mawu Ofanana

Yuuba 1:10

Fo ite le maŋ a sansaŋ karoo bee la, a niŋ a la dimbaayaa niŋ a sotofeŋo bee? I neemata a ma kuwolu bee to, a ye mennu ke, a la sotofeŋolu janjanta bankoo bee kaŋ.

Yuuba 5:23

I be tankoo soto la kene fanuŋolu to le, kayiroo le be tara la ì niŋ wulakono daafeŋolu teema.

Jabuuroolu 34:20

Yaawe ka tu a kantariŋ ne doroŋ, aduŋ hani kiliŋ te kati la a kuloolu kono.

Jabuuroolu 34:7

Yaawe la malaayikoo le ka moolu kanta, mennu ye a kuliyaa, aduŋ a ka ì tanka le.

Matiyu 4:4

Bari Yeesu ye a jaabi ko, “A be safeeriŋ ne ko: ‘Moo buka baluu noo mbuuroo dammaa la, a ka baluu kuma-wo-kuma le la, Alla ye meŋ fo!’ ”

2 Korintinkoolu 11:14

Wo maŋ ke teremma kuwo ti, kaatu hani Seetaanoo* ka a faŋo ke le ko maloo malaayikoo.

Hiburunkoolu 1:14

Fo malaayikoolu bee maŋ ke dookuulaalu doroŋ ne ti baŋ? Ì bee mu maakoyirilaa nooroolu le ti, Alla ye mennu kii wo moolu ye, mennu be kiisoo soto la.