Matiyu 3:16 - Mandinka Bible

¹⁶ Kabiriŋ Yeesu batiseeta, a fintita naŋ jiyo kono doroŋ, saŋo yeleta. A naata Alla la Nooroo je jii la a kaŋ ko puraa.

Matiyu 3:16 Mawu Ofanana

Yesaya 11:2

Yaawe* la Nooroo be tara la a fee le, ñaameŋo niŋ fahaamuroo nooroo, yaamaroo niŋ semboo nooroo, londoo niŋ Yaawe ñaasilaŋo nooroo.

Yesaya 42:1

Yaawe* ko: “N na dookuulaa fele, ŋa meŋ na kuwo bambandi. Ŋa ate le tomboŋ, aduŋ a la kuwo ye n seewoo le. M be n na Nooroo jindi la a kaŋ ne, aduŋ a be kiitii tilindiŋo naati la bankoolu kaŋ ne.

Yesaya 59:21

A ko: “Nte wo de, n niŋ ì be ñiŋ kambeŋo le siti la. Ite n na annabiyomoo, ŋa n na Nooroo meŋ dii i la, aniŋ ŋa n na kumakaŋo meŋ duŋ i daa, be tara la i fee le, aduŋ a be tara la i diŋolu fee le aniŋ i koomalankoolu ka bo saayiŋ na fo abadaa. Nte Yaawe le ye a fo.”

Yesaya 61:1

M Maarii Yaawe* la Nooroo be n kaŋ ne, kaatu Yaawe le ye n tomboŋ, ka kibaari betoo kawandi fuwaaroolu ye. A ye n kii le ka moo jikilateyiriŋolu wakiilindi, ka a kankulaa mutamoolu ye ko ì firinta le, aniŋ ka bunjawutonkoolu bondi diboo kono.

Esekiyeli 1:1

Sanji taŋ sabanjaŋo, kari naaninjaŋo tili luulunjaŋo la, wo ye a tara nte Esekiyeli be mutamoolu le kono, mennu be sabatiriŋ nuŋ Kebari Boloŋo daala, Babiloni bankoo kaŋ. A fele, saŋo daa yeleta n ye, Alla ye n jerindi feŋolu la.

Maaka 1:10

Kabiriŋ Yeesu fintita naŋ jiyo kono doroŋ, a ye saŋo je yeleriŋ, a naata Alla la Nooroo je jii la a kaŋ ko puraa.

Yohana 1:51

Bituŋ Yeesu ko a ye ko, “Tooñaa-tooñaa, m be a fo la ali ye, ali be saŋo je la yeleriŋ, Alla la malaayikoolu be seloo niŋ jiyo la Moo Dinkewo* kaŋ.”

Yohana 3:34

Alla ye moo meŋ kii, wo ka Alla la kumoolu le fo, kaatu Alla ka a la Nooroo dii le, diiroo meŋ maŋ dandulaa soto.

Kiilaalu 1:22

ka dati Yaayaa la batiseeroo la ka naa fo waatoo meŋ na, Yeesu bota ǹ kono ka taa Alla yaa. Aduŋ wo maarii niŋ ntolu ñanta ke la seedoolu le ti Yeesu la saayaakoolaa wulindiroo la kuwo to.”

Kiilaalu 7:56

Wo to le a ko, “A juubee, ŋa saŋo je yeleriŋ, aduŋ Moo Dinkewo* be looriŋ Alla bulubaa karoo la!”

1 Yohana 5:6

Yeesu Kiristu* le mu wo ti, meŋ naata ka bo jiyo niŋ yeloo la. A maŋ naa jiyo doroŋ na, bari a naata jiyo niŋ yeloo le la. Aduŋ Nooroo le ye a la kuwo seedeyaa, kaatu Nooroo mu tooñaa le ti.