Matiyu 3:12 - Mandinka Bible

¹² A la feerilaŋo be a buloo kono le, aduŋ a be kesoolu niŋ fuufulewolu bo la ñoo to le. Wo to le a be a la kesoolu ke la buntuŋo kono, bari a be fuufulewolu jani la dimbaa le la, meŋ buka faa noo.”

Matiyu 3:12 Mawu Ofanana

Yuuba 21:18

Fo foñoo nene ka ì fee le ko siimaŋ kaloo baŋ, waraŋ foño baa ye ì samba ko fuufulewo?

Jabuuroolu 1:4

Bari moo kuruŋolu maŋ tara wo ñaama. Ì ka munta le ko fuufulewo, foñoo ka meŋ tindi.

Jabuuroolu 35:5

Allamaa ì ye ke ko fuufulewo, foñoo kali ì tindi, Yaawe la malaayikoo ye tara ì bayindi kaŋ.

Yesaya 1:31

Sembemaalu be ke la le ko ñaama jaaroo, ì la dookuwo ye ke ko dimbaa feremetoo, ì niŋ ì la dookuu kuruŋo bee be jani la ñoo la le, aduŋ moo te ì maakoyi noo la ka dimbaa faa.

Yesaya 17:13

Bankoolu la maakaŋ waroo ka bumbuŋ ne ko fankaasoo, bari niŋ Yaawe ye ì jalayi, ì si bori dulaa jaŋ, foñoo ye ì samba ko fuufulewo meŋ be konkoo kaŋ, waraŋ ko niŋ saafoñotoo be kankaŋo tindi kaŋ.

Yesaya 27:4

M maŋ kamfaa a la kuwo la. Niŋ a ye a tara ŋaniŋolu niŋ fitoolu le be jee, m be wolu kele la le, ŋa dimbaa duŋ ì la.

Yesaya 28:28

Siimaŋ kesoo ka juru domoroo le ti, wo to moo buka tu a toñonka la fo fawu. Niŋ a maarii be a la suwoolu niŋ sareeti siŋo borindi la a kaŋ, a buka a juru.

Yesaya 30:24

Ninsoolu niŋ faloolu mennu ka bankoo sene, ì si beeyaŋ domori koomaa domo, ì ye meŋ tenteŋ a feeraŋo niŋ a kooraŋo la.

Yesaya 41:16

Ali be ì fayi la foñoo kono le, ì ye janjaŋ, burufatoo ye ì tindi. Wo to ali be kontaani la le, kaatu nte le mu Yaawe ali la Alla ti, ali be nte Banisirayila la Senuŋ Baa jayi la le.

Yesaya 5:24

Wo to, ko dimbaa ka ñonkoliŋo mala tariyaake ñaameŋ, aniŋ ñaama jaaroo ka hilihili dimbaa kono ñaameŋ, ì suloolu be toli la wo le ñaama, ì firoolu ye tii ko kankaŋo, kaatu ì jututa Yaawe Alihawaa Maariyo la luwaa le la, ì balanta Banisirayila la Senuŋ Baa la kumoo la.

Yesaya 66:24

Aduŋ ì be taa le ka moolu furewolu juubee mennu balanta n na. Tumboolu mennu be ì domo la, te faa la muumeeke, aduŋ dimbaa meŋ be ì jani la, nene te faa la. Hadamadiŋolu ñewuntoo le be ì juubee la.”

Yeremiya 15:7

Ŋa Yahuuda moolu fee n na feerilaŋo le la, saatee dundaŋ daalu to bankoo kaŋ taariŋ. Ŋa bonoo niitooroo, aniŋ kasaaroo le boyi n na moolu kaŋ, kaatu ì maŋ bo ì la sila kuruŋolu kaŋ.

Yeremiya 17:27

“Bari n ko, ì si soŋ ka i lamoyi n na, ka Loobula Luŋo muta luŋ buuñaariŋo ti. Ì kana duni samba niŋ Yerusalaamu dundaŋ daalu la wo luŋo la. Kaatu niŋ ì ye wo ke, m be dimbaa faabaloo le mala la Yerusalaamu dundaŋ daalu to, a ye a tatoolu bee kasaara.”

Yeremiya 4:11

Wo luŋo le Yaawe be a fo la ñiŋ moolu niŋ Yerusalaamu ye ko, “Foño kandi jawoo le be fee la n na kanu moolu kamma, ka bo keñewula* jaaroo kono. A te ke la fuufulee bondoo ti, waraŋ seneyandiroo.

Yeremiya 51:2

M be feerilaalu le naati la Babiloni kamma, ko siimaŋ feelaalu. Ì be a fee la le ka a bankoo kenseŋyandi, tuma meŋ ì be naa a kamma ka bo karoo bee la, mantooroo luŋo la.

Yeremiya 7:20

“Wo kamma la, nte Yaawe Alla ye ñiŋ ne fo ko: A juubee, m be n na kamfaa niŋ jusukandoo jindi la ñiŋ batudulaa kaŋ ne, ka taa moolu niŋ beeyaŋolu kaŋ, yiroolu, aniŋ senebankoo fiifeŋolu. A dimbaamaa le be mala la, aduŋ moo te a faa noo la.”

Hoseya 13:3

Wo to ì si ke ko tuutuwo, ko soomandaa komboo, meŋ ka yeemaŋ waati kiliŋ, ko fuufulewo ka tii feeridulaa ñaameŋ, waraŋ ko siisiyo ka finti palanteeroo la ñaameŋ.

Amosi 9:9

“Alitolu Banisirayilankoolu, m be yaamaroo le dii la, ka ali janjandi bankoolu teema. M be ali tenteŋ na le ko niŋ i be siimaŋ kesoo tenteŋ na. Bari hani kendemaa kiliŋ te joloŋ na bankoo to.

Malaki 4:1

“Luŋo be naa kaŋ ne meŋ be wulee la ko fuuri dimbaa. Luŋo meŋ, faŋ wara moolu niŋ kuu kuruŋ kelaalu be jani la ko ñaama jaaroo. Niŋ ñiŋ luŋo naata, ì bee le be jani la, ì ye baŋ fereŋ. Nte Yaawe Alihawaa Maariyo* le ye a fo.

Matiyu 13:30

Ali ì bee bula, ì ye meŋ ñoo la fo katiri waatoo. Katiri waatoo la, m be a fo la katirilaalu ye le, ì si ñaamoolu foloo kafu ñoo ma, ì ye ì siti ka ì jani. Bari ì si siimaŋo kafu ñoo ma n na buntuŋo kono.’ ”

Matiyu 13:41

Moo Dinkewo be a la malaayikoolu kii la naŋ ne, aduŋ ì be moolu mennu ka moo doolu duŋ junuboo to, aniŋ junubelaalu kafu la ñoo ma le, ka ì bee bondi a la mansabaayaa kono.

Matiyu 13:42

Malaayikoolu be ì fayi la fuuri dimbaa wuleŋo le kono, kumboo niŋ nimisoo be daameŋ.

Matiyu 13:43

Bituŋ moo tilindiŋolu si malamala ko tiloo ì Faamaa la mansabaayaa kono. Meŋ ye tuloo soto, a si a moyi.

Luka 3:16

Bari Yaayaa ye ì bee jaabi ko, “N ka ali batisee niŋ jiyo le la, bari meŋ ka naa, wo le la kuwo warata ka tambi nte la. M maŋ jari hani ka a la samatoolu firiŋ. Ate be ali batisee la niŋ Noora Kuliŋo le la, aniŋ dimbaa.

Luka 3:17

A la feerilaŋo be a buloo kono le ka kesoolu niŋ fuufulewolu bo ñoo to. Wo to le a be kesoolu ke la a la buntuŋo kono, bari a be fuufulewolu jani la dimbaa le la, meŋ buka faa noo.”

Yohana 15:2

Bulu-wo-bulu meŋ be nte bala, aduŋ a buka diŋ, a ka wo kuntu le. Bari bulu-wo-bulu meŋ ka diŋ, a ka wo warawara le ka a seneyandi fo a si diŋ jamaa soto.