Matiyu 28:7 - Mandinka Bible

⁷ Ali si taa katabake ka a fo a la saayiboolu ye ko, a wulita saayaa kono le, aduŋ a taata ali ñaato le Kalilee tundoo kaŋ, ali be a je la jee le. Ŋa a fo ali ye le saayiŋ.”

Matiyu 28:7 Mawu Ofanana

Yesaya 44:8

Ali kijoo kana ali fara, waraŋ ka sila. Fo m maŋ ñiŋ fo ali ye nuŋ kabiriŋ aniŋ saayiŋ? Alitolu le mu n seedoo ti. Fo alla doo le be jee nte koolaa? Hanii, semberaŋ bere doo te jee, nte maŋ hani kiliŋ loŋ.”

Yesaya 45:21

Ali a fo meŋ be ke la, ali ye a yitandi. Ali ye kuwo kacaa ñoo kaŋ. Jumaa le ye ñiŋ fo nuŋ kabiriŋ? Jumaa le ye a fo nuŋ koomanto? Fo nte Yaawe n te baŋ? Alla koteŋ te jee nte koolaa. Alla tilindiŋo niŋ kiisandirilaa doo te jee, nte dammaa le mu.

Matiyu 24:25

Ali ali hakiloo tu, ŋa a fo ali ye le janniŋ a waatoo be sii la.

Matiyu 26:32

Bari nte wulindiri koolaa saayaa kono, m be taa ali ñaato le Kalilee tundoo kaŋ.”

Matiyu 28:10

Bituŋ Yeesu ko ì ye ko, “Ali kana sila! Ali taa, ali ye a fo m baadiŋolu* ye ko, ì ye taa Kalilee tundoo kaŋ. Ì be nte je la jee le.”

Matiyu 28:8

Wo to le musoolu niŋ silaŋo niŋ seewoo baa taata katabake ka bo kaburoo to. Ì borita ka taa ñiŋ kuwolu saata Yeesu la saayiboolu ye.

Maaka 14:28

“Bari nte wulindiri koolaa saayaa kono, m be taa la ali ñaato le Kalilee tundoo kaŋ.”

Maaka 16:10

Wo to le Mariyaama taata ka a fo Yeesu kafuñoolu ye, mennu be kumboo niŋ woosiyo la.

Maaka 16:13

Ì muruta, ì ye a fo wo doolu ye, bari ì maŋ laa ì la.

Luka 24:34

Wolu ko ì ye ko, “Tooñaa, m̀ Maariyo wulita le, aduŋ a fintita Simoni kaŋ ne!”

Yohana 14:29

Ŋa a fo ali ye le saayiŋ, janniŋ a be ke la, fo niŋ a keta, ali si laa.

Yohana 16:4

Bari ŋa ñiŋ kuwolu fo ali ye le, fo niŋ ì la waatoo siita, ali hakiloolu si bula ko, ŋa ì fo ali ye le. “M maŋ ñiŋ kuwolu fo ali ye kabiriŋ foloodulaa to, kaatu n tarata ali fee le nuŋ.

1 Korintinkoolu 15:4

A baadeeta le, aduŋ a wulindita le ka bo saayaa kono tili sabanjaŋo la, ko a be safeeriŋ ñaameŋ.

1 Korintinkoolu 15:6

Bituŋ a naata finti baadiŋolu kaŋ, mennu siyaata moo keme luulu ti waati kiliŋo la. Wolu jamaa be baluuriŋ ne hani saayiŋ, bari saayaa ye doolu taa le.