Matiyu 27:29 - Mandinka Bible

²⁹ Ì naata ŋaniŋ buloolu debe ñoo bala, ka a duŋ a kuŋo la ko mansanaafoo. Ì ye dokoo fanaa duŋ a bulubaa buloo kono. Ì naata ñoyi a ñaatiliŋo la ka a ñaawali ko, “I nimbaara, Yahuudoolu la mansakewo!”

Matiyu 27:29 Mawu Ofanana

Jabuuroolu 69:7

Ite le la kuwo ye nendiroo saabu m ma, maloo doroŋ ne tarata n kaŋ.

Yesaya 49:7

Yaawe, Banisirayila la Senuŋ Baa, a Kumakaalaa ka diyaamu moo le ye, bankoolu jututa meŋ na, ì ye a koŋ, a keta maralilaalu la dookuulaa ti, a ye ñiŋ ne fo a ye ko, “Niŋ mansoolu ye i je, ì be wuli la le, maralilaalu fanaa be ñoyi la i ye le, kaatu nte Yaawe le be a saabu la. N ka laahidoolu timmandi le, nte Banisirayila la Senuŋ Baa meŋ ye i tomboŋ.”

Yesaya 53:3

Moolu jututa a la le, ì ye i baŋ a to, moo le mu meŋ ye dimoo niŋ kuuraŋo taki. Ǹ jututa a la le, m̀ maŋ a muta feŋ ti ko moolu maŋ lafi ka moo meŋ je.

Yeremiya 20:7

Hee Yaawe, i ye n sondi le, aduŋ n sonta le. Ite le bambanta n ti, i ye n noo le. Ì ka n ke jelefeŋo le ti tiloo muumewo, moo bee ka n ñaawali.

Matiyu 20:19

Ì be a duŋ na wolu bulu le, mennu maŋ ke Yahuudoolu ti, aduŋ wolu be a ñaawali la le, ka a karawaasi aniŋ ka a pempeŋ yiribantambiloo kaŋ, bari a be wulindi la saayaa kono le tili sabanjaŋo la.”

Matiyu 26:49

Wo to le Yudas naata Yeesu kaŋ tariyaake. A ko a ye ko, “Karammoo, kayira be i ye!” Bituŋ a ye a sumbu.

Matiyu 27:37

Ka a la saayaa daliiloo safee a kunto, ì ye ñiŋ ne safee ko, “Ñiŋ ne mu Yeesu ti, Yahuudoolu la mansakewo.”

Maaka 15:17

Ì ye waramba wuleŋo duŋ a la. Ì ye ŋaniŋ buloolu debe ñoo bala, ì ye a duŋ a kuŋo la ko mansanaafoo.

Maaka 15:18

Bituŋ ì ye a dati ka a ñaawali niŋ ñiŋ kontondiroo la ko, “I nimbaara, Yahuudoolu la mansakewo!”