Matiyu 26:72 - Mandinka Bible

⁷² Bari Pita balanta kotenke. A ko, “Ŋa n kali, m maŋ ñiŋ kewo loŋ!”

Matiyu 26:72 Mawu Ofanana

2 Musa 20:7

Ali kana nte Yaawe ali la Alla too fo kuu kuruŋolu kunna, kaatu n te moo-wo-moo le tu la jee, meŋ ye n too fo kuu kuruŋo kunto.

Yesaya 48:1

Yaawe* ko: “Hee Yaakuba koomalankoolu, ì ka ali kumandi Banisirayila fanaa la le, ali i lamoyi, m be naa meŋ fo la ali ye. Ali bota Yahuuda lasiloo le kono, ali kalita Yaawe too la le, ali ko, ali ka Banisirayila la Alla le batu, bari ali buka a ke tooñaa niŋ tiliŋo siloo la.

Jakariya 8:17

Ali kana i miira ñiŋ na faŋ, ka kuu jawoo ke ñoo la. Ka i kali faniyaa kaŋ, wo kana ke ali daajikoo ti. Ŋa ñiŋ bee le koŋ. Nte Yaawe le ye a fo.

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

Matiyu 26:71

Kabiriŋ a taata koridaa bundaa to, jommusu doo fanaa ye a je. A ko moolu ye mennu be looriŋ a daala ko, “Ñiŋ kewo tarata Yeesu Nasaretinkoo fee le nuŋ.”

Matiyu 26:73

Waatindiŋ koolaa, wolu mennu be looriŋ jee, naata Pita kaŋ. Ì ko a ye ko, “Tooñaa, ite fanaa be ì kono le, kaatu hani i diyaamuñaa faŋo le ye i yitandi.”

Matiyu 26:74

Wo to le a ye i kali kali jawu baa la, a ko, “Nte maŋ ñiŋ kewo loŋ faŋ!” Wo loo niŋ baroo teema, duntuŋo kookoleeta!

Luka 22:34

Wo to le Yeesu ko a ye ko, “Pita, m be a fo la i ye, janniŋ duntuŋo be kookolee la bii, i be balaŋ na n na kuwo la le fo siiñaa saba ko, i maŋ nte loŋ.”