Matiyu 26:31 - Mandinka Bible

³¹ Wo to le Yeesu ko ì ye ko, “Ñiŋ suutoo la ali bee be nte bula la le, kaatu a be safeeriŋ ne ko: ‘M be saajii kantalaa busa la le, aduŋ saajii koorewo be janjaŋ na le.’

Matiyu 26:31 Mawu Ofanana

Jabuuroolu 38:11

N teeroolu niŋ n kafuñoolu jamfata n na, n na kuuraŋo kamma la. M baadiŋolu fanaa sabata n na.

Jabuuroolu 69:20

Nendiroolu ye n kijoo teyi le, fo n jikilateyita. N jikita le ko m be balafaa daa soto la le, bari a maŋ soto, aniŋ sabarindilaalu, bari ì maŋ soto.

Jabuuroolu 88:18

I ye a tinna le n kanuntewolu niŋ n teeroolu ye i bo n to. Diboo doroŋ ne mu n kafuñoo ti.

Yesaya 53:10

Bari a keta Yaawe la lafoo le ti, ka a mantoora niŋ dimiŋo la. A la baluwo keta sadaa* ti junuboolu ye ñaa-wo-ñaa, a koomalankoolu be siyaa la le. A be sii jaŋo soto la le, aduŋ a be Yaawe la feeroo taamandi kuu la le.

Niikuyaa Suukuwolu 1:19

“Saayiŋ a fele, ŋa n kanuntewolu kumandi, bari ì ye i bo n to le. N na piriisoolu niŋ alifaalu, ì faata saatewo kono taariŋ, tumoo meŋ ì be domori ñiniŋo la, fo a si ì bambandi ka baluu.

Jakariya 13:7

Yaawe Alihawaa Maariyo ye ñiŋ ne fo ko: “Hawusari*, kuniŋ i ye wuli n na kantarilaa kamma, wuli a kamma, n na moo sutuŋo le mu. A seyi, saajiyolu ye janjaŋ. Hani domandimmaalu faŋo, m bulu be laa la ì kaŋ ne.”

Matiyu 11:6

Barakoo be moo le ye, meŋ maŋ hakili fula soto nte la kuwo to.”

Matiyu 26:24

Moo Dinkewo be faa la le ko a la kuwo safeeta ñaameŋ, bari kooroo be wo moo le ye, meŋ ye a jamfaa! A be fisiyaa la wo fee le faŋ, niŋ a nene maŋ wuluu ñiŋ duniyaa kono.”

Matiyu 26:56

Bari ñiŋ keta le fo annabiyomoolu la kumoolu si timma.” Wo to le saayiboolu bee ye a bula, ì borita.

Yohana 16:32

Waatoo be naa la le, aduŋ a naata le fokabaŋ, ali be janjaŋ na le, moo-wo-moo be taa a la suwo kono. Ali be n dammaa le bula la, bari hani wo, nte dammaa te tu la, kaatu m Faamaa be m fee le.