Matiyu 26:29 - Mandinka Bible

²⁹ Bari m be a fo la ali ye, nte te ñiŋ wayinoo* miŋ na kotenke fo luŋo meŋ na, n niŋ ali be a kutamaa miŋ na m Faamaa la mansabaayaa kono.”

Matiyu 26:29 Mawu Ofanana

Jabuuroolu 104:15

Wayinoo* ka soto jee le, ka hadamadiŋo jusulandi, ka taa olifu* tuloo, ka a ñaadaa malamalandi, aniŋ mbuuroo, ka semboo dii a la.

Jabuuroolu 4:7

I ye nte jusulandi le ka tambi n jawoolu la, hani ì ye siimaŋolu niŋ miŋ feŋ diimaalu soto ñaa-wo-ñaa.

Jabuuroolu 40:3

A ye suukuu kutoo duŋ n daa ka ǹ na Alla jayi. Moo jamaa le be wo je la, ì ye masilaŋ, aduŋ ì be ì jikoo loo la Yaawe kaŋ ne.

Suukuwo 5:1

M baarimmusu, n na maañoo, m be naa kaŋ n na naakoo to le, ka n na miiri* niŋ seerandi feŋ koteŋolu kafu ñoo ma. M be n na liyo niŋ a kaañoo domo la le, ŋa n na wayinoo* niŋ n na keekewo miŋ. N teerimaalu, ali domoroo ke, ali ye i miŋ, ali ye siira kanoo kono. Musoo ko:

Yesaya 25:6

Yaawe Alihawaa Maariyo* be feetoo ke la bankoolu bee le ye konkoo kaŋ. A be ke la subu kendiŋ feetoo le ti, wayini* diimaa feetoo, subu kendiŋo niŋ yuwo, wayinoo niŋ a la timiyaa baa.

Yesaya 53:11

A la mantooroo jeriŋ koolaa, a be tara la mala baa le kono, a ye wasa. N na dookuulaa tilindiŋo, ka bo niŋ a la londoo la, moo jamaa si ke moo tilindiŋo ti, kaatu a be ì la junuboo bee dunoo taa la le.

Sefaniya 3:17

Yaawe, ali la Alla be ali fee le. Ate le mu kelejawaroo ti meŋ ka nooroo ke. A be seewoo la ali la kuwo la le. A la kanoo ali kaŋ, wo be dahaa le dii la ali la, a ye ali la kuwo denkili seewoo kamma la.”

Jakariya 9:17

A si ke kuu bete ti, aniŋ kuu ñiimaa. Bankoo siimaŋo niŋ a wayini* kutoo, si a fondinkewolu bambandi, a ye ì yiriwandi.

Matiyu 13:43

Bituŋ moo tilindiŋolu si malamala ko tiloo ì Faamaa la mansabaayaa kono. Meŋ ye tuloo soto, a si a moyi.

Matiyu 16:28

Tooñaa, m be a fo la ali ye, moo doolu le be looriŋ jaŋ, mennu te saayaa nene la, fo niŋ ì ye Moo Dinkewo je naa kaŋ a la mansabaayaa kono.”

Matiyu 18:20

Kaatu niŋ moo fula waraŋ saba benta nte too la daa-wo-daa, n ka tara ì fee jee le.”

Matiyu 25:34

Wo koolaa Mansa si naa a fo a bulubaalankoolu ye ko, ‘Ali naa, m Faamaa neemata mennu ma! Ali ye mansabaayaa keetaa, Alla ye meŋ parendi ali ye kabiriŋ duniyaa foloodulaa to.

Matiyu 26:28

Kaatu ñiŋ mu n yeloo le ti, kambeŋo yeloo meŋ bonta moo jamaa ye ka ì la junuboolu kafari.

Matiyu 26:30

Bituŋ ì ye suukuwo laa, ì taata Olifu Konkoo to.

Matiyu 28:20

Ali si ì karandi ka kumoolu bee muta, nte ye ali yaamari mennu la. Aduŋ nte be tara la ali fee le waati-wo-waati hani fo duniyaa dandulaa to.”

Maaka 14:25

Tooñaa, m be a fo la ali ye, nte te wayini* yiridiŋ jiyo miŋ na kotenke fo luŋo meŋ na, m be a kutamaa miŋ na Alla la mansabaayaa kono.”

Luka 12:32

Kafundiŋo, ali kana sila! A mu ali Faamaa ye seewoo le ti ka a la mansabaayaa dii ali la.

Luka 15:32

A beteyaata le, ŋà seewoo niŋ kontaanoo soto ñoo fee, kaatu i ñiŋ doomaa faata le nuŋ, bari saayiŋ, a baluuta le kotenke. A filita le nuŋ, bari a jeta le.’ ”

Yohana 15:11

Ŋa ñiŋ kumoolu fo ali ye le, fo n na seewoo si tara ali kono, aniŋ fo ali la seewoo si timma.

Yohana 16:22

Wo ñaa kiliŋo la, ali ye niikuyaa le soto saayiŋ, bari m be ali je la le kotenke. Wo to le ali niyo be faa la niŋ seewoo la, aduŋ moo te wo seewoo taa la ali bulu.

Yohana 17:13

Bari saayiŋ n ka naa ite le yaa, aduŋ ŋa ñiŋ kuwolu fo le waatoo meŋ na, m be duniyaa kono, fo ì faŋolu si faa niŋ n na seewoo la.

Kiilaalu 10:41

A maŋ moolu bee jerindi a la, bari ntolu ye a je le, Alla ye mennu tomboŋ ka ke seedoolu ti a la kuwo to. Ate niŋ ntolu ye domoroo niŋ miŋo ke ñoo kaŋ ne, kabiriŋ a wulita saayaa kono.

Hiburunkoolu 12:2

Ali ŋà ǹ ñaa loo Yeesu kaŋ, ǹ na lannoo be looriŋ ate le kaŋ, ka bo a foloodulaa ka taa a labandulaa to. A ye yiribantambiloo tooroo muña le, a maŋ a la malu kuwo juubee, kaatu a ñaa be looriŋ seewoo le kaŋ, meŋ parendita a ye, aduŋ a naata sii Alla la mansasiiraŋo bulubaa karoo la.

Lankenemoo 14:3

Ŋa a moyi, ì ye suukuu kutoo laa mansasiiraŋo niŋ wo daafeŋ baluuriŋ naanoo ñaatiliŋo la, aniŋ alifaalu. Moo-wo-moo le maŋ wo suukuwo laa noo, fo wo moo wuli keme wuli taŋ naani niŋ naanoo doroŋ, mennu kumakaata ka bo duniyaa kono.

Lankenemoo 7:17

kaatu Saajiiriŋo meŋ be mansasiiraŋo ñaatiliŋo la, ate le be ke la ì la kantarilaa ti. A be ì kenkeŋ na jii woyoolu le to, mennu ka baluwo dii, aduŋ Alla be ñaajiyo bee fita la ì ñaalu to le.”