Matiyu 24:6 - Mandinka Bible

⁶ Ali be keloolu moyi la le, aniŋ kele kibaaroolu, bari ali kana sila, kaatu wo kuwolu ñanta ke la le, bari wo maŋ ke labandulaa ti.

Matiyu 24:6 Mawu Ofanana

Jabuuroolu 112:7

A buka sila niŋ a ye kibaari jawoo moyi. A jusoo ka beŋ ne, aduŋ a ka a jikoo loo Yaawe le kaŋ.

Yesaya 12:2

Tooñaa-tooñaa, Alla le mu n tankandirilaa ti. M be n jikoo sembe la a la le, n te sila la. N semboo ka bo m Maarii Yaawe le bulu, n ka suukuwo laa ate le ye, kaatu ate le mu n tankandirilaa ti.”

Yesaya 7:4

A fo a ye ko, a ye a hakilitu, a ye tenkuŋ, aduŋ a kana sila. Mansa Resini niŋ Mansa Peka la kamfaa baa kana a tinna a ye jikilateyi, wolu maŋ ke feŋ ti fo loo kuntu fula meŋ be siisii kaŋ.

Yeremiya 47:6

“Ali ka ñiŋ ne kumboo ko, ‘Hee, Yaawe la hawusaroo*, muŋ tuma le i be i foño la faaroo la? Seyi i laa kono, i ye i foñondiŋ ka tenkuŋ.’

Esekiyeli 21:28

Yaawe ko: “Ite hadamadiŋo, kiilaariyaa kumoo fo Ammoninkoolu ye. A fo ì ye, nte Yaawe Alla ye ñiŋ ne fo ì la kuwo to, aniŋ ì la nendiri kumoolu to ko: Ŋa hawusaroo le parendi ì kamma, ka ì faa. Ŋa a daa diyaa le, fo a ka ŋalasi ko saŋ ŋalasoo.

Matiyu 2:3

Kabiriŋ Mansa Herodi ye ñiŋ moyi, a niyo toorata, a niŋ Yerusalaamu bee.

Matiyu 24:14

Aduŋ Arijana mansabaayaa la kibaari betoo be kawandi la duniyaa bee kono le ka ke seedeyaa ti bankoolu bee ye. Wo to le duniyaa be baŋ na.

Matiyu 26:54

Bari silaŋ Alla la kumoo meŋ ko, a ñanta ke la teŋ ne, wo be timma noo la ñaadii le?”

Luka 21:19

Ka bo niŋ ali la wakiiloo la, ali be badaa-badaa baluwo soto la le.

Luka 21:9

Niŋ ali ye keloolu niŋ jerewolu moyi, ali kijoo kana ali fara, kaatu ñiŋ kuwolu ñanta ke la le foloo, bari duniyaa te baŋ na wo loodulaa to.”

Luka 22:37

Kaatu m be a fo la ali ye, ñiŋ kumoo meŋ be safeeriŋ, a ñanta timma la n na kuwo to le ko: ‘Ì ye a niŋ junubelaalu le ke konti kiliŋ.’ “Meŋ safeeta n na kuwo to, a be timma la le.”

Yohana 14:1

“Ali sondomoolu kana toora. Ali laa Alla la, aduŋ ali si laa nte fanaa la.

Yohana 14:27

“Ŋa kayiroo le tu ali fee, ŋa n na kayiroo dii ali la le. Nte maŋ a dii ali la ko duniyaa ka a dii ñaameŋ. Ali sondomoolu kana toora, sako ali si sila.

2 Tesalonikankoolu 2:2

ali kana tariyaa piwu la, waraŋ ka bara, niŋ ali ye kibaaroo moyi ko, Maariyo la luŋo siita le fokabaŋ. Ali sondomoolu kana toora, hani niŋ wo kumoo bota niŋ kiilaariyaa kumoo le la, aniŋ kuma koteŋ, waraŋ leetaroo, ì ko, meŋ bota ntolu bulu.

Lankenemoo 6:4

Suu doo fanaa fintita naŋ, meŋ be wuleeriŋ. A borindilaa ye kaŋo soto le ka kayiroo bondi duniyaa kono fo moolu si ñoo faa, aduŋ hawusari* baa le diita a la.