Matiyu 24:28 - Mandinka Bible

²⁸ Feŋ furewo be daa-wo-daa to, duwoolu ka jii jee le to.

Matiyu 24:28 Mawu Ofanana

Yeremiya 16:16

Yaawe ko: “A juubee, m be ñeemutalaa jamaalu le kumandi la naŋ, ì ye naa ì muta ko ñewolu. Wo koolaa m be deemalaalu fanaa kumandi la naŋ ne, ì ye ì deema konko baalu niŋ konkoriŋolu bee kaŋ taariŋ, aniŋ ka bo berehuwolu kono.

Esekiyeli 39:17

Maarii Yaawe ye ñiŋ ne fo ko: “Ite hadamadiŋo, kunu siifaalu bee kili naŋ, aniŋ i ye wulakono daafeŋolu bee bendi ñoo kaŋ, ì ye naa ka bo naŋ karoo bee la, ka naa sadaabo juuraloo to m be meŋ parendi kaŋ ì ye, meŋ be naa ke la Banisirayila konkoolu kaŋ. Daameŋ to ì si suboo domo, ì ye yeloo miŋ.

Habakuki 1:8

Ì la suwoolu le tariyaata ka tambi soloo la, aduŋ itolu le ñamoo fatiyaata ka tambi suluu konkoriŋo la. Ì la suu borindilaalu si bo naŋ dulaa jaŋ, ì la suwoolu sinkaŋo be kuma la bankoo kaŋ. Ì tariyaatoo si ì jawoolu waliŋ keloo la ko niŋ seeliŋo be jii la suboo kaŋ duuma.

Luka 17:37

Wo to le ì ko Yeesu ye ko, “Maariyo, mintoo?” A ye ì jaabi ko, “Feŋ furewo be daa-wo-daa, duwoolu ka jii jee le to.”

5 Musa 28:49

Yaawe be banku koteŋo moolu le wulindi la ali kamma ka bo naŋ dulaa jaŋ, ali nene maŋ mennu la kaŋo moyi sako ka a fahaamu. Wolu si naa boyi ali kaŋ, ì ye ali cansu ko seeliŋo.