Matiyu 23:38 - Mandinka Bible

³⁸ A juubee, ali la buŋo be tu la kenseŋyaariŋ.

Matiyu 23:38 Mawu Ofanana

1 Mansoolu 9:7

wo to m be Banisirayilankoolu buruka la bankoo kaŋ ne ŋa meŋ dii ì la, aduŋ m be n koo dii la ñiŋ buŋo la le, ŋa meŋ seneyandi n too ye. Bituŋ Banisirayilankoolu si ke jelefeŋo niŋ jutunna moolu ti moolu bee kono.

Jabuuroolu 69:24

I la kamfaa jindi ì kaŋ, i ye ì ñankoŋ i la jusukandoo la.

Jabuuroolu 69:25

Allamaa ì la daakaalu ye tumbuŋ, moo kana tu sabatiriŋ ì la tiriliisoolu* kono.

Yesaya 5:9

Yaawe Alihawaa Maariyo kalita ñiŋ na le, m faŋo tuloo le ye a moyi, “Tooñaa-tooñaa, wo buŋolu bee le be ke la tumbuŋo ti, buŋ ñiimaa baalu be jee le, bari moo te tara la ì kono.

Yeremiya 22:5

Bari niŋ ali maŋ soŋ ñiŋ kumoolu muta la, wo to ŋa n kali m faŋo la ko, ñiŋ mansasuwo be ke la tumbuŋo le ti.” Yaawe le ye a fo.

Daniyeli 9:26

Wo sanji nankamoo koolaa, Alla la maralilaa tombondiŋo be kasaara la le, aduŋ hani moo te seyi la a noo to. Maralilaa doo le be naa, meŋ na kelediŋolu be saatewo kasaara la, aniŋ Alla Batudulaa Buŋo. Saatewo la tumbuŋo waamemaa le be naa, aduŋ wo waatoo bee be ke la keloo le ti, ka kasaaroo samba naŋ, Alla ye meŋ nata.

Sefaniya 3:6

Yaawe kumata ko: “Ŋa bankoolu kasaara, ì la tatoolu tumbunta, ŋa ì la siloolu kenseŋyandi, moo buka taama ì kaŋ. Ì la saatewolu kasaarata, moo te tara la ì kono, hani moo kiliŋ.

Jakariya 11:6

Yaawe ko, “N te balafaa soto la ñiŋ bankoo moolu ye kotenke. M be jee moolu dammaalu dundi la ñoo la le, ŋa ì duŋ ì maralilaalu bulu. Ñiŋ maralilaalu be bankoo kasaara la le, aduŋ hani moo kiliŋ, n te a bo la ì bulu.”

Matiyu 24:2

Bituŋ a ko ì ye ko, “Fo ali ye ñiŋ buŋolu bee je le baŋ? Tooñaa, m be a fo la ali ye, ali ye ñiŋ buŋolu meŋ je teŋ, hani bere kiliŋ te tu la laariŋ ñoo kaŋ jaŋ, meŋ te boyi la duuma.”

Maaka 13:14

“Bari niŋ ali ye feŋ haraamuriŋo meŋ be kasaaroo ke la je looriŋ dulaa to, a maŋ ñaŋ na loo la daameŋ, karannaa si a fahaamu, wo to moolu mennu be Yudeya tundoo kaŋ, si bori konkoolu to.

Luka 13:35

A juubee, Alla be a la buŋo bula la le. M be fo la ali ye, ali te n je la fo waatoo meŋ na, ali be a fo la ko, ‘Tenturoo niŋ jayiroo be ate le ye, meŋ ka naa Maariyo too la.’ ”

Luka 21:20

“Bari niŋ ali ye kelediŋolu je, ì ye Yerusalaamu murubeŋ, ali si a loŋ ko, kasaaroo sutiyaata naŋ ne.

Luka 21:24

Moo jamaa be faa la niŋ hawusaroo* la, doolu be taa la mutoo kono bankoolu bee kaŋ. Bituŋ jaahiloolu be Yerusalaamu bee dori la le, fo niŋ ì la waatoo banta.

Luka 21:6

“Luŋolu be naa la le, ñiŋ feŋolu ali ka mennu je, ì bee be tiñaa la le. Hani bere kiliŋ te tu la laariŋ ñoo kaŋ, meŋ te boyi la duuma.”