Matiyu 23:37 - Mandinka Bible

³⁷ “Ite Yerusalaamu, hee, ite Yerusalaamu! I la moolu ye annabiyomoolu faa le, aniŋ ì ye kiilaalu buŋ beroolu la ka ì faa. Siiñaa jelu le n lafita i la dindiŋolu kafu la ñoo ma m bala, ko siisee dimbaa ka a diŋolu kafu ñoo ma a dampaŋo koto ñaameŋ, bari ali buka soŋ!

Matiyu 23:37 Mawu Ofanana

Nehemiya 9:26

“Bari ì balanta, aduŋ ì ye i soosoo le, ì ye ì koo dii i la luwaa la. Ì ye i la annabiyomoolu faa le, mennu ye ì dandalaa, fo ì si muru i kaŋ, aduŋ ì ye sookiri baalu le ke.

Jabuuroolu 17:8

N kanta ko moo ka a ñaakesoo kanta ñaameŋ. M maabo i la tankoo dampammaa koto,

Jabuuroolu 36:7

I la kanu bambaloo tinewo warata le. Hadamadiŋolu ka tankoo ñini ite le dampaŋo koto, moo baa, moondiŋ.

Jabuuroolu 57:1

Balafaa n ye, hee Alla, balafaa n ye, kaatu n niyo be karafariŋ ite le ma. M be i la tankoo koto le ko a dampammaa le ye m muuri, fo kasaaroo turubaadimaa ye tambi.

Jabuuroolu 63:7

Bayiri ite le keta m maakoyilaa ti, n ka tara i dampaŋo le koto, wo to m be suukuwo laa la le seewoo kamma la.

Jabuuroolu 91:4

A be a la tankoo dampammaa le wanka la i kunto, aduŋ i be tankoo soto la wo dampaŋo koto le. A la tiliŋo kaŋ, a be i tanka la le ka i sansaŋ.

Yesaya 5:4

N si muŋ ne ke noo n na kankaŋo ye kotenke, ka tambi ŋa ñiŋ meŋ ke a ye teŋ? M be n yillaariŋ yiridiŋ betoo le la, muŋ ne ye a tinna, a ye kuniyaariŋo wuluu?

Yesaya 50:2

Fo ali ye a miira le ko, m buloo te sii noo la ka ali kiisa baŋ? Fo wo le ye a tinna, biriŋ n naata ka ali kiisa m maŋ moo tara jee? Fo ali ye a miira le ko, m maŋ sembe soto ka ali kumakaa baŋ? Fo wo le ye a tinna, biriŋ ŋa kumandiroo ke, moo maŋ i danku n na? A juubee, n na jalayiroo ka a tinna le fankaasoo ye jaa, ŋa baalu yelemandi keñewuloo* ti, ñewolu ye faa, ì ye toli, jii sotobaliyaa kamma la.

Yeremiya 2:30

A ko: “Banisirayilankoolu, ŋa ali kuluu le, bari a maŋ nafaa soto. Ali maŋ soŋ tilindiroo la. Komeŋ jata konkoriŋo, ali ye ali la annabiyomoolu faa niŋ ali la hawusaroo* le la.

Yeremiya 26:23

Ì ye Uriya bondi naŋ Misira, ì ye a naati Mansa Yehoyakimu ye, a ye kaŋo dii ka a faa niŋ hawusaroo* la, aduŋ ì ye a baadee saatewo fuwaaroolu la kaburoo le to.

Yeremiya 32:31

Ñiŋ saatewo moolu ye n kamfandi le ka n jusoo kandindi, ka bo luŋo meŋ na a loota ka naa bula bii la. Wo kamma la m be a bondi la n ñaa koto le.

Yeremiya 35:15

N tuta n na dookuulaalu annabiyomoolu kii la ali kaŋ ne luŋ-wo-luŋ. Ì ka ñiŋ ne fo ali ye ko, ali kiliŋ-kiliŋ naa ye bo ali la sila kuruŋolu kaŋ, ka ali kekuwolu faliŋ. Ali kana jalaŋolu nooma, ka ì batu. Wo le to ali be sabati la bankoo kaŋ, ŋa meŋ dii ali la, aniŋ ali mumuñolu. Bari ali maŋ ali tuloo loo n na, waraŋ ka soŋ i lamoyi la n na.

Yeremiya 36:26

Mansa naata Yeraameeli yaamari, meŋ mu mansa diŋo ti, aniŋ Seraya, Asiriyeli dinkewo, Selemiya, Abudeeli dinkewo ka Safeerilaa Baruku muta, aniŋ nte Yeremiya. Bari Yaawe ye m̀ maabo le.

Yeremiya 4:14

Muna Yerusalaamu, i sondomoo seneyandi kuu jawoo to, fo i si kiisa. Janniŋ muŋ tuma le kuu kuruŋo be tu la sosoriŋ i kono?

Yeremiya 44:4

Wo bee kaŋ, n tuta n na dookuulaalu, annabiyomoolu kii la ali kaŋ ne, ka a fo ali ye ko, muna, ali kana ñiŋ kuu ñewundiŋo ke, ŋa meŋ koŋ!

Yeremiya 6:8

Muna Yerusalaamu, dandalaaroo muta, niŋ wo nte, m be n koo dii la i la le, ŋa i la bankoo kenseŋyandi, moo te tara la siiriŋ jee.”

Hoseya 11:2

Bari n ka ì kili ñaameŋ, ì ka jamfa n na wo le ñaama. Ì tuta sadaa* bo la Baali* jalaŋolu ye, ì ka cuuraayoo siisindi jalaŋ koteŋolu ye.

Hoseya 11:7

N na moolu ka tenteŋ ne ka balaŋ m ma, bari hani niŋ ì ye ì la Baali jalaŋo kili, a te ì la yookoo sika noo la ì kaŋ.

Hoseya 7:13

“Kooroo be ì ye, kaatu ì borita n na le. Kasaaroo be ì ye, kaatu ì balanta m ma le. M be hameriŋ ka ì kumakaa, bari ì ka faniyaa fo m ma.

Jakariya 1:4

Ali kana ke ko ali mumuñolu. Annabiyomu foloolu ye nte Yaawe Alihawaa Maariyo la kumoo bankee ì ye le, fo ì si ì koo dii kuu kuruŋ kewo la, aniŋ ì la sila kuruŋolu. Bari ì maŋ i lamoyi n na sako ka ì hakiloo tu n na kumoolu to.

Matiyu 22:3

A ye a la dookuulaalu kii ka moolu bee kumandi, a ye mennu buuñaatoo kili ñiŋ feetoo to. Bari ì maŋ soŋ ka naa.

Matiyu 22:6

Doolu ye a la dookuulaalu muta, ì ye ì ŋayibe aniŋ ì ye ì faa.

Matiyu 23:30

Aduŋ ali ka a fo ko, ‘Niŋ ǹ tarata baluuriŋ m̀ mumuñolu la jamaanoo la, ǹ te kafu la ì ma ì la annabiyomoolu faa to.’

Matiyu 23:31

Wo to alitolu ye ali faŋolu la kuwolu seedeyaa le ko, alitolu mu wo moolu le lasiloo ti, mennu ye annabiyomoolu faa.

Matiyu 5:12

Ali seewoo aniŋ ali ye jusulaa, kaatu ali la joo be wara la Arijana kono le. Ì ye annabiyomoolu toorandi wo ñaa kiliŋo le ñaama, mennu naata ali ñaa.

Luka 15:28

Bituŋ dinkee keebaa kamfaata, aduŋ a balanta ka duŋ suwo kono. “Wo to le a faamaa fintita naŋ, a ye a daani, fo a si duŋ konoto.

1 Tesalonikankoolu 2:15

Itolu le ye Maarii Yeesu faa, aniŋ annabiyomoolu, aduŋ ì ye ntolu fanaa bayi ì la saatewolu kono. Ì ka Alla kamfandi, aduŋ ì ka balaŋ moolu bee ma.

Lankenemoo 17:6

Ŋa musoo ñiŋ je siirariŋ niŋ Alla la moo senuŋolu yeloo la, aniŋ wo moolu yeloo, mennu faata Yeesu la kuwo seedeyaa kamma la. Kabiriŋ ŋa a je, n jaakalita baake le,

Ruti 2:12

I ye meŋ ke, Allamaa Yaawe ye i joo a la. Allamaa Yaawe ye i joo jooñaa senuŋ na, Banisirayilankoolu la Alla, i naata i faŋ karafa meŋ ma.”