Matiyu 23:26 - Mandinka Bible

²⁶ Ite Farisee finkiriŋo! I la mindaŋo niŋ booloo konoto foloo kuu, fo banta fanaa si seneyaa.

Matiyu 23:26 Mawu Ofanana

Yesaya 55:7

Moo jawoo ye a la jawuyaa siloo bula, moo kuruŋo ye a la kuruŋyaa miiroo tu jee. Ì ye muruŋ Yaawe kaŋ, a be balafaa soto la ì ye le. Ì ye naa ǹ na Alla kaŋ, kaatu a be yamfa la ì ye le burayi.

Yeremiya 13:27

Ŋa i la kuu ñewundiŋolu le je, i la jeenoo niŋ sabatibaliyaa, aniŋ i la cakayaa maañaa, konkoolu kaŋ aniŋ kenoolu kono taariŋ. Ite Yerusalaamu, kooroo be i ye! Janniŋ waati jumaa le ite be seneyaa noo la?”

Yeremiya 4:14

Muna Yerusalaamu, i sondomoo seneyandi kuu jawoo to, fo i si kiisa. Janniŋ muŋ tuma le kuu kuruŋo be tu la sosoriŋ i kono?

Esekiyeli 18:31

Ali fata kuu jawoolu la ali ka mennu bee ke. Ali ye i miira kutake, aniŋ ali ye ali sondomoolu faliŋ. Hee Banisirayilankoolu! Muŋ ne ye a tinna ali lafita ka faa?

Matiyu 12:33

“Niŋ yiroo beteyaata, a diŋo be beteyaa la le, bari niŋ yiroo maŋ beteyaa, a diŋo te beteyaa la. Bayiri yiroo ka loŋ a diŋo le la.

Matiyu 14:8

Sunkutoo baamaa ye a sukusuku, fo a naata ka Herodi daani ko, “Yaayaa Batiseerilaa kuŋo dii n na palaatoo kaŋ jaŋ.”

Maaka 7:4

Niŋ ì bota naŋ marisewo to, ì buka domoroo ke, fo niŋ ì ye ì faŋ seneyandi. Aduŋ ì ka aada kuu jamaa le nooma, mennu mu mindaŋ pooti seneyandoo ti, tabirilaŋ dumboolu aniŋ jaawali keraŋolu.

Luka 11:39

Wo to le Maariyo ko a ye ko, “Alitolu Farisewolu, ali ka mindaŋo niŋ booloo banta le kuu: bari ali sondomoolu be faariŋ suuñaaroo niŋ kuruŋyaa le la.

Luka 6:45

Moo betoo ka kuu betoolu le bondi a sondomoo kono, meŋ be faariŋ beteyaa la. Wo ñaa kiliŋo la moo jawoo ka kuu jawoolu le bondi a sondomoo kono, kaatu sondomoo be faariŋ meŋ na, daa ka wo le fo.

2 Korintinkoolu 7:1

N kanuntewolu, baawo ŋà ñiŋ laahidoolu soto le, wo to ǹ si m faŋolu seneyandi feŋ-wo-feŋ to, meŋ ka baloo niŋ sondomoo nondi. Ali ŋà ǹ na seneyaa timmandi Alla ñaasilaŋo kono.

Hiburunkoolu 10:22

wo to ali ŋà sutiyaa Alla la niŋ sondome betoo la, meŋ be faariŋ lannoo la, dankeneyaa kono. A yeloo sariŋ-sariŋo si ǹ sondomoolu seneyandi fo ì kana ǹ tuumi noo feŋ na, aduŋ m̀ balajaatoolu si kuu niŋ jii senuŋo la.

Yankuba 4:8

Ali sutiyaa Alla la, aduŋ a fanaa be sutiyaa la ali la le. Alitolu junubelaalu, ali ali buloolu kuu! Hakilifulatiyolu, ali ali sondomoolu seneyandi!