Matiyu 23:12 - Mandinka Bible

¹² Moo-wo-moo meŋ ye a faŋ sikandi, wo maarii be jindi la le. Aduŋ moo-wo-moo meŋ ye a fammajii, wo maarii be sikandi la le.

Matiyu 23:12 Mawu Ofanana

Yuuba 22:29

Ate Alla le ka faŋ wara moolu la kuwo jindi, a ye fammajiilaalu maakoyi.

Jabuuroolu 138:6

Yaawe warata ñaa-wo-ñaa, a ka fammajiilaalu hati le, bari a ka faŋ waralaalu kekuwolu loŋ ne ka bo jamfa jaŋo to.

Kuma Kotoomaalu 15:33

Yaawe ñaasilaŋo ka moo karandi ñaameŋo le la, janniŋ moo ka buuñaa soto, fo a ye a fammajii foloo.

Kuma Kotoomaalu 29:23

Moo la faŋ waroo le ka a jindi, bari moo meŋ ye a fammajii, a ka buuñaa soto le.

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Matiyu 18:4

Moo-wo-moo meŋ ye a fammajii ko ñiŋ dindiŋo, wo maarii le la kuwo warata moolu bee ti Arijana mansabaayaa kono.

Matiyu 5:3

“Barakoo be moolu ye, mennu maŋ wasa Nooroo la, ì ye meŋ soto, kaatu ì taa le mu Arijana mansabaayaa ti.

Luka 14:11

Kaatu moo-wo-moo meŋ ye a faŋ sikandi, wo be jindi la le. Aduŋ moo-wo-moo meŋ ye a fammajii, wo be sikandi la le.”

Luka 18:14

Ŋa a fo ali ye, ñiŋ duwaañoo le tilindiŋo taata a la suwo kono, diina wo Farisewo ti. Kaatu moo-wo-moo meŋ ye a faŋ sikandi, a be jindi la le. Aduŋ moo-wo-moo meŋ ye a fammajii, a be sikandi la le.”

Yankuba 4:6

Bari Alla ye hiinoo meŋ dii, wo ka tu kafu la le doroŋ. Wo kamma la, a be safeeriŋ ne ko: “Alla ka balaŋ faŋ wara moolu ma le, bari a ka hiina moolu la le, mennu ye i fammajii.”

1 Pita 5:5

Wo ñaa kiliŋo la, alitolu fondinkewolu, ali soŋ alifaalu ma. Ali ye i fammajii ñoo ye. Ali bee si wo fammajiyo duŋ ali la feetoofatoo ti, kaatu “Alla ka balaŋ faŋ wara moolu ma le, bari moolu mennu ye i fammajii, a ka hiina wolu ma le.”

1 Pita 5:6

Ali ali fammajii Alla sembemaa baa ye, fo a si ali sikandi a waatoo la.