Matiyu 22:12 - Mandinka Bible

¹² A ko a ye ko, ‘N teeri, i dunta jaŋ ñaadii le, i maŋ maañoobiti feŋolu duŋ?’ Kewo be deyiriŋ.

Matiyu 22:12 Mawu Ofanana

Yuuba 5:16

Wo ñaama, fuwaaroolu si jikoo soto, tilimbaloo ye a daa soroŋ ñoo bala.

Jabuuroolu 107:42

Moo tilindiŋolu le ka ñiŋ kuwo kalamuta, ì ye seewoo, aduŋ moo jawoolu buka fotaa soto.

Yeremiya 2:23

A ko: “I si a fo noo ñaadii le ko, i maŋ i faŋ kosondi, ko i maŋ bula Baali jalaŋo nooma ka i faŋ kosondi? A juubee, i ka maañaa meŋ ke wulumbaŋo kono, i ye i miira i ye kuwolu mennu ke. I ka munta le ñonkome yeerewo, waamoo ye meŋ maa, a be boriŋ-boriŋ na taariŋ,

Yeremiya 2:26

Yaawe ko: “Ko maloo ka laa suŋo kaŋ ñaameŋ niŋ ì ye a muta, maloo be laa la Banisirayila kaŋ wo le ñaama. Itolu, ì la mansoolu, mansakundaa dookuulaalu, piriisoolu, aniŋ annabiyomoolu,

Matiyu 20:13

Bari a ye moo kiliŋ jaabi ì kono ko, ‘N teeri, m maŋ tapaleeyaa kuwo ke i la. Fo i niŋ m maŋ kambeŋ denaari kiliŋ ne la baŋ?

Matiyu 26:50

Yeesu ko a ye ko, “N teeri, i naata meŋ na, wo ke.” Bituŋ ì ñapita Yeesu kaŋ, ì ye a muta.

Matiyu 5:20

“Ŋa a fo ali ye le, fo niŋ ali la tiliŋo tambita Luwaa karammoolu* niŋ Farisewolu* taa la, niŋ wo nte ali te duŋ na Arijana mansabaayaa kono.

Roomankoolu 3:19

Ŋà a loŋ ne ko, Musa la Luwaa* ye feŋ-wo-feŋ fo, a ye a fo moolu le ye, mennu be Luwaa koto, fo moo-wo-moo daa si muta, aduŋ duniyaa bee si tara Alla la kiitiyo koto.

1 Korintinkoolu 4:5

Wo to, ali kana kiitiyo laa moo-wo-moo kaŋ, janniŋ waatoo be sii la. Ali Maariyo la naa batu, aduŋ a be feŋolu fintindi la maloo kono le, mennu be maaboriŋ diboo kono. Ate le be miiroolu waañaari la, mennu be hadamadiŋolu sondomoolu kono. Bituŋ moo-wo-moo be jayiroo soto la Alla bulu le, a ñanta meŋ soto la.

Titus 3:11

Ite si ñiŋ kalamuta ko, wo moo siifaa hakiloo nakarita le. A mu junubekelaa le ti, aduŋ a ye a faŋ halaki le fokabaŋ.

1 Samuweli 2:9

A be a la moo kendoolu kanta la ì la siloolu kaŋ ne, bari moo jawoolu be tara la deyiriŋ diboo le kono. Moo faŋo semboo buka a samba ñaato.