Matiyu 19:8 - Mandinka Bible

⁸ Yeesu ko ì ye ko, “Ali la sondome jaa le ye wo saabu, Musa sonta ali ye ali la musoolu bula. Bari foloodulaa to a maŋ tara wo ñaama.

Matiyu 19:8 Mawu Ofanana

1 Musa 2:24

Wo kamma la, kewo ka a baa niŋ a faa bula jee le, a niŋ a la musoo ye naki ñoo la, ì ye ke balajaata kiliŋ ti.

1 Musa 7:7

Nuha niŋ a dinkewolu niŋ a la musoo, aniŋ a dinkewolu la musoolu taata duŋ kuluŋo kono, ka tanka waamoo ma.

Jabuuroolu 95:8

“Ali kana ali sondomoolu jandi komeŋ ali la alifaa foloolu, mennu balanta m ma Meriba, waatoo meŋ ì be keñewuloo* kono Masa.

Yeremiya 6:16

Yaawe ye ñiŋ ne fo ko: “Ali loo sila fatoolu to, ali ye juubeeroo ke, ali sila kotoolu la kuu ñininkaa, ali ye ñininkaari ke sila betoo la, ali ye taama a la, wo to le ali niyo si dahaa soto. Bari ali ko ali te wo le ke la.

Jakariya 7:12

Ì ye ì jusoolu jandi ko beroo. Ì maŋ soŋ ka ì tuloo tu luwaa niŋ yaamaroolu to, n na Nooroo ye mennu dii nuŋ annabiyomoolu la ka ì bankee. Wo le ye a tinna nte Yaawe Alihawaa Maariyo kamfaabaata ì kamma.

Matiyu 19:7

Wo to le ì ye a ñininkaa ko, “Saayiŋ, muŋ ne ye a tinna Musa ye yaamaroo dii kewo la ka futuubaŋ kayitoo dii a la musoo la, a si naa a bula ka taa?”

Matiyu 19:9

Ŋa a fo ali ye, moo-wo-moo meŋ ye a la musoo bula, a maŋ ke ko a la musoo ye jeenoo le ke, a naata taa musu doo futuu, wo maarii ye jeenoo le ke.”

Matiyu 3:15

Bari Yeesu ye a jaabi ko, “A ke n ye saayiŋ. A beteyaata ntolu to le ka Alla la lafoo bee ke a ñaama.” Wo to le a naata soŋ.

Matiyu 8:31

Bituŋ seetaani jawoolu ye a daani, ì ko, “Niŋ i ye m̀ bayi banta, wo to i si m̀ bayi wo seewu koorewo kono.”

Maaka 10:5

Bari Yeesu ko ì ye ko, “Ali la sondome jaa le ye wo saabu, a ye ñiŋ yaamaroo safee ali ye.

Maaka 16:14

Wo koolaa Yeesu fintita a la saayibe taŋ niŋ kiliŋo kaŋ, waatoo meŋ na ì be domoroo la taabuloo to. A ye ì jalayi ì la lannabaliyaa niŋ ì la sondome jaa la, kaatu ì maŋ laa moolu la, mennu ye a je, biriŋ a wulita saayaa kono.

1 Korintinkoolu 7:6

Ŋa ñiŋ fo yaamaroo le kamma, a maŋ ke luwaa ti.

1 Samuweli 25:43

Dawuda ye Ahinowamu, meŋ bota Yesireeli, fanaa futuu le, aduŋ ì bee keta a la musoolu le ti.