Matiyu 15:9 - Mandinka Bible

⁹ Ì ka m batu kensenke le, kaatu ì la karandiroo mu yaamaroolu le ti, hadamadiŋolu ye mennu dadaa.’ ”

Matiyu 15:9 Mawu Ofanana

Jabuuroolu 39:6

Hadamadiŋo buka mee baluuriŋ, a be le ko niiniyo, a la matimatoo mu kenseŋ ne ti. Moo ka naafuloo kafu ñoo ma le, bari a buka a loŋ meŋ taa be ke la a ti.

Jabuuroolu 73:13

Nte ŋa n sondomoo loo kuu senuŋo kaŋ ne kensenke, aduŋ m maŋ baara junuboo la.

2 Musa 20:7

Ali kana nte Yaawe ali la Alla too fo kuu kuruŋolu kunna, kaatu n te moo-wo-moo le tu la jee, meŋ ye n too fo kuu kuruŋo kunto.

Yesaya 29:13

Yaawe ko: “Ñiŋ moolu ka m batu ì daalu doroŋ ne la, ì ka m buuñaa ì neŋ kolomoo doroŋ ne la, bari ì sondomoolu jamfata n na le. Niŋ ì be m batu la, ì ka bula hadamadiŋolu la yaamaroo le nooma, ì ye meŋ karaŋ ì kuŋ fee.

3 Musa 26:16

m be ñiŋ kuwolu le ke la ali la: M be kasaaroo le jindi la ali kaŋ loodulaa kiliŋ, ka taa jankaroo, aniŋ kajewo meŋ ka ñaa dibindi, meŋ be ali suusuu la fo ali la baluwo ye baŋ. Ali si ali la fiifeŋolu fii kensenke, nafaa te tara la ali ye jee, kaatu ali jawoolu le be naa a domo la.

3 Musa 26:20

Ali be ali semboo bo la kensenke le, kaatu ali la bankoo te fiifeŋ bondi la, aduŋ a yiroolu te diŋ na.

Malaki 3:14

“Ali ye ñiŋ ne fo ko, ‘Alla batoo maŋ nafaa soto. Muŋ nafaa le be ǹ ye jee, ka tara bulariŋ a la yaamaroolu nooma, aniŋ ka tara taa kaŋ Yaawe Alihawaa Maariyo ñaatiliŋo la ko saŋawoosiilaalu?

Matiyu 15:10

Wo to le Yeesu ye moolu kumandi a faŋ kaŋ, a ko ì ye ko, “Ali ì lamoyi aniŋ ali ye n na kumoolu fahaamu.

Maaka 7:7

Ì ka m batu kensenke le, kaatu ì la karandiroo mu yaamaroolu le ti, hadamadiŋolu ye mennu dadaa.’

1 Korintinkoolu 15:2

Ali la kiisoo be jee le to, niŋ ali ye kibaari betoo muta ali bulu fuloo la, ŋa meŋ kawandi ali ye. Niŋ wo nte, ali la lannoo maŋ nafaa soto ali ye.

5 Musa 12:32

Ali si kuwolu bee ke a ñaama, ŋa ali yaamari mennu la. Ali kana feŋ lafaa ì kaŋ waraŋ ka feŋ talaa ì to.

1 Timoti 1:4

I si a fo ì ye, ì kana tara tuukuriŋ taaliŋ kenseŋolu niŋ bonsuŋ saatari bambaloo kaŋ, mennu ka ñoosaboo naati, bari ì buka Alla la dookuwo yiriwandi, meŋ be dendiŋ lannoo la.

Titus 1:14

Ì kana tara tuukuriŋ kotenke Yahuudoolu la taaliŋ kenseŋolu la, aniŋ moolu la luwaalu, mennu ye ì koo dii tooñaa la.

Hiburunkoolu 13:9

Ali kana soŋ karandiri kuta siifaa bee la, kaatu ì jamaa ka ali filindi le. A beteyaata le, ǹ sondomoolu ye bambandi niŋ Alla la hiinoo la, a kana ke yaamaroolu ti domori kuwolu to. Wolu buka nafaa soto moolu ye, mennu ka ì nooma.

Yankuba 2:20

Ite moo kalantaŋo! Fo n ñanta a yitandi la i la le ko, lannoo meŋ maŋ kebaaroolu soto, nafaa te wo la?

Lankenemoo 22:18

Nte Yohana, m be moolu bee dandalaa la, mennu ye ñiŋ kitaaboo la kiilaariyaa kumoolu moyi. Niŋ moo-wo-moo ye feŋ kafu kumoolu kaŋ, mennu be a kono, Alla be wo la mantoora kuwolu kafu la le, mennu safeeta ñiŋ kitaaboo kono.

1 Samuweli 25:21

Saayiŋ ne Dawuda bota a fo la ko, “Ŋa kantoo meŋ ke wo kewo la naafuloo la keñewuloo kono, fo feŋ maŋ fili, wo bee maŋ nafaa soto n ye. A ye n na ñiiñaa joo n ye jawuyaa le la.