Matiyu 15:18 - Mandinka Bible

¹⁸ Bari feŋolu mennu ka bo daa kono, wolu le ka bo sondomoo kono, aduŋ wolu le ka moo kosondi.

Matiyu 15:18 Mawu Ofanana

Jabuuroolu 36:3

A daakumoolu mu kuruŋyaa niŋ neeneeroo le ti. A ye a koo dii ñiŋ na le ka ñaameŋ kuwo ke, aniŋ kuu kendoo.

Kuma Kotoomaalu 10:32

Moo tilindiŋolu ka a loŋ ne, kumoolu mennu diyaata moolu ye, bari moo kuruŋolu ka kuma jawoolu doroŋ ne fo.

Kuma Kotoomaalu 15:2

Moo ñaamendiŋo la kumoo ka londoo la kuwo diyandi moolu ye le, bari toolewo daakumoo ka ke kuu kuntaŋo doroŋ ne ti.

Kuma Kotoomaalu 15:28

Moo tilindiŋo ka miirali ke a jaabiriñaa la le, bari moo kuruŋo daakumoo ka ke kuma jawuyaariŋo doroŋ ne ti.

Kuma Kotoomaalu 4:23

I sondomoo kanta ka tambi feŋo bee la, bayiri ate le mu duniyaa sambaraŋo ti.

Kuma Kotoomaalu 6:12

Moo nafantaŋo niŋ moo kuruŋo, ì ka tu yaayi la le ka faniyaa fo,

Matiyu 12:34

Alitolu daŋari koorewo! Alitolu moo jawoolu si kuma betoo fo noo ñaadii le? Sondomoo be faariŋ meŋ na, daa ka wo le fo.

Matiyu 15:11

Meŋ dunta moo daa kono, wo buka moo kosondi, bari meŋ bota moo daa kono, wo le ka moo kosondi.”

Matiyu 15:17

Fo ali maŋ a loŋ baŋ, feŋ-wo-feŋ, meŋ dunta daa kono, wo ka tambi konoo le kono, aniŋ a ye finti banta?

Maaka 7:20

Bituŋ a ko ì ye ko, “Meŋ bota naŋ moo kono, wo le ka a kosondi.

Luka 19:22

Wo to le mansa ko wo dookuulaa ye ko, ‘Ite dookuulaa nafantaŋo! M be i kiitindi la i faŋo la kumoolu le la. Ite ye a loŋ ne ko, nte mu kee saŋarariŋo le ti. Ite ye a loŋ ne, n ka n tinee feŋolu le la, m maŋ mennu dookuu, aduŋ n ka katiroo ke dulaa to le, m maŋ fiiroo ke daameŋ.

1 Samuweli 24:13

Kuma kotoomaa meeriŋo ye ñiŋ ne fo ko, ‘Moo jawoolu doroŋ ne ka kuu jawoolu ke.’ Bari nte buloo te i maa la.