Matiyu 12:10 - Mandinka Bible

¹⁰ Kewo doo tarata jee, meŋ buloo faata. Bituŋ ì ye Yeesu ñininkaa, fo ì si a tuumi noo ko, “Fo Luwaa sonta le baŋ ka moo kendeyandi Loobula Luŋo la?”

Matiyu 12:10 Mawu Ofanana

Yesaya 32:6

Kaatu toolewo ka tooleeyaa diyaamoo le ke, aduŋ a sondomoo ka tara feeroo le siti kaŋ, ka kuu jawoo baara. A buka tara Alla la kuu to, aduŋ a ka kuu sotobaloo le fo Yaawe* la karoo la. A ka konkotoo konkoriŋo tu jee le, a ka mindootoo bali jiyo la.

Yesaya 59:13

Ŋà balaŋo niŋ jamfaa le ke Yaawe la karoo la, ka ǹ koo dii ǹ na Alla la, ka tilimbaliyaa kuwolu wulindi, aniŋ ka muriti, ka feeroo siti ka faniyaa fo.

Yesaya 59:4

Moo buka kiitiyo kuntu a ñaama, waraŋ ka a la kuwo samba luwaa ñaatiliŋo la niŋ siloo la. Ì ka laa diyaamu kenseŋo le la, aniŋ faniyaa foo. Fitina kuwo le ka tara ì kono, a ye naa kuu kuruŋo wuluu.

Jakariya 11:17

“Kooroo be kantarilaa nafantaŋo ye, meŋ ye i bo koorewo to. Keloo si i semboo baŋ, a ye i bulubaa ñaa kasaara. I buloo si baki, i bulubaa ñaa ye finki.”

Matiyu 12:2

Farisee doolu ye wo je, ì ko a ye ko, “A juubee, i la saayiboolu ka kuwo ke, Luwaa ye meŋ haraamuyandi ka a ke Loobula Luŋo la!”

Matiyu 19:3

Wo to le Farisewolu* naata a kaŋ ka a kotobo, ì ye a ñininkaa ko, “Fo Luwaa sonta ñiŋ na le baŋ, kewo ye a la musoo bula daliila-wo-daliila kaŋ?”

Maaka 3:2

Farisewolu* tarata Yeesu koroosi kaŋ, fo a be a kendeyandi la le Loobula Luŋo la, fo ì si siloo soto ka a tuumi.

Luka 11:54

aduŋ ì be a batu kaŋ, fo ì si a muta noo a la kumoolu kono.

Luka 13:14

Kabiriŋ diina bendulaa kuntiyo ye a je, Yeesu ye musoo kendeyandi Loobula Luŋo la, a kamfaatoo ko moolu ye ko, “Tili wooro le be jee, moolu ñanta dookuwo ke la mennu la. Ali si naa wo luŋolu la ka jaatikendeyaa soto, bari ali kana naa Loobula Luŋo la.”

Luka 20:22

Fo ñiŋ mu siloo le ti baŋ, ka naamoo joo Rooma bankoo la mansa* yaa, waraŋ fo siloo nte?”

Luka 23:14

a ko ì ye ko, “Alitolu le ye ñiŋ kewo samba naŋ n kaŋ, kaatu ali ko, ate le ka moolu sukusuku. A fele, ŋa a la kuwo kisikisi ali ñaa la le, bari nte maŋ sootaari je a bala kuwolu to, ali ye a tuumi mennu la.

Luka 23:2

Ì ye a dati ka a tuumi ko, “Ŋà ñiŋ kewo muta, a be ǹ na banku moolu bee sukusuku kaŋ ka m̀ bali naamujoo la Rooma bankoo la mansa* yaa, aduŋ a ko fanaa, ate le mu Alimasiihu* ti, Mansoo.”

Yohana 5:10

Wo kamma la Yahuudoolu ko kewo ye meŋ kendeyaata ko, “Bii mu Loobula Luŋo le ti. Luwaa maŋ soŋ, i ye i la basoo samba.”

Yohana 5:3

Kuurantoo jamaa le be laariŋ nuŋ jee, wolu kono finkintewolu, namatoolu aniŋ lanjuurutoolu.

Yohana 7:23

Niŋ kewo si sunna noo Loobula Luŋo la, fo Musa la Luwaa* kana tiñaa, wo to muŋ ne ye a tinna alitolu kamfaata nte kamma, kabiriŋ ŋa moo baloo bee kendeyandi Loobula Luŋo la?

Yohana 8:6

Ì ye ñiŋ fo le ka Yeesu kotobo, fo ì si a tuumi noo ñaameŋ. Wo to le Yeesu jimita duuma. A ye safeeroo ke niŋ a bulukondiŋo la bankoo to.

Yohana 9:16

Wo to le Farisewolu doolu ko, “Ñiŋ kewo maŋ bo Alla yaa, kaatu a maŋ Loobula Luŋo muta.” Bari doolu ko, “Junubekelaa si ñiŋ ñoŋ kaawakuwolu ke noo ñaadii le?” Bituŋ kannawaaliyo naata ke ì teema.