Matiyu 1:6 - Mandinka Bible

⁶ Yese ye Mansa Dawuda wuluu. Dawuda le ye Sulemani wuluu, meŋ baamaa mu nuŋ Uriya la musoo ti.

Matiyu 1:6 Mawu Ofanana

2 Samuweli 11:3

Bituŋ a ye kiilaa kii, ka taa a juubee meŋ mu. Kiilaa ñiŋ naata a tara ko, “Batiseba le mu, Eliyamu dimmusoo, aduŋ Uriya Hitinkoo la musoo le mu.”

2 Samuweli 23:1

Ñinnu le mu Dawuda la kuma labaŋolu ti: Yese dinkewo Dawuda la kumoo, moo meŋ Alla ye a buuñaa, la kumoo, Yaakuba la Alla ye moo meŋ tomboŋ, Banisirayilankoolu la suukuu diimaa laalaa.

2 Samuweli 23:39

aniŋ Uriya Hitinkoo. Ì bee kaañanta moo taŋ saba niŋ woorowula le fee.

1 Mansoolu 15:5

Kaatu Dawuda baarata kuu tilindiŋolu le la Yaawe ñaa koto, aduŋ a maŋ balaŋ ka Yaawe la yaamari kiliŋ muta a la baluwo bee kono, niŋ a maŋ ke Uriya, Hitinkoo la kuwo dammaa ti.

1 Taarika 11:41

Uriya Hitinkoo, Sabadi Aalayi dinkewo,

1 Taarika 14:4

Dawuda ye diŋolu mennu wuluu jee, ì toolu le mu ñinnu ti: Sammuwa, Sobabu, Natani, Sulemani,

1 Taarika 2:15

Osemu keta wooronjaŋo ti, bituŋ Dawuda le keta woorowulanjaŋo ti.

1 Taarika 28:5

“A ye n harijee dinkee jamaa le la, aduŋ wolu kono, a ye Sulemani le tomboŋ ka Banisirayila mara, a faŋo la moolu.

1 Taarika 3:5

A ye diŋolu mennu wuluu Yerusalaamu, wolu le mu: Simeya, Sobabu, Natani aniŋ Sulemani. A ye ñiŋ diŋ naanoo bee wuluu Batiseba le la, Ammiyeli dimmusoo.

Jabuuroolu 72:20

Yese dinkewo Dawuda la duwaaraŋo kumfaata jaŋ ne.

Yesaya 11:1

Yese koomalankoolu keta le ko yirijuu kuntoo, bari maralilaa be soroŋ na a bala le kotenke, a suloolu ye soroŋo fintindi, a ye diŋ.

Matiyu 1:5

Salimoni le ye Bowasi wuluu, meŋ baamaa mu Rahabu ti, aduŋ Bowasi le ye Obedi wuluu, meŋ baamaa mu Ruti ti. Obedi le ye Yese wuluu.

Roomankoolu 8:3

Luwaa maŋ meŋ ke noo hadamadiŋyaa la lamfoo kamma la, Alla ye wo le ke: A ye a Dinkewo kii naŋ niŋ hadamadiŋ muluŋo la, junuboo ye mennu mara, ka ke junube kafarilaŋo ti hadamadiŋolu bee ye. Wo siloo la, a ye junuboo la m̀ maroo semboo tiñaa

Ruti 4:22

Obedi le ye Yese wuluu, bituŋ Yese naata Dawuda wuluu.

1 Samuweli 16:1

Yaawe* ko Samuweli ye ko, “I be tu la i miira la Sawulu la kuwo la fo waati jumaa le? Ŋa a bondi Banisirayilankoolu la mansayaa to le. Bari saayiŋ tuloo fandi i la binoo kono, i ye taa Betilehemu. Taa kewo yaa jee, meŋ too mu Yese ti, kaatu a dinkewolu kono, ŋa moo kiliŋ ne tomboŋ, ka a ke mansa ti.”

1 Samuweli 17:12

Dawuda le keta Yese Efuratankoo* dinkewo ti. Yese bota Betilehemu saatewo le to, meŋ tarata Yahuuda bankoo kaŋ. Yese ye dinkee seyi le soto. Kabiriŋ Sawulu be mansayaa la waatoo meŋ na, wo ye a tara le, Yese kotoota baake.

1 Samuweli 17:58

Sawulu ye a ñininkaa ko, “Fondinkewo, jumaa le dinkewo mu ite ti?” Dawuda ko, “Nte mu Yese dinkewo le ti, i la dookuulaa, meŋ be Betilehemu.”

1 Samuweli 22:8

Fo wo le ye a tinna ali bee ye n jamfaa baŋ? Moo-wo-moo le maŋ a fo n ye, kabiriŋ n dinkewo niŋ Yese dinkewo be kambeŋo siti kaŋ. Aduŋ moo maŋ balafaa n ye, waraŋ ka a fo n ye ko, ‘I dinkewo le ye i la dookuulaa so semboo la ka i faa,’ ko a pareeta meŋ ke la bii.”