Malaki 4:2 - Mandinka Bible

² Bari alitolu mennu ye n too kuliyaa, wo luŋo la tiliŋo be bo la ali ye le ko tiloo, a maloo ye ali jaara. Ali si sawuŋ-sawuŋ kontaanoo kamma la ko niŋ i ye ninsiriŋo bula, a be taa daañinoo la.

Malaki 4:2 Mawu Ofanana

2 Samuweli 23:4

a ka muluŋ ne ko tiloo boo foloo soomandaa, niŋ saŋo maŋ tawali soto luŋo meŋ na, a ka faramansa ñaameŋ, niŋ samaa teyita, meŋ ka ñaamoolu fintindi naŋ bankoo kono.”

Jabuuroolu 103:3

Ate le ka n na junuboolu bee kafari, aduŋ a ka n na kuuraŋolu bee kendeyandi.

Jabuuroolu 147:3

A ye moolu wakiilindi le mennu jikilateyita, aduŋ a ye ì la baramoolu jaara le.

Jabuuroolu 61:5

Kaatu ite Alla ye nte la laahidoolu moyi le, aduŋ i ye keetaafeŋo le dii n na, i ka meŋ dii moolu la mennu ye i kuliyaa.

Jabuuroolu 67:1

Alla, hiina ǹ ye, i ye neema m̀ ma, i ye i ñaa diyaa m̀ fee, S

Jabuuroolu 84:11

Yaawe Alla ka munta n ye le ko tiloo, aniŋ tankaraŋ koteeroo*, ate le ka hiina aniŋ ka horomoo dii. Moolu mennu baluuñaa maŋ sootaari soto, a buka wolu bali kuu kende la.

Jabuuroolu 85:9

A be koyiriŋ ne ko, a be pareeriŋ ne ka moolu kiisa mennu ye a kuliyaa, fo horomoo si tara a ye, ǹ na bankoo kaŋ.

Kuma Kotoomaalu 4:18

Moo tilindiŋo la siloo ka fanu le ko siilimboo meŋ ka fanu-fanu laalaa tiloo muumewo la.

Yesaya 30:26

Niŋ Yaawe be a la moolu la baramoo jaara la, ka bataariŋolu la dimiŋolu jaara, karoo si mala ko tiloo. Tiloo la maloo si lafaa ko siiñaa woorowula ko tili woorowula kemperiŋo maloo.

Yesaya 35:6

Lanjuurutoo si sawuŋ ko minaŋo, mumunewo ye denkiloo laa seewoo kono. Kaatu keñewuloo be faa la jiyo la le, wuloo bee ye ke boloŋo ti.

Yesaya 49:6

Saayiŋ, Yaawe ko n ye le ko, “I mu n na dookuulaa le ti, i be kuu le ke la, meŋ tambita ka Yaakuba lasiloolu seyindi ì ñaama, ka Banisirayila moo toomaalu murundi naŋ. M be i ke la bantala bankoolu* fanaa ye maloo le ti, i ye n na kiisoo samba duniyaa tonkoŋ naanoo bee to.”

Yesaya 50:10

Jumaa le be alitolu kono meŋ silata Yaawe la, aniŋ ka a la dookuulaa la yaamaroo muta? Moo meŋ be diboo kono a maŋ mala soto, ñanta dankeneyaa soto la Yaawe la le, a ye i tuuku Alla la.

Yesaya 53:5

Ǹ na junuboolu le ye a tinna, ì ye a baloo soo, ǹ na kuu kuruŋolu le ye a tinna, ì ye a baramaŋ-baramaŋ. Jaraboo meŋ laata a kaŋ, wo le ye kayiroo saabu ntolu ma, aduŋ a la baramoolu le ye ntolu kendeyandi.

Yesaya 9:2

Moolu mennu taamata diboo kono, ì ye mala baa je le. Mennu tarata dibi fiŋ diboo kono, maloo malata ì kaŋ ne.

Yeremiya 17:14

Hee Yaawe, n kendeyandi, n si kendeyaa keseŋ, n kiisa, n si kiisa burayi, kaatu ite le mu n na jayitaa ti.

Yeremiya 30:17

M be ali murundi la jaatikendeyaa to le, ŋa ali la dimiŋolu jaara.” Yaawe le ye a fo. “Kaatu ì ka ali wulubayi le ka a fo ko, Siyoni* moolu le mu, moo daa te mennu la kuu to.”

Yeremiya 33:6

“Wo ñaa-wo-ñaa m be jaaraloo niŋ kendeyaa naati la ñiŋ saatewo ye le. M be a tinna le ì ye ì faŋ je kayira baa niŋ yiriwaa kono.

Esekiyeli 47:12

Baa kara fuloo bee la, yirisuŋ siifaa jamaa le be faliŋ na jee. Aduŋ a yiroolu la diŋ waatoo nene te sawuŋ na ì la, ka ke moolu ye domotaa ti, a jamboolu nene te noro la. Ì be tu la diŋ na le kari-wo-kari, kaatu wo jiyo be woyi la naŋ ne ka bo naŋ dulaa senuŋo to. Ì yiridiŋolu be ke la domotaa le ti, ì jamboolu ye ke ì ye booroo ti.”

Hoseya 6:1

Moolu ko, “Ali naa, ŋà muru Yaawe* kaŋ, ate le ye ǹ dimindi, a be ǹ jaara la le. Ate le ye m̀ barama, a be ǹ kendeyandi la le.

Hoseya 6:3

Saayiŋ, ali ŋà ǹ na katoo daŋo bee ke, ka Yaawe loŋ, ka a la kuwo fahaamu. A be naa ǹ kaŋ ne, wo be koyiriŋ ne ko perekaanoo, a be naa la ǹ kaŋ ne ko, samaajiyo ka bankoo jiiboŋ ñaameŋ, samaa foloo niŋ samaa labaŋ jiyo.”

Malaki 3:16

Yaawe ñaasilannaalu diyaamuta ñoo ye a kuwo la le, aduŋ a ye ì lamoyi le, a ye ì la kumakaŋo moyi. Bituŋ moolu mennu silata a la, ì ye a kuliyaa, ì toolu naata safee kitaaboo kono, ka ke a ye hakili bulandiraŋo ti.

Matiyu 11:5

Finkintewolu ñaalu yeleta, namatoolu taamata, balajawutoolu kendeyaata, tulu sukiriŋolu ye moyiroo ke, furewolu wulita, aniŋ kibaari betoo kawandita fuwaaroolu ye.

Matiyu 23:37

“Ite Yerusalaamu, hee, ite Yerusalaamu! I la moolu ye annabiyomoolu faa le, aniŋ ì ye kiilaalu buŋ beroolu la ka ì faa. Siiñaa jelu le n lafita i la dindiŋolu kafu la ñoo ma m bala, ko siisee dimbaa ka a diŋolu kafu ñoo ma a dampaŋo koto ñaameŋ, bari ali buka soŋ!

Luka 1:50

A ka a la balafaa yitandi a ñaasilannaalu le la, ka bo jamaani ka taa jamaani.

Luka 1:78

Wo to Alla be balafaa yitandi la ǹ na le, maloo be naa ǹ kaŋ ne ka bo santo.

Luka 2:32

Ate le mu maloo ti ka siloo yitandi bantala bankoolu* moolu la. Ate le ye buuñaa naati Banisirayilankoolu ye, i la moolu.”

Yohana 1:14

Bituŋ Kumoo naata ke hadamadiŋo ti, a sabatita ntolu kono, aduŋ a be faariŋ hiinoo niŋ tooñaa le la. Ŋà a la semboo niŋ waroo je le, kaatu ate le mu Faamaa Dinkee kiliŋo ti.

Yohana 1:4

Baluwo be ate le kono, aduŋ baluwo mu moolu la maloo le ti.

Yohana 1:8

Ate faŋo maŋ ke maloo ti, bari a naata ka maloo la kuwo le seedeyaa.

Yohana 12:40

“Alla ye ì ñaalu finkindi le, a ye ì sondomoolu suki, fo ì kana fahaamuroo ke, sako ì si jeroo ke ì ñaalu la, fo ì si muru n kaŋ ka ì kendeyandi.”

Yohana 8:12

Yeesu diyaamuta moolu ye kotenke ko, “Nte le mu duniyaa la maloo ti. Moo meŋ ye nte nooma, wo maarii te taama la diboo kono, bari a be maloo le soto la meŋ ka baluwo dii.”

Yohana 9:4

Alla meŋ ye n kii, ǹ si a la dookuwo ke tiloo waatoo la, kaatu suutoo be naa le, moo te dookuwo ke noo la meŋ na.

Kiilaalu 13:26

“M baadiŋolu, mennu bota Iburayima bala, aniŋ moo koteŋolu mennu ye Alla ñaasilaŋo soto! Ñiŋ kiisoo kumoo kiita ntolu le kaŋ.

Kiilaalu 13:47

Maariyo ye ǹ yaamari le ko: ‘M be i ke la bantala bankoolu* fanaa ye maloo le ti, i ye n na kiisoo samba duniyaa tonkoŋ naanoo bee to.’ ”

Kiilaalu 26:18

I si ì ñaalu yelendi fo ì si bo diboo kono ka naa maloo kono, ka bo Seetaanoo* la maraloo kono ka naa Alla kaŋ. Wo to le ì be junube yamfoo soto la, aniŋ niyo moolu kono, mennu naata seneyaa kaatu ì laata nte la.’

2 Tesalonikankoolu 1:3

Baadiŋolu*, a be beŋ na le, a mu hani ñantoo le ti ntolu kaŋ, ka Alla tentu ali la kuwo to waati-wo-waati, kaatu ali la lannoo be yiriwaa kaŋ baake le, aduŋ ali kiliŋ-kiliŋ naa la ñoo kanoo be kafu kaŋ ne.

2 Pita 1:19

Wo ye annabiyomoolu la kumoo le bambandi, ì ye meŋ fo a la kuwo to. Niŋ ali ye wo kumoo muta, wo mu kuu kendoo le ti ali ye. A si ke ali ye lampoo ti, meŋ si tu siloo bitaa la ali ye, diboo kono fo subaa waatoo, Subaalooloo be finti la waatoo meŋ na ka maloo dii ali sondomoo kono.

2 Pita 3:18

Wo noo to, ali si yiriwaa m̀ Maarii niŋ ǹ na Kiisandirilaa Yeesu Kiristu* la hiinoo niŋ a loŋo kono. Tenturoo niŋ jayiroo be ate le ye, saayiŋ aniŋ fo abadaa. Amiin.

1 Yohana 2:8

Bari kara doo la, m be yaamari kutoo le safee kaŋ ali ye, ate naata meŋ yitandi tooñaa ti, aduŋ a mu tooñaa ti alitolu fanaa fee. Diboo be bo kaŋ ne, aduŋ mala tooñaa be mala kaŋ ne fokabaŋ.

Lankenemoo 11:18

Nasiyoŋolu kamfaata le, bari ite la kamfaa baa, wo ye dandulaa ke ì la le. Waatoo siita le ka furewolu kiitindi. Waatoo siita le ka i la dookuulaalu joo, i la annabiyomoolu aniŋ i la moo senuŋolu. Waatoo siita le ka moolu joo, mennu ka i too buuñaa, biriŋ moondiŋ fo moo baa, aniŋ ka moolu kasaara mennu ye kasaaraloo ke duniyaa kono.”

Lankenemoo 2:28

M be Subaalooloo dii la a la le.

Lankenemoo 22:16

“Nte Yeesu le ye n na malaayikoo kii i kaŋ, ka ñiŋ kuwolu seedeyaa n na kafoolu ye taariŋ. Nte le bota Mansa Dawuda bala, aniŋ nte le mu Dawuda koomalankoo ti. Nte le mu Subaalooloo diimaa ti.”

Lankenemoo 22:2

A be woyi kaŋ saatewo mbeedoo teema. Yiroo be looriŋ jee, meŋ ka baluwo dii, a buloolu futata boloŋo karoo bee la. A ka diŋ siiñaa taŋ niŋ fula saŋo kono, kari-wo-kari a ka diŋ ne, aduŋ a jamboolu be ke la kendeyandiraŋo le ti nasiyoŋolu ye.

Ruti 2:12

I ye meŋ ke, Allamaa Yaawe ye i joo a la. Allamaa Yaawe ye i joo jooñaa senuŋ na, Banisirayilankoolu la Alla, i naata i faŋ karafa meŋ ma.”