Malaki 3:8 - Mandinka Bible

⁸ “Fo moo ñanta le ka Alla suuñaa baŋ? Bari alitolu wo de, alitolu ye n suuñaa le. “Bari ali ye ñiŋ ne fo ko, ‘Ntolu si ite suuñaa noo ñaadii?’ “Ali ka a ke ali la jakoolu le to, aniŋ ali la sadaa koteŋolu.

Malaki 3:8 Mawu Ofanana

Jabuuroolu 29:2

Ali Yaawe jayi a semboo niŋ a too la waroo kaŋ, ali Yaawe batu, a la kallankeeyaa niŋ a la seneyaa kono.

Kuma Kotoomaalu 11:24

Doo ka sooroo ke le waati-wo-waati, hani wo, a la naafuloo ka tu siyaariŋ, bari doo buka sooroo ke muumeeke, a ka naa labaŋ fuwaareyaa la.

Yesaya 43:23

Ali maŋ saajiyo naati n ye ka a ke jani sadaa* ti, waraŋ ka m buuñaa ali la beeyaŋ sadaa koteŋolu la. M maŋ siimaŋ sadaa dunoo laa ali kaŋ, waraŋ ka ali batandi cuuraayi siisindi la.

3 Musa 19:25

Bari sanji luulunjaŋo la, ali si ì diŋolu domo noo le. Niŋ ali ye a ke wo ñaama, ali la fiifeŋolu be wuluu la kendeke le. Nte le mu Yaawe ali la Alla ti.

Jakariya 5:3

Bituŋ a ko n ye ko, “Yankankatoo le be safeeriŋ a bala bankoo moo bee ye. Moo-wo-moo meŋ ka suuñaaroo ke, a be kasaara la le, ko a be safeeriŋ ñiŋ kitaaboo kara kiliŋo la ñaameŋ. Aduŋ moo-wo-moo meŋ ka i kali faniyaa kaŋ, a be kasaara la le, ko a be safeeriŋ ñiŋ kitaaboo kara kiliŋ doo la ñaameŋ.

Malaki 1:13

Ali kumata ko, ‘Ñiŋ bataa juubee.’ Ali maŋ nte Yaawe Alihawaa Maariyo kuliyaa. Ali ye suuñaari beeyaŋolu samba naŋ ne, beeyaŋ lanjuurutoolu, beeyaŋ kuurantoolu, ali ye ñinnu le samba naŋ sadaa ti. Fo nte Yaawe ñanta ñinnu muta la ali ye le baŋ?

Malaki 1:8

Niŋ ali ye beeyaŋ finkiriŋo samba naŋ sadaa* ti, fo wo mu kuu kende le ti baŋ? Niŋ ali ye beeyaŋ lanjuurutoo, waraŋ beeyaŋ kuurantoo samba naŋ sadaa ti, fo wo mu kuu kende le ti baŋ? Ali ñiŋ ke ali la maralilaa la, ali ye a juubee fo a be kontaani la a la le baŋ? Fo a be ali la kuwo muta la feŋ ne ti baŋ?” Yaawe Alihawaa Maariyo le ye a fo.

Matiyu 22:21

Ì ye a jaabi ko, “Rooma bankoo la mansa le mu.” Wo to le a ko ì ye ko, “Meŋ mu mansa taa ti, ali wo dii mansa la. Meŋ mu Alla taa ti, ali ye wo dii Alla la.”

Maaka 12:17

Bituŋ Yeesu ko ì ye ko, “Meŋ mu mansa taa ti, ali wo dii mansa la. Meŋ mu Alla taa ti, ali ye wo dii Alla la.” Ì bee jaakalita a la jaabiroo la.

Luka 20:25

Bituŋ Yeesu ko ì ye ko, “Wo to, meŋ mu mansa taa ti, ali wo dii mansa la. Meŋ mu Alla taa ti, ali ye wo dii Alla la.”

Roomankoolu 13:7

Ali jooroo ke moo-wo-moo la ko a ñanta ñaameŋ. Niŋ naamu kaninnaa le mu, a joo a yaa, niŋ duwaañoo le mu, a joo. Moo buuñaa, meŋ ñanta buuñaa la, aniŋ i si moo horoma, meŋ ñanta horoma la.

Roomankoolu 2:22

I ko, moo kana jeenoo ke, bari muŋ ne ye a tinna i faŋo ka jeenoo ke? I ye jalaŋolu koŋ, bari fo i buka suuñaaroo ke wo jalaŋ batudulaalu kono baŋ?

Yosuwa 7:11

Banisirayilankoolu ye junube kuwo le ke. Ì ye kambeŋo le tiñaa n niŋ ì teema, ŋa ì yaamari meŋ na, ka a muta. Ì ye feŋo doolu taa le, ì ñanta mennu kasaara la. Ì ye ì kafu ì la sotofeŋolu ma. Ì ye suuñaaroo le ke, ì ye faniyaa fo.