Malaki 3:6 - Mandinka Bible

⁶ “Nte Yaawe, m maŋ faliŋ de, aduŋ ali fanaa maŋ i dahaa ali la Yaakuba koomalankayaa la.”

Malaki 3:6 Mawu Ofanana

1 Musa 15:18

Wo luŋ ne mu, Yaawe ye kambeŋo londi a niŋ Iburama teema ka a fo a ye ko, “Ŋa ñiŋ bankoo dii i koomalankoolu la le, ka bo Misira Wulumbaŋo bala, ka taa fo boloŋ baa bala, meŋ mu Yufurati Boloŋo ti.

1 Musa 15:7

Bituŋ Yaawe ko a ye ko, “Nte le mu Yaawe ti, meŋ ye i ñaatonkayaa ka bo Uri Kalideyankoolu la saatewo to, ka ñiŋ bankoo dii i la ka ke i taa ti.”

1 Musa 22:16

a ko a ye ko, “Yaawe ye ñiŋ ne bankee ko, ‘N kalita m faŋo le la i la ñiŋ kuwo kewo kaŋ: bayiri i maŋ i dinkee kiliŋo siyaa n ye sadaa ti,

Jabuuroolu 102:26

Ì be buruka la le, bari ite be tu la keriŋ ne. Ì bee le be kotoo la ko funtoo, ko duŋ feŋo, i ye ì faliŋ, ì ye yeemaŋ.

Jabuuroolu 102:27

Bari ite ka tu i ñaama le doroŋ, aduŋ i maŋ dandulaa soto.

Jabuuroolu 102:28

Ntolu mu i la dookuulaalu le ti, aduŋ ǹ koomalankoolu be sii la tankoo le kono. Itolu fanaa koomalankoolu be tenteŋ na le ka baluu i ñaa koto.”

Jabuuroolu 103:17

Bari Yaawe la kanu bambaloo ka tu moolu ye le, mennu ye a kuliyaa, fo abadaa. A ka tu beteyaariŋ jamaani-wo-jamaani moolu fee le,

Jabuuroolu 78:38

Hani wo, ate ye balafaa soto ì ye le. A yamfata ì la junuboolu la le, a maŋ ì kasaara. A ka muña a la kamfaa kaŋ ne siiñaa jamaa, a buka a fijoo jindi ì kaŋ.

Jabuuroolu 78:57

bari ì ye ì koo dii a la le ka badali ko ì mumuñolu. Ì jenketa le komeŋ worotoo.

Yesaya 41:13

Kaatu nte le mu Yaawe ali la Alla ti, meŋ ye ali bulubaa buloo muta ka ali tanka. Ŋa a fo ali ye le ko, ‘Ali kana sila, m be ali maakoyi la le.’

Yesaya 44:6

Banisirayila la Mansoo, a Kumakaalaa, Yaawe Alihawaa Maariyo* ko: “Nte le mu foloo ti, aduŋ nte le mu labaŋo ti. Nte koolaa Alla te keriŋ.

Yesaya 46:4

Hani ali kotoota, nte be tara la n ñaama le, ali tiyolu si koyi ñaa-wo-ñaa, m be ali topatoo la le. Nte le ye ali daa, m be ali bambu la le, m be ali maakoyi la le, m be ali tanka la le.

Yeremiya 32:27

“A juubee, nte le mu Yaawe ti, hadamadiŋolu bee la Alla. Fo feŋ si koleyaa noo nte fee baŋ?

Daniyeli 6:26

“Ŋa kaŋo dii le ko, moolu mennu bee be n na maraloo kono, si horomoo niŋ buuñaa dii Alla la, Daniyeli ka meŋ batu. Ate le mu Alla baluuriŋo ti, a be tu la keriŋ ne fo abadaa. A la mansabaayaa te buruka la muk, aduŋ a la noo le be tu la fo fawu.

Hoseya 11:9

N te n na jusukandoo jii la ali kaŋ, sako n si Efurayimu kasaara. Nte mu Alla Senuŋ Baa le ti, meŋ be ali fee, m maŋ ke hadamadiŋo ti. N niŋ jusukandoo te naa la ali kaŋ.

Habakuki 1:12

Yaawe*, ite be keriŋ ne biriŋ, Yaawe, n na Alla, n na Senuŋ Baa, ite meŋ be tu la fo abadaa. Ite le ye Babiloninkoolu tomboŋ ka kiitii koleŋo laa ǹ kaŋ. Ite tankandirilaa, ite le ye semboo dii ì la ka naa ǹ jarabi.

4 Musa 23:19

Alla maŋ ke hadamadiŋo ti, sako a si faniyaa fo. A maŋ ke hadamadiŋ ti, a buka a la miiroolu faliŋ. Fo Alla si kuma fo baŋ, a maŋ a ke? Fo a si laahidoo dii baŋ, a maŋ a timmandi?

Roomankoolu 5:10

M̀ mu Alla jawoolu ti tumoo meŋ na, a Dinkewo la saayaa ye ǹ niŋ a diyandi. Baawo saayiŋ, ǹ niŋ a diyaata le, fo ǹ te kiisa timmariŋo soto la baŋ ka bo niŋ Yeesu la baluwo la?

Filipinkoolu 1:6

Aduŋ nte dankeneyaata le ko, meŋ ye ñiŋ dookuu betoo dati ali kono, ate le be a timmandi la, janniŋ Yeesu Kiristu la naa luŋo be sii la.

Hiburunkoolu 13:8

Yeesu Kiristu* mu kiliŋ ne ti kunuŋ, bii, aniŋ fo abadaa.

Hiburunkoolu 6:18

A ye wo ke le, fo ǹ si sabarindi baa soto ka bo ñiŋ kuu fuloo la, laahidoo niŋ kaloo, mennu buka yelema. Alla la ñiŋ kumoo te ke la noo faniyaa ti. Wo kamma la ntolu mennu naata tankadulaa soto ate fee, ǹ si wakiiloo soto ka wo jikoo muta m̀ bulu fuloo la, a ye meŋ landi ǹ ñaatiliŋo la.

Yankuba 1:17

Soorifeŋ-wo-soorifeŋ meŋ beteyaata aniŋ meŋ timmata, ì bota naŋ m̀ Faamaa le yaa, meŋ ye malafeŋolu daa. A buka faliŋ, aduŋ a maloo te ke noo la niiniyo ti.

Lankenemoo 1:8

Maarii Alla ko, “Nte le mu Alifa niŋ Omeka ti, Foloo niŋ Labaŋo.” Maarii Alla le ye wo fo, ate meŋ be keriŋ, meŋ be keriŋ nuŋ, aniŋ meŋ be naa la, ate meŋ mu Mansa Tallaa ti.

Lankenemoo 22:13

Nte le mu Alifa niŋ Omeka ti, Foloo niŋ Labaŋo. Nte le mu foloodulaa ti, aniŋ labandulaa.”

1 Samuweli 15:29

Alla meŋ mu Banisirayila la waroo niŋ horomoo ti buka faniyaa fo, waraŋ ka a hakiloo faliŋ, kaatu a maŋ ke hadamadiŋo ti. A ye meŋ londi, a buka wo baayi.”